Nsindàvù 1:4 - NTSHOB NSI

⁴ Tse manze Sion b'a nsivù, nummbe bo ke tshwèt mbèn nèn jù jùa; njoṅ tse nzendà fa b'a kônkwa; tse ghale'te fa tshwèt ntsham nzwe tse ngonngon tse bo ke' tabte yub là b'a ntùm ngùtni, ndù zwe dun ntù bo.

Nsindàvù 1:4 Iomraidhean Croise

Esaya 3:26

Netsham zwe bo ntsenyà nsi be num nsém Yérusalém, Yérusalém, mba mènnzwi là tam tun num tsha' mba bo sat'é fa là.

Yérémia 10:22

Tshù mo' tshu'te là be tshwèt nju' là. A b'a mo' tshu'te ndùb z'a fe tu là. A nsi lo' ntusô Yuda kaṅ kônkwa yi, kaṅ ngab ba mbù tshwèt yi.

Yérémia 14:2

Yuda b'a nsivù, ben tse bo be ntùm ntusô mi là ket nzwe vù, nôte num tsha'a. Nekua' tshwèt nko' Yérusalém nke nèn kamànyam.

Yérémia 9:11

Yérémia bètte ndù: Nzenu mènntùn z'a ju' tshen tshu li là b'a yà? A bwô ndù mèn ze Tshùaben tshob yi là tote là! Numke ngô nsat'à? Numke ngô nkù mba kônkwa, mènntùn ke bèn netshùa bwe à?

Nsindàvù 1:21

Bo ju' mba me tsham zwe là, sàm mèn ke fite ntù àm. Njoṅ ghakeban tshàm fa ju' yàm nge'. Bo tsiaṅte mb'o ghù yen nge' là be là. Tu wul o nsi lo' lé'njù se bo be mba me là se' yi, tswi nkùn i.

Nsindàvù 5:13

Ghuan benntùn tshwèt nket loṅ masin, bônke' nke mfa'te bam ntsha' ntshwèn.

Nsindàvù 5:14

Ywèn benntùn ke tshwèt mbèn nèn nsém, ghuan benntùn ke bèn neyob nkwi mube.

ṄWA'NI OSÉ 2:13

M'a' ghù ze tsiaṅte, tse jùa, tse jùa ṅwù, tse jùa ngabnjù mba njoṅ tse mbumte fafa ke bèn mbe.

Lévitiko 26:22

Me nsi tshag ba nyàm tshwèt num bin, tse bo nsi ghom bon tsine, ghom nyàm tsine, ghom kua' mbe' yàm benntùn netèt bin; tsin manze nsi b'a fam, sàm mèn be ke bèn nke ntshùa bwe.

Mika 3:12

Là, a nsi tshùa num tu bin Sion tù' nà ze bo dù' là, Yérusalém tù' fam, mbat ndà Tshùaben nsi tù' fèn.