Nsindàvù 2:1 - NTSHOB NSI

¹ A ndùke! Tshùaben lo' ba ndot nkabte ngon Sion yi ntùm lé'njù yantù se! A tsin mfe kamànyam mba' nkuni Israél ma' nsi num nsitsha'a!

Nsindàvù 2:1 Iomraidhean Croise

2 Samuél 1:19

Neta bon Israél lo kwùte vùte num nkônga! Ba neta sa'nde' kwùte vùte ndù a ndùke?

1 Kronika 28:2

Mfen David lo ntsin tù num nku mi ntshob ndù: Fèt tshàm, ngô àm, bin ju' àm! Me lo jù' nekut ba' nete Koṅ Kàn Tshùaben bwe a fite, mba nekut nko' nku Nsi be; ndùlala me nke nabte wut kut yen ba' là.

Yobkwi 132:7

Bag bin nèn mum ze dù'ntswe, ngwù nsi mbwe nko' nku mi!

Yobkwi 89:45

O yab ndù num ghamaṅt'é, ma' ko'fen se mà nsi;

Yobkwi 99:5

Bin ghamte Tshùaben Nsi be, ngwù nsi mbwe ko'nku mi. A b'a Nelàne.

Esaya 64:11

Tshùaben b'o tswe ntshu mi' mbwe njoṅ tshen tshu li fa ts'a tôg là ké? B'o bam ndù bo kôg yage, nzwi yag tà nkum ndùlala ké?

Yérémia 30:14

Njoṅ màndà tsho fa lagt'o. Sàm ta' i mba ntshù' ke' bèn nelat wut num o. Nummbe me lo lab o kua' kebwô, mba mèn be ndab ngakeban i là. Me lo lo' à tshùagntù nso ntsha yi tu o. Yen nà b'a num mfànnu mu mi a gha' mbu là, num nukebwô tsho ts'a yàm neshu là.

Nsindàvù 1:1

A tù' ghua' ju ndù à ndùke? A tusô se benntùn ke njàm bwe mbwe li ké? A tù' b'a mba mfôg mènnzwi là, ndù a na' ke ntô ngôngô. Màbwengub ntaṅ ngô tsiag. A ke mfà ntshub à kekô nkô.

Nsindàvù 1:12

Me tshob à bin, njoṅ zin fa tse bin tshwèt ntshùa nsen ni là. Bin lôte njene, a be ze mo' ta' ya be bwe z'a fute yàm nà. Me dù à lèn ya ze Tshùaben lab àm yi là! Tshùaben lo ghùtni num lé'njù tonte yantù i.

Nsindàvù 2:17

Tshùaben ghù ju z'a na' njù' là, a zwiagte ntshob mi a na' ntshob tà ndùke lo là, nsate dù' ke ghù kondèn: A lo' o ngù ju tsiaṅte yi mbwe ngakeban, a bù'te ze neta ghafétt'o.

Nsindàvù 4:1

A ndùke! Gol ke' bèn neziag ké? Gol mebwô zwe' ké? Bo sate ndoṅ dù' nelàn num njoṅ ntôg manze fa.

Nsindàvù 4:11

Tshùaben lo sô yantù i fa, a lo sa tonte yantù i. A te ta' mbwôg Sion, a tshwèt nkù ntun mba' fa.

Ezékia 13:13

Tshù, Tshùaben Nsi tshob ndù: Me nsi kam mo' tonkèt fetmbaṅ mum tshùagntù àm, mo' neta mbaṅ tshùa num yantù àm ndo; nywinmbaṅ nsi tshùa njam yantù àm z'a bagte dù' là vù.

Ezékia 19:12

Là, mo' neta fetmbaṅ tshùa ntsho' i ma' nsi, nyam tum bwe, ntàm mi jum. Neta nkaṅ mi be'te, njume, mbwôg kù njoṅ i fa.

Ezékia 24:21

Tshob tunndà Israél ndù: Tshù mba Tshùaben Nsi tshob là li: Tshù, m'a' sagte dù' àm ze nelàne (mbwe' àm) dù' ze ka'te zin neta be mfe là, dù' ze bin be nte miag bwe nke ntsiaṅte là, dù' ze bin be nkô neshu là. Bon tsin tse bandum boa tse bènnzwi tse bin nsi faṅ bwe nèn nà nsi kwùt'a num ntshùag ṅwi.

Ezékia 30:18

Lé'njù nsi sènte mà Takbanès ndùse me nsi be' ngù' Egipto, neta i z'a ke ngù a nka'te mi là. Mo' ndot nsi kabte Takbanès, ngonngon tse nèn ndà kuan.

Yoél 2:2

Lé'njù njame, lé'njù nesènte, lé'njù ndot mba ṅame. Ndaṅndaṅ mba mfôgnjù be ṅwag num tu mbat là, be ndaṅndaṅ mo' nzwit mèn z'a yàm mbèn nta là tshwèt ngebte; lèn i ke' to' yoṅ mbe, mbe ndù lèn i ke nsi ghù bèn be njam i, njoṅ ngu'ngu' fa.

Matio 11:23

Wù Kapernaum, o nsi ko' kà nèn nkum kamànyam ké? Bo nsi lo' o, swe' yi tà nèn nkum ntùm ngô fe ben. Nummbe nsà tse bo ghù netèl o là na' mb'a netèt Sodom, mb'a ke' tà nse' nkum sènni.

Lukas 10:15

Wù Kapernaum, o nsi ko' kà nèn nkum kamànyam ké? Bo nsi lo' o swe' yi tà nèn nkum ntùm ngô fe ben.

Lukas 10:18

Yésu tshob bo ndù: Me lo nke njen mba Satan swe' mfe kamànyam mba beba'mbaṅ, ngwù nsi là.

1 Samuél 4:21

A tswi lén mén ndù Ikabod, ntshob ndù: Nkuni Nsi mi ntùm ngô Israél! Yen nà na' mb'a nummbe bo kwé Koṅ Kàn Nsi bo mba tà ndu i mba ndu i kwù là.

1 Samuél 4:22

A tshob ndù: Nkuni Nsi mi ntùm ngô Israél, nummbe bo kwé Koṅ Kàn Nsi.