Netume 8:8 - NTSHOB NSI

⁸ Mosé bo Aron lo mbwe Faraon. Mosé bu' mbu Tshùaben num nu ba metu' ts'a na' ndo' njab nu yi num Faraon nà.

Netume 8:8 Iomraidhean Croise

1 Fenfen 13:6

Ndùlala mfen tshob Mèn Nsi là ndù: Netsho'o, ma' fenkaṅ Tshùaben Nsi o, nde'te num yàm tu, ndùlala ndù bu àm bèn mbèn me. Ndùlala mèn Nsi yab kam Tshùaben, bu mfen bèn mbèn mbe mb'a na' mbe là, k'a lo' bu i mbèn yi num i.

Yobkwi 66:3

Bin tshob Nsi ndù: Mi' mfa' mu be nkuni neshu! A tshùa num neta o ze ndùb, ghakeban tsho nke mbatt'o.

Netume 10:16

Faraon nànte ntsiaṅ Mosé bo Aron ntshob ndù: Me fàn nu mbwe Tshùaben Nsi zin mba bin.

Netume 10:17

Ndonni a bwô o bèn ndagte nukebwô àm me mo' yoṅ i. Bin le'te Tshùaben Nsi zin, a tshag yen nge' vùkob li ngùanesà mbaṅ àm.

Netume 10:18

Mosé tum ndà Faraon, nde'te Tshùaben.

Netume 14:5

Ngelaṅ bo se' ntshob mfen Egipto ndù ba Israél kù là, ntù Faraon bo ze ben tse kam num ba Israél. Bo tshob bo bo ndù: Ke z'a tsho tu be be faṅ Israél nèn, ndù be bi fa' se bo ke mfa' be à?

Netume 32:11

Mosé zin kam mbwe Nsi i, ntshob ndù: Tshùaben, yantù o ghù nekam num yu nzwit mèn z'o sô mà Egipto l'a numke? Tshù, o na' ndo' ngù' o ze ndùb bo bu ze neta ngù yi ndùlala.

Netume 5:2

Faraon tshob ndù: Tshùaben b'a we kà me nke nju' ntshu i, kà mfaṅ Israél nèn à? Me ke' lèn Tshùaben, ke bèn nkô nefaṅ Israél ndù a nène.

Netume 8:15

Ghangàm tshob Faraon ndù: Yen nu li b'a ntu bu Nsi. Là, ntù Faraon nke nke' nsag be nesage. A ke ju' ju ze Mosé bo Aron tshob là, ndaṅndaṅ mba Tshùaben na' ntshob là.

Netume 8:9

Tshùaben ghù ju ze Mosé tshob yi là. Ba metu' kwùte, mi ntùm mba', mi ntshundà mba ntùm nà.

Netume 9:27

Faraon tsiaṅ Mosé bo Aron ntshob bo ndù: Me ghù nukebwô yen yoṅ i li; a Tshùaben bèn mbe mèn netsine; me bag ngô, bag b'a ghavù ntsha.

Netume 9:28

Bin le'te Tshùaben! Yen njoṅ fambaṅ nà bo nywinmbaṅ ku'u! Me nsi faṅ zin bin nène, bin ke nsi bèn ghubte yàme.

Netume 9:33

Mosé tum ndà Faraon mba ntùm ngô, ma' mbu Tshùaben; fambaṅ bo mbaṅ tsin, mbaṅ ke bèn nelo num nsitsha'a.

Nesiaṅe 21:7

Tunndà se' njen Mosé, ntshob yi ndù: Bag fàn mba bag tshabte Nsi mbèn ntshabt'o là, bu' mbu Tshùaben a ghù mbanyu kù nèn ngùanesà mbaṅ bag. Mosé le'te Nsi num tunndà.

Mfa' Ghantum 8:24

Simon bùnte ntshob ndù: Bin le'te Tshùaben num yàm tu ndù kà sàm nu netèt tse bin tshob là se' me.

1 Samuél 12:19

Ngô fa tshob Samuél ndù: Le'te Tshùaben Nsi o num tu ghafa' tsho, ndùlala ndù kà bag kwù. Nummbe bag lo kwi'te nukebwô tshage, mfàn nu mba bag bètte ta' mfen netèt bag là.