Nsindàvù 1:7 - NTSHOB NSI

⁷ Yérusalém lo kwimte njoṅ fu' fa mi a be mo' ngelaṅ nà num tshen lé'njù kebwô bo nge' là. Ndonni ze ze nzwit mèn vù mum nkù ngakeban, mèn ke tum njwimt'é là, ghakeban tse tshwèt ndôt'é, nke nzwi mb'a vù là.

Nsindàvù 1:7 Iomraidhean Croise

ṄWA'NI YOB 29:2

Be we bèn ngù me be mba me na' mbe, ndùse Nsi na' nke ndôt'àm n'à!

Yobkwi 42:4

Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Yobkwi 77:3

Me be ndiag Tshùaben mum lé'njù nge' sàm. Me be nyit mbu màm tèttswe' ke bot; ntù àm ke tshwèt nkô sàm fitentù.

Yobkwi 79:4

Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

Esaya 64:10

Ndà Nsi yag ze nelàne, ze nekuni, dù' ze tà tshag ke ngamt'o bwe ntùm nkwi là, mbwôg se ka bwe. Njoṅ tshu tanjoṅ fa tse bag na' ngù bwe là, bo bagte fa.

Esaya 64:11

Tshùaben b'o tswe ntshu mi' mbwe njoṅ tshen tshu li fa ts'a tôg là ké? B'o bam ndù bo kôg yage, nzwi yag tà nkum ndùlala ké?

Yérémia 37:7

Tshù mba Tshùaben, Nsi Israél tshob li: Bin tshob mfen Yuda z'a tum zin bin bètt'àm nu là ndù: Tshù ntshu ntsho Faraon z'a ke nse' ywimte zin nà z'a tshwèt mbèn njam Egipto, ntùm ze ngô là.

Yérémia 48:27

Mba Israél lo ke tù' ju netshabte bin zin ké? Bo na' ngom i à netèt tshô ké kà bin nke mbe tsi lén se nke nyi'te tu zin à?

Nsindàvù 4:17

Miag mag lo ke nke' ntshùme, bag nke mbéb ywimte. Miag mag nke nywinte, nke ndôte ta' ngô z'a na' mbe ke tshu' yag là.

Ezékia 25:3

O nsi tshob bon Ammon ndù: Bin ju' ntshob Tshùaben Nsi! Tshùaben Nsi tshob ndù: Mb'o tshob ndù: Ah! Ah! Num dù' àm ze nelàn (mbwe' àm) ze bo sagt'é là, num tsha' Israél tse bo sate bo tunndà Yuda z'a tshwèt nèn ndà kuan nà,

Ezékia 25:6

Tshùaben Nsi tshob ndù: Mb'o na' mbu'te mbu, ndabte nku mu, ntsiaṅte, wag dun ntù o num nu ngô Israél là,

ṄWA'NI OSÉ 2:7

nummbe mà yub kat; mènnzwi z'a jùm yub là bagte wul i ze tu. Nummb'a tshob ndù: A bwô ndù me tam njam màndà tshàm, tse bo be mfà yàm bàn mba ntse, mfà tshàm nzwe, mfà màm mfèt mba màm ndu' là.

Mika 4:11

Ndonni ngô nzenze tse'te ndo nsi num o, nke ntshob ndù: Be lo' i ngù ju banban yi; a bwô ndù miag be ṅwate neyen i mb'a be fam nà.

Lukas 15:17

A lo' ntù i nèn tsham yi, ntshob ndù: Ghafa' be la' tà à si' tse bo ghù jujù yàme! Là tu wul àm me tshwèt nkwù nziku' nsen ni!

Lukas 16:25

Abraham bùnte yi ndù: Mén àm, kwimte ndù o lo kwé yu bag i, ntswe mebwô ngelaṅ o na' nke' ntùn nà, Lazaro nke njen nge'; ndonni bo tshwèt mfite ntù i, là tu wul o, o nke njen yu nge'.