Nsindàvù 1:9 - NTSHOB NSI

⁹ Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 1:9 Iomraidhean Croise

2 Samuél 16:12

Be mo' ndù Tshùaben tam lag num yàm nsobni, ntshàm ndèn màm num ndon ze bo tshwèt nso tu àm sènni là.

2 Fenfen 14:26

Nummbe Tshùaben lo yen lèn nge' kebwô ze Israél be ntùm bwe, là sàm mèn ke be, nkuan ke ménla' lo neywimte Israél ntùm bwe là.

Néhémi 9:32

Ndonni me Nsi yag, Nsi ndùb, z'a ghù ngù' mbe Nsi nekuni là, wù z'o be ndé' kàn so, nke ngù kondèn nà, kà yen nge' yag li mba metsit nu là. Me tshob à nge' tse bag yene, bag, fenfen tshage, kamkam tshage, ghale'te Nsi tshage, ghatshob ntshob Nsi tshage, tà tshag mba njoṅ ngô fa là. Tshen nge' là na' nto't'a fe num ze ngelaṅ fenfen Asiria tà nse' nkum sen lé'njù li.

Yobkwi 119:153

Yen nge' àm ntshu' àm, nummbe me ke' lagte ntshù' o.

Yobkwi 140:8

Tshùaben z'a be Tshùaben, mba neta ngayôg àm nà, o be nkabte tu àm mum lé'njù ntsho.

Yobkwi 25:18

Yen nge' àm mba ngùtni àm. Lagte njoṅ nukebwô tshàm fa.

Yobkwi 69:21

Tshabte be' ntù àm, me nke ngone. Me be mbéb kondèn, là mbéb à banban, nke mbéb ghafà ntage, ke yen mba ta' i ntshù'.

Netume 3:17

ndùlala me tshob ndù: Me nsi ghù bin tum ndà kuan bin be bwe Egipto là, nèn ntùm ngô ba Kanaan, ba Hétia, ba Amor, ba Férésia, ba Hévia boa ba Yébusia, ngô ze mbùn nyàm be nswe' bwe bo ṅwa' là.

Netume 3:7

Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.

Netume 4:31

Ngô bam yen nu là. Ndùse bo ju' ndù Tshùaben lo lo nsi netshètte ze njam bon Israél, mba ndù a yen nge' yub là, bo vù nsi kabkab, ngamt'é.

Nzenu 4:1

Mbèn mbe, me ma' miag màm tun bam kamànyam njen mbe nefétte benntùn yàm nga' mbu. Bin yen mba ghayennge' tshwèt mfètte ntsenyà njene; ngatshwétte ntsenyà mub ke' be, neta b'a ju ghafétte yube; bo ke' ghù ngazibte yube.

Esaya 3:8

Yérusalém tshwèt ngwù bag bag, Yuda nke nkôg ngwù nsi. Yen nà b'a nummbe ntshob mub boa mfa' mub b'a nelo' mban Tshùaben yi, bo nelo' nkamte yantù i yi, yi mèn nekuni.

Esaya 37:17

Tshùaben, ben toṅ o nju'u! Tshùaben, gha' miag mu ndôte njene! Ju' njoṅ ntshob fa mi Senakérib tum bo se' ntute wù Nsi z'o tswe ntùn nà yi nju'u!

Esaya 37:23

We z'o tut'é, ntshabt'é à? O tshag nz'o tù à num we? O bù' miag mu tù num Mèn Nelàn Israél.

Esaya 37:29

Mb'o ghù tshùagntù num àm, nka'te k'a ko' ntam toṅ àm nà, me nsi so kwa sàm ntselag o, ma' tùn sàm num nkub ntshu mu, ghù o tshùa num manze z'o na' ntshùa bwe nse' là mbèn njam.

Esaya 37:4

Kà mo' ndù Tshùaben Nsi i ju' ntshob Rabshaké, ze tàfa' i mfen Asiria tum i ndù a tute Nsi z'a tswe ntùn no! Kà be mo' ndù Tshùaben Nsi o naṅ ntsha num men ntshob tute là mi a ju' lo! Ndùlala, tshag nz'o tù, nde'te Nsi num tshé' i z'a ke' ntùn nà.

Esaya 40:2

Bin lo' nku'ni ntshob nu yi Yérusalém, nkua' neta ntshob yi ndù ze ngelaṅ sobni mi mba di, bin tshob yi mbe mfànnu mi mi mba di! Bin tshob yi ndù a lo kwé nevù ntsha mum mbu Tshùaben yoṅ tse bàa, mbe ndùlal'a num nukebwô tse.

Esaya 47:7

O lo ke ntshob ndù: Me b'a màmfen matmat, ke kwate, ke siaṅte nu mfà num nemiagte.

Esaya 51:19

Tshen nukebwô bàa li lo tsho o, we z'a tshàm o mba nda' netshàm à? Bo lag ntsha' o, o tù' fam. Nziku' bo ṅwi vù netèl o. Be we fite ntù o à?

Esaya 54:11

Njennge' mba wù, ze fetmbaṅ sé't'o, mèn ke fite ntù o là, me nsi lo' a ndoṅ jaspé kà kul o yi, lo' a safir kà ma' tun o yi.

