Nsindàvù 1:16 - NTSHOB NSI

¹⁶ A ndùlala ghù kà me nke nkua'a, kà ntsenyà nke nswe' tu àm. Nummbe mèn z'a lo mbe mb'a fite ntù àm nà b'a ngùanesà mbaṅ àm. A yi z'a lo mbe mb'a bù't'àm nà. Nshumnshum tshàm b'a ntùm nenywine, nummbe ngakeban yob ngu'u.

Nsindàvù 1:16 Iomraidhean Croise

Yobkwi 106:42

Ghakeban tshob ghùtni yube, bo ma' yub bam mbu mube.

Yobkwi 119:136

Ntsenyà tshwèt nswe' miag àm, nummbe bo ke tshwèt nze ntshù' o.

Yobkwi 69:20

O lèn yàm tshabte, yàm tuswe, yàm ghomte. Njoṅ ghakeban tshàm fa b'a mbwe o.

Nzenu 4:1

Mbèn mbe, me ma' miag màm tun bam kamànyam njen mbe nefétte benntùn yàm nga' mbu. Bin yen mba ghayennge' tshwèt mfètte ntsenyà njene; ngatshwétte ntsenyà mub ke' be, neta b'a ju ghafétte yube; bo ke' ghù ngazibte yube.

Esaya 54:11

Njennge' mba wù, ze fetmbaṅ sé't'o, mèn ke fite ntù o là, me nsi lo' a ndoṅ jaspé kà kul o yi, lo' a safir kà ma' tun o yi.

Yérémia 13:17

A be ze bin ke' ju' là, mba me nsi kua' ntùm tsham nu ko'tewut tsine; miag màm nsi fètte ntsenyà, nummbe bwoṅ nyàm Tshùaben nsi nèn ndà kuan.

Yérémia 14:17

Tshob ba la' bin ndù ntsenyà tshwèt nswe' tu o ke tsin mbwôgtshù bo tèttswe', nummbe bo sate yub kua' kebwô neshu. Keko' sob b'a se ke tùn.

Yérémia 15:5

We z'a nsi tshàm ndèn mu Yérusalém? We z'a nsi tshàm num o à? We z'a nsi kaṅ bèn njam se' bètte yu tshô à?

Yérémia 8:18

Yérémia bètte ndù: Me yen tswe'tentù à yà ntùm nge' àm à? Me tshwèt njen nge' ntùm ntù àm.

Yérémia 9:1

Yérémia tshob ndù: Wé! A lo mbe ndù ntse dun tu àm, mbe ndù ntsenyà dun miag àm mba tôntse là, mb'a be me làn mbwôgtshù bo tèttswe', ndàn fe ben yàm nzwit mèn.

Yérémia 9:10

Me nsi lo' Yérusalém kaṅ tse fàm yi, a tù' ngab mbù tshwèt. Me nsi ghù ntusô Yuda tù' kônkwa, benntùn be ke bèn nke ntswe bwe.

Yérémia 9:21

Tshobe, tshù ju ze Tshùaben tshob li: Fe ben nsi vùte mba ju netshab nà yi là num nà, ndaṅndaṅ mba tsha nsa be ngwù ndùse ngakeb nsa tôg là. A ke' bwô mèn ket fe tshobe.

Nsindàvù 1:2

A be nkua' njoṅ tèttswe' fa, ntsenyà yo' nge' mi fa. Sàm mèn ke' tum netèt tse ben ts'a ke nkô yub là mfite ntù i. Bo kaṅ ntù' ghakeban tse.

Nsindàvù 1:9

Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 2:11

Ntsenyà tshwèt nswe' tu àm, nto màm nke nkaṅte, ndù nke ntum naṅ num tsha'a. A be ndùlal'a nummbe ngon yàm nzwit mèn tù' à fam. Bon boa bonfi tshwèt ngwùte num manze tusô.

Nsindàvù 2:18

Ntù yub tshwèt nkua' ntsiaṅ Tshùaben nke ntshob ndù: Kumba' ngon Sion, faṅ koṅ ntsenyà swe' tu mbwôgtshù bo tèttswe'. Kà bam nefite, kà bam ndù nyilag o fite.

ṄWA'NI OSÉ 9:12

A be ze bo tshagte bon tshob là, mba m'a' kwé yub ke bo yoṅ mbe benntùn, nummbe nge' num mba tu bo yub, ndùse me nsi tsin ngùanesà mbaṅ bo là.