Nsindàvù 1:12 - NTSHOB NSI

¹² Me tshob à bin, njoṅ zin fa tse bin tshwèt ntshùa nsen ni là. Bin lôte njene, a be ze mo' ta' ya be bwe z'a fute yàm nà. Me dù à lèn ya ze Tshùaben lab àm yi là! Tshùaben lo ghùtni num lé'njù tonte yantù i.

Nsindàvù 1:12 Iomraidhean Croise

Yobkwi 88:16

Me b'a ngayennge' mba fenyu' mèn fe mum lé'njù nshum tshàm. Tsho fétwut te nkàn num àm, tu àm tshu'u.

Esaya 13:13

A ndùlala ze me nsi nyi'te kamànyam, tsha' kumte tà tun bwe là. A nsi b'a njam yantù Tshùaben tàndà ntsho, num lé'njù tonkèt tshùagntù i.

Yérémia 10:19

Ghayennge' mba bag là, bo be'te yage, mfaṅ yag tshwèt nja neshu. Là bag, bag tshob ndù: A nu li z'a tsho yag là. Bag a' fènt'é.

Yérémia 18:16

Bo ghù yub ngô tù' kônkwa, ntù' tshabte ke mi. Njoṅ benntùn fa bo tshùa bwe là bwôg, nke nyi'te tu yube.

Yérémia 30:23

Tshù fetmbaṅ Tshùaben, yantù i là z'a kam nà, tonkèt fetmbaṅ z'a tshwèt nshùm nà. A ghebte mb'a vù à num tu ghatshùagntù là.

Yérémia 30:24

Yantù Tshùaben ke nsi bole, ke be ndù a fa'a, nzwiagte mi ntàmtenu. Bin nsi yen yen nu là mebwô ntùm ntswe'njù mi a tshwèt nse' là.

Yérémia 30:7

A nge' be! Sen lé'njù li b'a se ngùtni, ndù mfuni mi ke' to' yoṅ mbe. A b'a ngelaṅ nge' num Yakob! Nda' ndù bo nsi tshu' i bwe.

Yérémia 4:8

Ndùlala, a bwô ndù bin tôg nke'mbàm, ndàn wut tsine, ntsham zwe, ntshob ndù: Wé! Nummbe tonkèt yantù Tshùaben ke' tsho' lag num be.

Yérémia 48:27

Mba Israél lo ke tù' ju netshabte bin zin ké? Bo na' ngom i à netèt tshô ké kà bin nke mbe tsi lén se nke nyi'te tu zin à?

Nsindàvù 1:18

Tshùaben b'a mèn netsine, nummbe me lo ta tu num tshu ts'a tshob là. Ntumntum, bin ju' njoṅ zin fa, njen yàm ya! Ngonngon boa tshàm ghuan benntùn nèn ndà kuan.

Nsindàvù 2:1

A ndùke! Tshùaben lo' ba ndot nkabte ngon Sion yi ntùm lé'njù yantù se! A tsin mfe kamànyam mba' nkuni Israél ma' nsi num nsitsha'a!

Nsindàvù 2:13

Be me tshob wù à ndùke? Ngon Yérusalém, be me lo' à ke mfà mfi' o yi à? Be me yen mfuni mu à yà, be me fite ntù o à ndùke ngon Sion ze bo ke' tabt'é à? Nummbe keko' so zi à mba dibantse là: We z'a ku'ni neyat'o à?

Daniel 9:12

A ghù ntshob mi a na' ntshob num bag mba num fenfen tse bo ke ntô yag là bumte. A ghù mo' mà nge' ndùb se' num bag, nge' ze lèn i ke' yoṅ nto' fut'é tun bam kamànyam nà. Lèn yen nge' là se' num Yérusalém.

Yoél 2:2

Lé'njù njame, lé'njù nesènte, lé'njù ndot mba ṅame. Ndaṅndaṅ mba mfôgnjù be ṅwag num tu mbat là, be ndaṅndaṅ mo' nzwit mèn z'a yàm mbèn nta là tshwèt ngebte; lèn i ke' to' yoṅ mbe, mbe ndù lèn i ke nsi ghù bèn be njam i, njoṅ ngu'ngu' fa.

Matio 24:21

Nummbe nge' ndùb nsi be, nge' ze mèn ke' yoṅ nto' yen lèn i fe ngelaṅ Nsi nabte njù tà nkum ndonni, mbe ndù lèn i ke nsi bèn be là.