Nsindàvù 1:8 - NTSHOB NSI

⁸ Nukebwô Yérusalém gha' mbu, ndùlala mba we lo tshwèt nyi'te tu num i. Njoṅ benntùn fa tse bo ke ngamt'é là yen i tù tunntôg, nto' newag i. Yérusalém tshwèt ntam keshù', nke nkaṅ se i.

Nsindàvù 1:8 Iomraidhean Croise

Neto'te 3:7

Miag mba we lo netèt bo to, bo lèn ndù bo b'a tunntôg, ndùlala bo yoṅte tshaten ntaṅ tun bo.

1 Fenfen 9:6

Là, a be ze bin lo' mvèn zin ntam àm yi, wù bin à nshumnshum tsho là, a be ze bin ke' ze nkàn màm, ntshù' màm mi me na' nkite bin nà, a be ze bin tam njam tsemo' nsi, nke ngwù nsi mbwe bo là,

1 Fenfen 9:7

mba me nsi biagte Israél ntùm ngô ze me na' mfà yi là, ngua' ba' ze me te lén sàm bwe tà ngùanesà, Israél tù' à tshô tuswe bo tunu zwi netèt ngôngô.

1 Fenfen 9:9

Bo ke mbùnte ndù: Nummbe bo lo ghua' Tshùaben Nsi yub, z'a na' nsô tà tshob ntùm ngô Egipto là, nummbe bo tam njam tsemo' nsi, ngwù nsi mbwe bo, mfa' bo; tshù ju z'a ghù Tshùaben ghù tshen nge' li kab mbu num bo là.

Esaya 47:3

Te wul o tunntôg, ndù bo yen o ntùm yu tuswe. M'a' yab nge' ntùm yagte mba'a. Me ke nsi tôg sàm mèn.

Yérémia 13:22

A be bin tshob ntùm ntù bin ndù, yen nu li tsho yag à numke ké? A b'a mfànnu min mi a gha' mbu là bèn ngù kà tun kum sin ṅu'te, ntun nku min bèn njoṅ ntù' b'a njù be ndende.

Yérémia 13:26

Tu wul àm, me nsi bote kum sin ma' tu bin, ndùlala ndù me te zin tù tunntôg num miag benntùn.

Yérémia 15:4

Me nsi lo' yub ghù tunu fétwut yi num miag njoṅ nufen fa ts'a nsitsha' là. A be ndùlal'a num Manasé nshum Ezékia, mfen Yuda, num njoṅ tshu fa ts'a ghù Yérusalém nà.

Yérémia 24:9

Me nsi ghù bo tù' tunu fétwut, tunu nge' num njoṅ nufen fa num nsitsha'a. Bo nsi tù' b'a ju tuswe, tshô, komzwi bo ndon njoṅ dù' fa ze me nsi sate yub bwe là.

Yérémia 32:23

Bo lo se'e, ndo' la' ntùm ngô là, là ke yôg nke nju' nz'o, ke bèn nze tshob yu ntshù'. Bo ke' ghù ju z'o bètte ndù bo ghù là. A yen ngelaṅ nà z'o ghù tshen nge' là tsho yub là.

Yérémia 34:17

A ndùlala, Tshùaben tshob ndù: Bin lo ke ju' ntshu àm, ndùse bin na' ntswi nkùn ndù mba we lo kag mfèl i, nkag ze la' bo là. Ndonni tu wul àm tam bu num bin. Me Tshùaben tum ṅwi num bin, ntum nziku' bo keya' num bin. Me nsi lo' zin kaṅ ju fétwut yi mbwe njoṅ nufen fa nsitsha'a.

Yérémia 4:31

Me ju' nkua', a fute nkua' ta' mènnzwi z'a tshwèt ndùbte là, nkua' nge', a fute mi mènnzwi z'a yôg nto' se bwe ngon nà. Men nà b'a nkua' ba Yérusalém. Bo tshwèt ntsham zwe, ndù bo tshag mbu mub tù, nke ntshob ndù: ghayennge' mba bag là, bag vù nsi mbwe ghazwi benntùn.

Yérémia 6:28

Bo b'a ghatatu netèt ghatatu, mbe ghaghù ndàm, bo taa, nta mba tùn meba bo tùn nà, njoṅ yub fa bag nja' nka'.

Nsindàvù 1:11

Njoṅ ze nzwit mèn fa tshwèt ntsham zwe, nke ndiag jujù. Bo fà tshu tanjoṅ tse bo ghù là num jujù, ndù a tshùa ndùlala neta bèn mbe bo. Tshùaben, lôte njen mba me tù' ju banban njene!

Nsindàvù 1:17

Sion lo ke nyit mbu, mèn ke fite ntù i. Tshùaben tum ghakeban tse bo diaṅ Yakob mbum nà num i. Yérusalém lo tù' ju fétwut netèt bo.

Nsindàvù 2:10

Tse ghakwé mbwe ngon Sion tswete nsi, ntù' b'a ntshu mi'i. Bo yo' tu yub bwembwôge, ntôg nke' mbàm tun bo. Ngonngon Yérusalém tse bo ke' tabte yub là tshwèt mben tu tshob nsi.

Nsindàvù 4:21

Ngon Edom, tsiaṅte, be ntùm ṅwate. Nzwi ngô Uts, bo nsi lo' ntu' tshùa yi mba mbaṅ o yu. O nsi bum i, bo tèl o tù tunntôg.

Ezékia 23:29

Bo nsi lo' ntù nkembàn ma'ni o yi, sô njoṅ tshunkàb tsho fa. Bo nsi te o tù tunntôg, o tù' kua' tunntôg. Tuswe nsi ko o num mfa' mu mi kebwô, nu nefètte lem bo kat.

Ezékia 23:46

Tshù, Tshùaben Nsi tshob ndù: Me nsi ghù bwoṅ benntùn lo nsi num bo, me bèn nswèn yub nge', bo lagte yub kà ke faṅ sàm ju.

Ezékia 39:23

Ngôngô nsi lèn ndù me tshùa à njam mfànnu tunndà Israél kà tshag i ndà kuan. Me tshùa njam nukebwô ts'a ghù me là kà tshag i ndà kuan. A lo tshùa ndùlala me lem yub se àm, nswèn yub mum mbu ghakeban tshobe, ndù njoṅ yub fa kwùt'a num ntshùag ṅwi.

ṄWA'NI OSÉ 2:10

A lo ke lèn ndù me na' mbèn nke mfà nsa, ngefele, mba mfèt nswe yi, ke lèn ndù me na' mbèn nke mfà nkàb yi mba gol. Bo lo lo' nkàb là mba gol nabte Baal yi!

ṄWA'NI OSÉ 2:3

Bin tsiaṅ fèt tsin tse bandum ndù: Ammi nzwil àm, ntsiaṅ fèt tsin tse bènnzwi ndù: Ruhama, mènnzwi ze bo ko ndèn mi là.

Apokalipse 3:18

tshù ntag mi me fà wù li: Jun gol ze bo lànt'é ntùm mbwôg là me, ndù o tù' ngafu'; jun nzwe fôgtab me, nkele, ndù kà tuswe mb'o be tunntôg là bèn ntum num miag benntùn; jun mfèt me, njo' miag mu yi, ndù o yen nze.

1 Samuél 2:30

Ndùlala Tshùaben, Nsi Israél tshob ndù: Me lo tshob mbe tunndà o bo ze tàan nsi fa' me matmat. Là, ndonni yen nu là mi. M'a' ghù nku'ni ben tse bo ghamt'àm nà; ngwag ben tse bo wag àm nà, Tshùaben bèn ntshob ndùlala.