Nsindàvù 1:10 - NTSHOB NSI

¹⁰ Ngafétt'é nyit bu i num mba zit ju lo, z'a be ze tanjoṅ yi là. A yen ba tum nke ntsho ntùm dù' i ze nelàne, mb'a ba tum ts'o na' ntshù' ndù kà bo te ku ntùm yu mbumte là.

Nsindàvù 1:10 Iomraidhean Croise

2 Kronika 36:18

Nébukanetsar lo' njoṅ tshundà ndà Nsi fa, tse ndùb boa tse nke' nèn yi Babilon, ndo' tshunkàb ndà Tshùaben, tse ndà mfen boa tse ndà fenfen tse.

Néhémi 13:1

A na' be num sen lé'njù là, bo nke nsiaṅ nu ntùm ṅwa'ni Mosé, benntùn nke nju', njen mo' dù' ndù bo kite bwe ndù ze Ammon bo ze Moab na' ke be tsho ntùm ntse'te ben Nsi yoṅ ntshù'.

Esaya 63:18

Nzwit mèn o ze nelàn be ntùm ngô à nda' num metsit ngelaṅ; ghakeban tshag nyiaṅte dù' o ze nelàn nku.

Yérémia 15:13

Tsho tshu boa tshunkàb tsho, m'a' ma' njoṅ i fa, bo lag ntsha' yi banban num njoṅ nukebwô fa ts'o ghù ntùm njoṅ yu ngô fa là.

Yérémia 20:5

M'a' swèn tshunkàb sen tusô li, njoṅ tshu fa ts'a fa' là, njoṅ tshu tanjoṅ fa ts'a lé' là, njoṅ tshunkàb fenfen Yuda fa ntùm mbu ghakeban tshobe. Bo nsi lag njoṅ i fa mba ntsha' ntsho là, ket njoṅ i fa nèn yi Babilon.

Yérémia 27:19

Nummbe Tshùaben tàndà ntsho tshob num ba ntom, num dibantse, num bon miag ntse boa tsemo' tshundà ts'a tù' ntùm sen tusô li,

Yérémia 27:21

tshù ju ze Tshùaben tàndà ntsho, Nsi Israél tshob num tshu ts'a tù' Ndà Nsi, ntshwèt mfen Yuda mba Yérusalém nà li:

Yérémia 50:28

Bin ju' nkua' ghakùla' tse bo tshwèt ntum Babilon nà nju'u. Bo ke ntswi à nkùn yagte mba' Tshùaben Nsi be. A nke njagt'a mba' i.

Yérémia 51:51

Tuswe lo ko yag ndùse bag ke nju' tute là, tuswe lo ke mfim se tshag ndùse ba tum se' ntsho dù' nelàn ntùm ndà Tshùaben nà.

Yérémia 52:13

A ton ba' Tshùaben, ba' mfen, boa njoṅ mba' fa mi a be Yérusalém nà. A ton bon mba' ntùn fa mi a be bwe là.

Nsindàvù 1:7

Yérusalém lo kwimte njoṅ fu' fa mi a be mo' ngelaṅ nà num tshen lé'njù kebwô bo nge' là. Ndonni ze ze nzwit mèn vù mum nkù ngakeban, mèn ke tum njwimt'é là, ghakeban tse tshwèt ndôt'é, nke nzwi mb'a vù là.

Ezékia 44:7

Bin lo lo' ba kesiket tse mum ntù boa ba kesiket tse mbàb wut nse' yi mum dù' àm ze nelàne, ndù bo lo' ndà àm mba ju banban nà; bin lo fà bàn àm, nzit bo lem njoṅ neto tsin fa. Bin lo keb kàn sàm.

Ezékia 7:22

Me nsi tsho' se àm num bo, bo nsi ghù yàm junkàb tù' ju banban. Ba fimntshu nsi tsho bwe, ghù a tù' ju banban.

Ezékia 9:7

A tshob bo ndù: Bin sagte ndà àm, ngù fe ben dun bam ntshundà! Bin tume. Bo tum ntshu'te njoṅ i fa mum ngô.

Marko 13:14

Ngelaṅ bin nsi yen nebagte mba nesate tsin dù' z'a lo mbe ke bwô ndù a tsin bwe là (wù z'o tshwèt nsiaṅ nà, ju' mebwô). A bwô ndù ben tse bo be Yudéa là kù nèn num mbale;

Nebwôgte 23:3

Mèn ze bo bwe i a bo nzwi tum nà ke nsi tsho ntùm mbumte Tshùaben. Mba zwiaṅ bon tse mbatte gham ke nsi tsho ntùm mbumte Tshùaben.

Nebwôgte 23:4

Mèn Ammon bo ze Moab ke nsi tsho ntùm mbumte Tshùaben, mba num mbatte zwiaṅ bon tse gham tà nèn nkum mba ndùke lo,