Nsindàvù 1:6 - NTSHOB NSI

⁶ Ngon Sion bi nkuni mi fa; kamkam tse b'a mba ba njuanyàm, tse bo ke' be fon nenà, ntù' ke nkù mbwe mèn z'a tshwèt nta' yube, ndù neta bwoṅ bo là.

Nsindàvù 1:6 Iomraidhean Croise

2 Fenfen 19:21

Tshù ntshob mi Tshùaben tshob num i li: Asiria tshwèt ngwag o, nke ntshabt'o. Wù Ménngon ze bo ke' tabt'o là, wù ngon Sion. Ngon Yérusalém, a be me tôg mbaṅ o nke nko' ngem nkembe' mi.

2 Fenfen 25:4

Ndùlala bo to fa num kàbngô tusô, njoṅ ghama' ntsho fa tum tèttswe' nkù ntshùa num manze z'a be num nzendà z'a be netèt nkummba' mbàa là. Yen dù' là b'a mbaṅ nka' mfen. Yen ngelaṅ nà ba Kaldéa nke ndam ntusô mbume. Ben bo kù là tshùa num manze z'a be tômbo' là.

2 Fenfen 25:5

Là ntshu ntsho ba Kaldéa te njam mfen, nkot'é tômbo' Yériko, njoṅ ze ntshu ntsho mfen fa sate mfaṅ i nkù nèn nesà mbaṅ i.

Yobkwi 50:2

Nsi tsin mà Sion, dù' z'a bwô miagte là, nke nziage.

Yobkwi 96:9

Bin vù mbwe Tshùaben bin à tshu kwiwut nelàne. Njoṅ benntùn fa tse bo be ntswe num nsitsha' là vètte mbwe i.

Esaya 1:21

A tshùa à ndùke kà ngô z'a ke nju' ntshu ntù' kattù mènnzwi à? Nu ndaṅndaṅ lo ke mbe bwe, nunetsin nke ntswe bwe. Là ndonni ghafètte lem se ka bwe.

Esaya 12:6

Ben bo be Sion nà tshag nze yub tù ntùm tsiaṅte, nke ṅwate! Nummbe ze Mèn Nelàn Israél b'a mèn ndùb netèl o.

Esaya 4:5

Tshùaben nsi te ndot z'a tshwèt nsô nzembwôg là mbwôgtshù, tete mbwôg ze la se tshwèt nziag tèttswe' là num njoṅ mbat Yérusalém fa, num tse dù' mbumte fa. Mba ke lo z'a kuni là nsi b'a nge.

Yérémia 13:18

Tshùaben tshob Yérémia ndù: Tshob mfen bo màbwengub ndù: Bin tam tun zin nsi, nummbe kétmbùm se bin ke nkwi wut tsin yi là tum tu bin ngwù nsi.

Yérémia 29:4

Tshù mba Tshùaben tàndà ntsho, Nsi Israél tshob njoṅ kuan ntsho fa ts'a sô yub Yérusalém ntshag Babilon ni:

Yérémia 47:3

a tshùa num ntshu' nku neta nyàmdiaṅ tse, ntshu'te nkalig mi boa maṅ nku mi, ba tà ke bèn nekaṅ wut ndôte bon tshobe, nummbe mbu mub yub neshu.

Yérémia 48:41

Bo be' Kiriot. Bo ket tse kàbngô fa nèn yi. Ntù tse sa'nde' Moab, be sen lé'njù l'a mba ntù ta' mènnzwi z'a tshwèt ndùbte là.

Yérémia 52:11

Yen ni be tôg a ghù bo to miag Sédékia, ndo' tshan ntùn nkul i yi; mfen Babilon lo' i nèn yi Babilon, ntsho bwe, ma' i ndàtsha tà nkum lé'njù s'a na' nkwù là.

Yérémia 52:13

A ton ba' Tshùaben, ba' mfen, boa njoṅ mba' fa mi a be Yérusalém nà. A ton bon mba' ntùn fa mi a be bwe là.

Ezékia 24:21

Tshob tunndà Israél ndù: Tshù mba Tshùaben Nsi tshob là li: Tshù, m'a' sagte dù' àm ze nelàne (mbwe' àm) dù' ze ka'te zin neta be mfe là, dù' ze bin be nte miag bwe nke ntsiaṅte là, dù' ze bin be nkô neshu là. Bon tsin tse bandum boa tse bènnzwi tse bin nsi faṅ bwe nèn nà nsi kwùt'a num ntshùag ṅwi.

Ezékia 24:25

Wù mén mèn, lé'njù se me nsi lo' ju ze yub neta be mfe bwe, tsiaṅte yub bo ka'te yub, ju ze bo be nte miag mub num bwe, nke nkô i neshu là boa bon tshob tse bandum mba tse bènnzwi là;

Nebwôgte 28:25

Tshùaben nsi ghù ghakeban tsho tshùa o ntsho; o nsi tum num bo à num ta' manze be fe kù tshùa à num manze sammbàa kà lo num miag mube; o nsi tù' tunu mbwôg njoṅ nufen fa ts'a nsitsha' là.

Nebwôgte 32:30

A ndù ke kà ta' mèn nke njab njam ben ntsha' mbùm, ben bàa nke njab njam ben ntsha' gham kà bo kù à? A' tswe mbe ndù Tshùaben z'a be gholoṅ sob là swèn yube, mbe ndù Tshùaben kag yube.