Nsindàvù 1:2 - NTSHOB NSI

² A be nkua' njoṅ tèttswe' fa, ntsenyà yo' nge' mi fa. Sàm mèn ke' tum netèt tse ben ts'a ke nkô yub là mfite ntù i. Bo kaṅ ntù' ghakeban tse.

Nsindàvù 1:2 Iomraidhean Croise

ṄWA'NI YOB 6:15

Bin fèt tshàm b'a ghamfùm mba ta' ntsitmbaṅ nà, mba fub ba ntsit mbaṅ mi a be mbi nsi là.

ṄWA'NI YOB 7:3

Yàm bag i ze me ghù là b'a neyen nge' njoṅ maṅwù fa. Yàm ju tsi' ze me ghù là b'a nge' neyen njoṅ tèttswe' fa.

Yobkwi 126:5

Ben tse bo be njwit ju ntùm ntsenyà là, be ntsho' tshu ntùm tsiaṅte.

Yobkwi 31:11

Kà biagte yôg sàm. Fém fam ngu'njù tshàm, a tshùa njam ngùtni àm neta àm mi fa, mvôg màm kôgte.

Yobkwi 6:6

Nummbe be mèn ke kwimt'o a be z'a kwù là, we z'a nsi nyàmt'o ntùm ngô fe ben à?

Yobkwi 69:21

Tshabte be' ntù àm, me nke ngone. Me be mbéb kondèn, là mbéb à banban, nke mbéb ghafà ntage, ke yen mba ta' i ntshù'.

Tànkùt 19:7

Njoṅ fèt mbwoṅ fa num mbàn i, shun tse nsi sô wut num i tshùate. A ke ntshob be nu bo, mba bo ke nsi tswe nsi ju'u.

Yérémia 13:17

A be ze bin ke' ju' là, mba me nsi kua' ntùm tsham nu ko'tewut tsine; miag màm nsi fètte ntsenyà, nummbe bwoṅ nyàm Tshùaben nsi nèn ndà kuan.

Yérémia 2:25

Me num ntshob ndù: Zete ndù kà nketo' tum ku o, mba ndù kà ntô mu jum. Là, o nke ntshob ndù: A ke nu là, kà tagt'àm. Me num nkô tse nsi ba mfàm, m'a' tam à njam bo.

Yérémia 3:1

Tshùaben tshob me Yérémia ntùm ntshob mi ndù: A be ze ta' mandum sô nzwi i, mènnzwi nèn ngù mo' ndu là, mb'a be mbwe ndu i bèn ndo' i ké? A be ndùlala mba ngô ke' sagte neshu ké? Tu wul o, b'o bèn nse' me, ndùs'o kat bin à màndà tsho là ké?

Yérémia 30:14

Njoṅ màndà tsho fa lagt'o. Sàm ta' i mba ntshù' ke' bèn nelat wut num o. Nummbe me lo lab o kua' kebwô, mba mèn be ndab ngakeban i là. Me lo lo' à tshùagntù nso ntsha yi tu o. Yen nà b'a num mfànnu mu mi a gha' mbu là, num nukebwô tsho ts'a yàm neshu là.

Yérémia 4:30

Wù Yérusalém ze bo sat'o là nsi ghù à ndùke? O nsi ma' nzwe meba num o, o nsi lo' tshukwi gol kwi wul o yi, o nsi mag tun miag mu. O ke nabte wul o à banban. Màndà tsho tshwèt ngwag o, nke ndiag nezwi o à nezwi.

Yérémia 9:1

Yérémia tshob ndù: Wé! A lo mbe ndù ntse dun tu àm, mbe ndù ntsenyà dun miag àm mba tôntse là, mb'a be me làn mbwôgtshù bo tèttswe', ndàn fe ben yàm nzwit mèn.

Nsindàvù 1:19

Me lo tsiaṅ shun tshàm bo tatt'àm. Tshàm ghale'te boa tshàm ghakwé mbwe lo miagte nkwù à tusô: Bo ke ndiag à jujù, ndù a tshùa ndùlala neta bèn mbe bo.

Nsindàvù 1:21

Bo ju' mba me tsham zwe là, sàm mèn ke fite ntù àm. Njoṅ ghakeban tshàm fa ju' yàm nge'. Bo tsiaṅte mb'o ghù yen nge' là be là. Tu wul o nsi lo' lé'njù se bo be mba me là se' yi, tswi nkùn i.

Nsindàvù 1:9

Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 2:11

Ntsenyà tshwèt nswe' tu àm, nto màm nke nkaṅte, ndù nke ntum naṅ num tsha'a. A be ndùlal'a nummbe ngon yàm nzwit mèn tù' à fam. Bon boa bonfi tshwèt ngwùte num manze tusô.

Ezékia 16:37

tshù, me nsi kùmte njoṅ màndà tsho tse bin à bo ke ngag là, njoṅ benntùn fa ts'o ke nkô yub mba ts'o ke mban yub là. Me nsi kùmte yub njoṅ bag bag fa bo lo nsi num o. Me nsi te o tunntôg mbwe bo, bo nsi tèl o tunntôg.

ṄWA'NI OSÉ 2:7

nummbe mà yub kat; mènnzwi z'a jùm yub là bagte wul i ze tu. Nummb'a tshob ndù: A bwô ndù me tam njam màndà tshàm, tse bo be mfà yàm bàn mba ntse, mfà tshàm nzwe, mfà màm mfèt mba màm ndu' là.

Mika 7:5

Kà bam ju ze nshun o tshob là, ke so ntù num yu kwùntshaṅ; tshùb lém so mbwe mènnzwi z'a be nzi ndàntù o là.

Apokalipse 17:13

Bo ghù à nkwate ntshù', bo nsi fà yub neta mba yub ngù' nyàm.

Apokalipse 17:16

Ndô gham mi o yen nà mba nyàm nsi bàn kattù mènnzwi, lagte tshu tse, te i tunntôg, fèt mbàb wul i, ton i ntùm mbwôge.