Nsindàvù 1:13 - NTSHOB NSI

¹³ A tsin mfe tù ma' mbwôg ntùm mvôg màm, a nke nkù i. A bùn nkù tun nku màm, a ghù me vù nsi njamnjam. A ma' àm ntùm nenywine, ntùm neke mbot njoṅ lé'njù fa.

Nsindàvù 1:13 Iomraidhean Croise

ṄWA'NI YOB 18:8

Nummb'a so nku mi ntùm nkù, nke nzin num ywi'.

ṄWA'NI YOB 19:6

Bin yôg ndèn ndù Nsi bèn nke nta' àm, mba ndù a yi bèn ndàm àm fot se.

ṄWA'NI YOB 30:30

Ngub àm be nsèn ntsho' ngwù nsi. Mvôg màm num nkù, njume.

Yobkwi 129:5

A bwô ndù tuswe ko ben tse bo be mban Sion nà, bo bènte njamnjam.

Yobkwi 140:5

Tshùaben, béb àm mum mbu tshùagkèt mèn, tshètt'àm num ngafètte lem, ben tse bo be nkwate neghù me tiag là,

Yobkwi 22:14

Bo gha' ntshu yub num àm, a tswe mba ngwayit z'a tshwèt nsé'te ju z'a ghome, nke nkua' là.

Yobkwi 31:10

Tshùaben! Ko ndèn màm! Nummbe me b'a ntùm nge'. Miag màm, ntù àm mba wul àm bot ntùm nywin.

Yobkwi 35:4

A bwô ndù tuswe ko ben tse bo be nkô nezwi àm nà. A bwô ben tse bo be ndiag nebiagt'àm nà be bènte njam nja ntù.

Yobkwi 38:8

Nummbe mo' tonte ngokèt tshwèt nkù mum zwe' àm. Mo' nu ntùn ke ntùm mbàb wul àm.

Yobkwi 66:11

A lo lo' be ntsho yi ntùm nkù, njab ju z'a lèt neshu là num be.

Netume 12:9

Kà bin jù sàm ju mbag, ke ze bo lo' ntse na yi là lo, là nda' ze bo ton a netone, nton bo tu i, boa tshu bam tse là.

Esaya 42:17

Bo nsi bèn tuntun, tuswe ko yube. Me tshob à ben tse bo num njab ntù num neto tse bo kome, nke ntshob neto ts'a b'a tse tùn ndù: Bin b'a tshag nsi là.

Yérémia 44:6

Yantù àm bo tshùagntù àm lo kam nsa, nkù ntusô Yuda boa tse manze Yérusalém fa. Bo ke' a fam bo kônkwa mba bin tshwèt njen sènni là.

Nsindàvù 1:22

A bwô njoṅ yub tshùagntù fa se' mbwe o, o ghù num bo mb'o na' ngù num àm, num njoṅ mfànnu màm fa là. Nummbe yàm netsham zwe gha' mbu, ntù àm b'a ntùm ntobni.

Nsindàvù 3:11

A lo kaṅ taṅ manze tshàm, a lo sé't'àm. A lo ghua' àm.

Nsindàvù 5:17

A be ze ntù tshag tshwèt njen nge', a be ze miag mag tam njam nà,

Ezékia 12:13

Me nsi bùn nkù àm num i. A nsi vù mum sàm fole. Me nsi lo' i nèn yi Babilon, ntùm ngô Kaldéa. Là, a ke nsi yen i, mba mb'a nsi kwù à bwe là.

Ezékia 17:20

Me nsi bùn i nkù, a nsi vù mum fot sàm. Me lo' i nèn yi Babilon. Me nsi tsho't'é bwe mb'a be ngamfùm num miag màm nà.

Ezékia 32:3

Tshùaben Nsi tshob ndù: Me nsi ma' fot sàm num o, mbwe nzwit benntùn yàme; bo nsi soṅ o num tsha' ma' ntùm fot sàm.

ṄWA'NI OSÉ 7:12

Ngelaṅ ze bo tshwèt nèn nà, me ma' fot sàm num bo, nsoṅ yub yi bo swe' mba saṅ s'a swe' kamànyam nà; m'a' naṅ ntsha tu bo ndùse bo yoṅ ntshob nu mbumte yub là.

Nahum 1:6

We z'a nsi bù' tu nsi mbwe tshùagntù i à? We z'a nsi tsin tù mbwe tonkèt yantù i à? Tshùagntù i sa mba mbwôg là; ngondoṅ nke mbe'te mbwe i.

Habakuk 3:16

Me lo ju'u, kondèn ko' ntù àm. Nkub ntshu màm be mvètte ndùs'a ju' yen nze là là; mvôg màm be nju, ntunkekwi' màm tiagte: Bin tswe ndù kam me ju' lé'njù nge', lé'njù se nge' nsi kam num nzwit mèn z'a be nkam be là.

Nebwôgte 28:65

Fite ke ntswe mebwô lo ke nsi be wù ntùm tshen ngô là, ke dù' nete ku o bwe lo. Tshùaben nsi ghù ntù o ke ntame, miag mu ke nsènte, zwiag so fame.

2 Tésalônikà 1:8

ntùm mbwôg nekù là. A nsi yagte mba' ben tse bo ke' lèn Nsi, ke ke nju' ntshu nkùn mebwô Tshùaben Yésu là;

Héber 12:29

Nummbe Nsi be b'a mbwôg nekù.