Yérémia 13:27

Me yen njoṅ màndà tsin fa, njen nkua' mine, njen bagkèt kat tsin fa num nkônga mba ntùm tômbo'o. Njoṅ tshen tshùaya'nu là fa me yen. Nge' tu bin me Yérusalém. O nsi be ke lànte ntù o tà bèn kum à ndùke?

Yérémia 16:7

Bo ke nsi fà ntsivù ngavù nelo' mfite ntù i yi num mèn z'a kwù là. Bo ke nsi fà ndu' vù ngavù ze tàab ke màab lo kwù là num nelo' mfite ntù i yi.

Yérémia 2:34

Bo num ntèt lem bwoṅbwoṅ, mbu' num kum so, ke be ndù o tèt yub bo nke mbe' dù'.

Yérémia 48:26

Bin ghù ba Moab bum ndu', nummbe bo bù' tu yub nsi num Tshùaben! Ba Moab yaṅte wut yub ntùm fi ze bo ywi' là. Mba bo yub tù' ju netshabte.

Yérémia 5:31

Ghatshob ntshob Nsi tshwèt ntshob tatte ntùm ntshob mube. Ghale'te ke ndo' à ngù' mfa' yi, yàm nzwit mèn nke ṅwate num bwe. Bin nsi be miagt'é b'a ndùke?

Yérémia 50:29

Njoṅ zin fa tse bin be ndù' ngoṅkét là, bin tsiaṅ ghama' nkét. Bin lam Babilon mbume, kà bin bam sàm mèn tume. Bin ghù yi ndaṅndaṅ mba mfa' mi be là. Bin ghù yi kua' mba tu wul i na' ngù ze là. Nummb'a lo lo' ka'te mbù' tu i yi nsi num Tshùaben ze Mèn Nelàn Israél.

Nsindàvù 1:17

Sion lo ke nyit mbu, mèn ke fite ntù i. Tshùaben tum ghakeban tse bo diaṅ Yakob mbum nà num i. Yérusalém lo tù' ju fétwut netèt bo.

Nsindàvù 1:21

Bo ju' mba me tsham zwe là, sàm mèn ke fite ntù àm. Njoṅ ghakeban tshàm fa ju' yàm nge'. Bo tsiaṅte mb'o ghù yen nge' là be là. Tu wul o nsi lo' lé'njù se bo be mba me là se' yi, tswi nkùn i.

Nsindàvù 2:13

Be me tshob wù à ndùke? Ngon Yérusalém, be me lo' à ke mfà mfi' o yi à? Be me yen mfuni mu à yà, be me fite ntù o à ndùke ngon Sion ze bo ke' tabt'é à? Nummbe keko' so zi à mba dibantse là: We z'a ku'ni neyat'o à?

Nsindàvù 4:1

A ndùke! Gol ke' bèn neziag ké? Gol mebwô zwe' ké? Bo sate ndoṅ dù' nelàn num njoṅ ntôg manze fa.

Nsindàvù 5:1

Tshùaben, kwimte nu z'a tsho yag là! Lôte njen mba tuswe ko yag njene!

ṄWA'NI OSÉ 2:14

M'a' sate nkùa i, nsate nten mi, tshu ts'a be ntshob num bwe ndù: A b'a tshu tshàm, mbe nda' ze màndà tshàm fà me là. M'a' lo' njoṅ i fa nkaṅ fèn yi, nyàm tshwèt sate njoṅ i fa.

Sofoni 2:10

Yen nu là nsi tsho num bo num ka'te yub, nummbe bo tshabte mbèn ngùtni nzwit Tshùaben Nsi tàndà ntsho ntùm ko'tewut.

Yohané 11:19

Ben yàm netèt ba Yuda lo se' mbaṅ Marta mba Maria ndù bo fite ntù tshob num nu mfèt yub.

Nebwôgte 26:7

Ndùlala bag kua' ntsiaṅ Tshùaben, Nsi tà tshage, a ju' nkua' mage, njen ntobni yag, njen ngùtni yag mba nge' yag.

Nebwôgte 32:27

Là me ke tshwèt mbwôg tute ngakeban, nke mbwôg ndù kà ghakeban tshob ghamaṅte yub fùte wut tshobe, ntshob mbe bu yub bèn mfà yube, ke bam ndù Tshùaben bèn ngù tshen tshu là fa.

Nebwôgte 32:29

Bo lo mb'a ghazenu mba tshù mb'a be bo ju', nkwate mfà num nu z'a tum bo li:

1 Pétro 4:17

Nummbe ngelaṅ ku' ze netsho'te ntsha nsi to' à ntùm Ndà Nsi là. A be z'a to't'a num be là, mb'a nsi miagt'a ndùke num ben tse bo ke' bam nkùn mebwô Nsi l'à?

1 Samuél 1:11

A ghù nka'ni ntshob ndù: Tshùaben tàndà ntsho! A be z'o bame, ntam lag num sobni ngafa' o ze mènnzwi là, a be z'o kwimt'àm, ke lag ngafa' o me ze mènnzwi, a be z'o fà ta' mén mandum ngafa' o me là, mba m'a' yab i ntùm fa' so wù Tshùaben njoṅ ngelaṅ fa z'a nsi ke' ntùn nà, ke bam ndù shua' zi ntshùa tu i.