Nsindàvù 1:5 - NTSHOB NSI

⁵ Ghafétt'é tshwèt njob ngu'u, tse ghakeban b'a ntùm fite; a b'a nummbe Tshùaben kôg i mfà nsi, mbe ndùlal'a num nukebwô tse ts'a yàm neshu là. Bon tse zin mba kuan nà mbwe ngafétte yube.

Nsindàvù 1:5 Iomraidhean Croise

2 Fenfen 21:15

Ndùlala nummbe bo ghù ju z'a ke' bwô là num miag màm fe mum lé'njù se tà tshob na' ntum mà Egipto là.

Yobkwi 80:6

O be nkém yub bàn ntsenyà. O be ngù bo nu ntsenyà k'a tshùa yube.

Yobkwi 89:42

Njoṅ ghatshùanze fa be mbagte dù'. A tù' b'a ju tshabte mbwe ba ndùla' tse.

Esaya 22:5

Ṅ, a lé'njù tshu'tu, lé'njù nge' bo lé'njù tuswe. Tshùaben tàndà ntsho bèn ntum sen lé'njù là tômbo' ba njem. Bo tshwèt nsate ba kàbngô, bo nke nju' nkua' nge' tà mfe num mbale.

Esaya 63:18

Nzwit mèn o ze nelàn be ntùm ngô à nda' num metsit ngelaṅ; ghakeban tshag nyiaṅte dù' o ze nelàn nku.

Yérémia 10:20

Tshag ntàb sate. Njoṅ tshag mvèt fa kebte. Nshumnshum tshag kù yage, bo ke' bèn mbe. Bag ke' bèn ngù ts'a b'a taṅte tshag ntàb bag là, ts'a b'a nabte mag mba' bag là.

Yérémia 12:7

Tshùaben tshob ndù: Me lo ghua' tunndà àm, me lo yèn ntsi' màm nsi. Me lo swèn i ntùm mbu ghakeban tse; a b'a ju ze ntù àm kô neshu là.

Yérémia 23:14

Là, mbe se' mba ba ghatshob ntshob Nsi tse bo Yérusalém nà, me yen tshu ts'a bag ntshùate là; màndà bo tatte. Bo be mfà tànntù ghatshùagntù, ndùlala mba ze ntshù' ke bèn nkag tshùagntù nsi. Njoṅ yub fa be num miag màm à mba ben kebwô tse bo be Sodom nà. Ben tse bo be Yérusalém nà b'a mba ben kebwô tse bo be Gomora là.

Yérémia 39:9

Nebuzaradan tà ghabéb dù' lo' tshé' benntùn tse bo ghô tusô là, tse bo tam njam i là, mba tshé' ngô nèn yi ndà kuan Babilon.

Yérémia 5:29

Me ke nsi so ntsha tu bo num lèn tshen tshu là ké? Me ke nsi yagte mba' num lèn yen ngô là ké? Tshùaben bèn mbètte ndùlala.

Nsindàvù 1:16

A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Nsindàvù 1:18

Tshùaben b'a mèn netsine, nummbe me lo ta tu num tshu ts'a tshob là. Ntumntum, bin ju' njoṅ zin fa, njen yàm ya! Ngonngon boa tshàm ghuan benntùn nèn ndà kuan.

Nsindàvù 1:8

Nukebwô Yérusalém gha' mbu, ndùlala mba we lo tshwèt nyi'te tu num i. Njoṅ benntùn fa tse bo ke ngamt'é là yen i tù tunntôg, nto' newag i. Yérusalém tshwèt ntam keshù', nke nkaṅ se i.

Nsindàvù 2:17

Tshùaben ghù ju z'a na' njù' là, a zwiagte ntshob mi a na' ntshob tà ndùke lo là, nsate dù' ke ghù kondèn: A lo' o ngù ju tsiaṅte yi mbwe ngakeban, a bù'te ze neta ghafétt'o.

Nsindàvù 3:46

Njoṅ ghakeban tshag fa tshwèt nso ntshu nsi num bag.

Ezékia 9:10

Mba tu wul àm ke ghù ntù kondèn, ke ghù kondèn num sàm mèn. M'a' ghù mfa' mub vù be tu bo.

Ezékia 9:9

A bùnte me ndù: Mfànnu tunndà Israél bo tunndà Yuda yàm nga' mbu; nezwite benntùn dun ntùm ngô, mfànnu dun ntùm bwe, nummbe bo be ntshob ndù: Tshùaben tum ntùm ngô, Tshùaben ke tshwèt mbèn njen sàm ju.

Nebwôgte 31:29

Me lèn kua' ndù bin nsi sagte wut tsin ndùse me nsi kwù là, mba ndù bin a' kag nze ze me kite bin nà, nge' nsi kab mbu num bin ndùse bin ghù kebwô num miag Tshùaben, kà lo' mfa' mbu min du'te yantù i yi là.