Nsindàvù 1:21 - NTSHOB NSI

²¹ Bo ju' mba me tsham zwe là, sàm mèn ke fite ntù àm. Njoṅ ghakeban tshàm fa ju' yàm nge'. Bo tsiaṅte mb'o ghù yen nge' là be là. Tu wul o nsi lo' lé'njù se bo be mba me là se' yi, tswi nkùn i.

Nsindàvù 1:21 Iomraidhean Croise

Yobkwi 35:15

Là ngelaṅ tu wul àm vù nsi là, bo tsiaṅte, mbèn ntse'te, ntse'te ke soṅ àm, num netut'àm. Bo be nsé't'àm ke faṅ ngelaṅ

Yobkwi 37:13

Tshùaben be nzwi tse num mèn kebwô. Nummb'a yen ndù se lé'njù ghebte.

Yobkwi 38:16

Tshùaben, me ke nywinte yàm à num o; Tshùaben Nsi àm, o nsi bùnte me.

Esaya 14:5

Tshùaben be' zwit ghatshùagntù, mbe' shua' ghatshagte.

Esaya 14:6

Mèn z'a na' nke ndab ngôngô ntùm tshùagntù i, nke ntsham ke tsin nà, mèn z'a na' nke ndo' fa ntô ngôngô yi ntùm yantù i là, bo te njam i, mbe ndù a ke nsi tum bwe.

Yérémia 30:16

Mba tà ndùlala, bo nsi lag ntsha' ben tse bo tshwèt ndag yu ntsha' là. Njoṅ ghakeban tsho fa nsi nèn ndà kuan. Bo nsi tswitte tshu ben tse bo tshwèt ntswitte tshu tsho là. Me nsi ghua' ben tse bo tshwèt ntswitte tshu tsho là ndù bo tswitte tshob tshu.

Yérémia 48:27

Mba Israél lo ke tù' ju netshabte bin zin ké? Bo na' ngom i à netèt tshô ké kà bin nke mbe tsi lén se nke nyi'te tu zin à?

Yérémia 50:11

Bin ba Babilon tse bin na' ndag ntsha' ntsi' màm nà, bin be tsin à ntùm tsiaṅte bo ṅwate. Ṅ, bin tam nde ntùm nenà mba metshab mfô là. Bin kua' mba nyàmdiaṅ tse bo kam tùntu là.

Yérémia 50:15

Bin bu' ngoṅ ntsho njoṅ bag bag fa. Babilon nyit mbu mi, ntun mba' mi tshwèt nkôge; mi nkummba' vùte nsi. Nummb'a b'a yagte mba' Tshùaben. Bin yagte mba' num i. Bin ghù num Babilon mb'a na' ngù ze là.

Yérémia 50:29

Njoṅ zin fa tse bin be ndù' ngoṅkét là, bin tsiaṅ ghama' nkét. Bin lam Babilon mbume, kà bin bam sàm mèn tume. Bin ghù yi ndaṅndaṅ mba mfa' mi be là. Bin ghù yi kua' mba tu wul i na' ngù ze là. Nummb'a lo lo' ka'te mbù' tu i yi nsi num Tshùaben ze Mèn Nelàn Israél.

Yérémia 50:31

Babilon ngako'tewut, me tam bu àm num o, nummbe so lé'njù te nsi, yu ngelaṅ nevù ntsha ku'u. Tshùaben tàndà ntsho bèn ntshobe.

Yérémia 51:24

Tshùaben tshob ndù: Me nsi ghù num Babilon boa njoṅ ba Kaldéa fa be ndaṅndaṅ; m'a' ba' nukebwô fa ze bo na' ngù Sion nà num miag min ba Israél.

Yérémia 51:49

Mba Babilon ze nsi vù me tse fe ben Israél, nummb'a lo ghù tse fe ben njoṅ ngô fa vùte nsi.

Nsindàvù 1:16

A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Nsindàvù 1:2

A be nkua' njoṅ tèttswe' fa, ntsenyà yo' nge' mi fa. Sàm mèn ke' tum netèt tse ben ts'a ke nkô yub là mfite ntù i. Bo kaṅ ntù' ghakeban tse.

Nsindàvù 1:22

A bwô njoṅ yub tshùagntù fa se' mbwe o, o ghù num bo mb'o na' ngù num àm, num njoṅ mfànnu màm fa là. Nummbe yàm netsham zwe gha' mbu, ntù àm b'a ntùm ntobni.

Nsindàvù 1:4

Tse manze Sion b'a nsivù, nummbe bo ke tshwèt mbèn nèn jù jùa; njoṅ tse nzendà fa b'a kônkwa; tse ghale'te fa tshwèt ntsham nzwe tse ngonngon tse bo ke' tabte yub là b'a ntùm ngùtni, ndù zwe dun ntù bo.

Nsindàvù 1:8

Nukebwô Yérusalém gha' mbu, ndùlala mba we lo tshwèt nyi'te tu num i. Njoṅ benntùn fa tse bo ke ngamt'é là yen i tù tunntôg, nto' newag i. Yérusalém tshwèt ntam keshù', nke nkaṅ se i.

Nsindàvù 2:15

Njoṅ ghatshùagntù fa tshwèt mbu'te mbu num o, nke ntôte fin, nke nyi'te tu num ngon Yérusalém, nke ntshob ndù: A kua' tusô se bo ke ntsiaṅ i bwônja' li ké? Z'a b'a tsiaṅte nsitsha' fa li là ké?

Nsindàvù 2:16

Njoṅ ghakeban tsho fa gha' ntshu yub num o, bo tshwèt ntôte fin, nke mfèt nsô, nke ntshob ndù: Bag mi i koṅkoṅ. Tshù kua' lé'njù bag ke mbéb li, bag zin tà nkum num i, bag yen i!

Ezékia 26:2

Mén mèn, Tiro tshwèt ntshob num Yérusalém ndù: Ah! Ah! Bo be'te, bo be'te nzendà ntumntum! Tiro tshob ndù: Ndonni bo nsi kaṅ lag te à num àm. Me nsi tshote yàm ndonni. Yérusalém tù' a kônkwa.

Apokalipse 18:6

Bin ghù yi ndaṅndaṅ mb'a na' ngù là. Bin ghù yi yoṅ bàa ndaṅndaṅ mba mfa' mi be là. Bin so yi yoṅ bàa ntùm ntu' z'a na' nso bwe là.