Nsindàvù 1:11 - NTSHOB NSI

¹¹ Njoṅ ze nzwit mèn fa tshwèt ntsham zwe, nke ndiag jujù. Bo fà tshu tanjoṅ tse bo ghù là num jujù, ndù a tshùa ndùlala neta bèn mbe bo. Tshùaben, lôte njen mba me tù' ju banban njene!

Nsindàvù 1:11 Iomraidhean Croise

2 Fenfen 6:25

Mo' nziku' ndùb be Samaria. Soyé lo' dù' kà bo nke nswèn tu kekwèn ndô nkàb ṅam fome, nke nswèn bontsit miag nju ndô nkàb tàn.

ṄWA'NI YOB 40:4

yen àm njene, me ke' ku' sàm ju mba metsili, ke ze me ku'ni nebùnte wù à? Me mem ntshu àm, mi ntswe.

Yobkwi 79:4

Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

Yérémia 15:19

A ndùlala Tshùaben tshob ndù: A be z'o kaṅ ntù o, a be ze me ghù o bèn njam nà, mb'o nsi tsin num yàm ntshufa'. A be z'o ghù ju ntùn tum ntùm ju banban nà, mb'o nsi b'a mba yàm ntshu là. A b'a bo bèn se' tèl o, ke b'a ndù o bèn nèn tèt yube.

Yérémia 19:9

Me nsi ghù bo fèt mbàb nshumnshum tshob boa ngonngon tshob ntùm ngùtni bo nge' ze ghakeban tse bo tshwèt nya' tu yub nsi ma' yub bwe là. Bo nsi fèt wut tshob bo bo.

Yérémia 38:9

Mfen àm, wù tshùaben àm, tshen ben ni ghù à kebwô, mba bo fa' num ngatshob ntshob Nsi Yérémia ndù, ma' i ntùm tôntse là. A nsi kwù nziku' dù' z'a be là, nummbe tag ke' bèn mbe tusô.

Yérémia 52:6

A be kum lé'njù bwe'e ntùm maṅwù kuà, nziku' ta ntùm tusô, lèn jujù ze be ngô bèn njù là ke be.

Nsindàvù 1:8

Nukebwô Yérusalém gha' mbu, ndùlala mba we lo tshwèt nyi'te tu num i. Njoṅ benntùn fa tse bo ke ngamt'é là yen i tù tunntôg, nto' newag i. Yérusalém tshwèt ntam keshù', nke nkaṅ se i.

Nsindàvù 1:9

Nesagte lo be num tun kun se, a ke ke nkwate mb'a nsi lo' miagte yi là. A vù kua' num mat netshàme, sàm mèn ke tum num nefite ntù i. Wù Tshùaben, yen nge' àm njene! A ke lèn ka'te li ze ngakeban ghù ntù i à?

Nsindàvù 2:11

Ntsenyà tshwèt nswe' tu àm, nto màm nke nkaṅte, ndù nke ntum naṅ num tsha'a. A be ndùlal'a nummbe ngon yàm nzwit mèn tù' à fam. Bon boa bonfi tshwèt ngwùte num manze tusô.

Nsindàvù 2:12

Bo lo ke mbètte mà tshob ndù: Nsa bo ndu' b'a yà? Nke ngwùte num manze tusô mba ben bo ket mfaṅ nà, nke nkwùte num ndàntù mà tshobe.

Nsindàvù 2:20

Tshùaben, lôte njen mèn z'o ghù yi ndùlili là! A lo bwô ndù bènnzwi fèt bon ts'a tum bam bo là ké? Tshen bon nà b'a ju ze bo num nkwe'te là. A lo bwô ndù bo zwite ghale'te boa ghatshob ntshob Nsi ntùm dù' Tshùaben ze nelàn ké?

Nsindàvù 5:1

Tshùaben, kwimte nu z'a tsho yag là! Lôte njen mba tuswe ko yag njene!