Netume 8:4 - NTSHOB NSI

⁴ Faraon tsiaṅ Mosé bo Aron ntshob bo ndù: Bin le'te Tshùaben a ghù ba metu' lo num àm bo mum ngô àm, me faṅ ze nzwit nèn mfà tshule'te yi.

Netume 8:4 Iomraidhean Croise

1 Fenfen 13:6

Ndùlala mfen tshob Mèn Nsi là ndù: Netsho'o, ma' fenkaṅ Tshùaben Nsi o, nde'te num yàm tu, ndùlala ndù bu àm bèn mbèn me. Ndùlala mèn Nsi yab kam Tshùaben, bu mfen bèn mbèn mbe mb'a na' mbe là, k'a lo' bu i mbèn yi num i.

Yobkwi 107:40

A b'a yi bèn nke nsa wag num ben ndùbndùb, nke ngù bo ntsha num kônkwa, ke fon manze.

Netume 10:17

Ndonni a bwô o bèn ndagte nukebwô àm me mo' yoṅ i. Bin le'te Tshùaben Nsi zin, a tshag yen nge' vùkob li ngùanesà mbaṅ àm.

Netume 8:24

Faraon tshob ndù: M'a' faṅ zin bin nèn mfà jule'te Tshùaben Nsi zin num kônkwa. Nda' ndù kà bin nèn nesà! Bin le'te Nsi num tu àm.

Netume 8:3

Là ghangàm bèn ndo' yub nka mub ngù yi be ndaṅndaṅ; bo ghù ba metu' ko' num njoṅ ngô Egipto fa.

Netume 8:5

Mosé tshob Faraon ndù: A bwô ndù o bèn njab ngelaṅ ze me nsi le'te Nsi num tu o, num ghafa' tsho bo num tu ngô o là. A nsi tshùa ndùlala ba metu' mi ntùm ndà o, ntùm mba' mu, kà ntù' b'a nda' ntùm ta'ntse.

Netume 9:28

Bin le'te Tshùaben! Yen njoṅ fambaṅ nà bo nywinmbaṅ ku'u! Me nsi faṅ zin bin nène, bin ke nsi bèn ghubte yàme.

Esaya 19:11

fenfen Soan b'a kagni. Tse kum ghafà ntag Faraon fa b'a ba tshen. B'o kagtùn netshob Faraon ndù: Me b'a nshum kum benntùn, nzwit fenfen tse bo be mbwe là ndù ke?

Esaya 19:22

A ndùlala, Tshùaben nsi lab ba Egipto. A nsi lab yube, là bèn tshwinte yube. Bo nsi bèn njam tèt Tshùaben, a ju' nze yub njate yube.

Esaya 23:9

A Tshùaben tàndà ntsho bèn ntàmte yen nu là, num nelo' nkôg ko'tewut mba ke lo z'a tshwèt nziag là yi, num nelo' nkag nyu' yi num ben ndùbndùb mum njù nsitsha'a.

Daniel 4:37

Ndonni me Nébukanetsar, me tshwèt nyàmte, nke ndabte, nke ngamte mfen kamànyam. Njoṅ mfa' mi fa mba njoṅ tse manze fa b'a netsine. A ghù nekôg ben tse bo be nzin mum ko'tewut là ma' nsi.

Nesiaṅe 21:7

Tunndà se' njen Mosé, ntshob yi ndù: Bag fàn mba bag tshabte Nsi mbèn ntshabt'o là, bu' mbu Tshùaben a ghù mbanyu kù nèn ngùanesà mbaṅ bag. Mosé le'te Nsi num tunndà.