Netume 8:10 - NTSHOB NSI

¹⁰ Bo kùmte yub tse tse, ngô nke ntù' lam be nelame.

Netume 8:10 Iomraidhean Croise

2 Samuél 7:22

Tshùaben Nsi, mi' o zi neshu! Tshù, sàm mèn ke bwe z'a fut'o là, mo' Nsi ke bwe mba wù là. Bag yé't'a num tshu tse ntoṅ mag ju' là kà mbame.

1 Kronika 17:20

Tshùaben, sàm mèn ke bwe z'a fut'o là, mo' Nsi ke bwe mba wù là. Bag yé't'à num tshu tse ntoṅ mag ju' là kà mbame.

Yobkwi 83:18

A bwô ndù tuswe ke nko yube, a bwô ndù fétwut ke ngom yub njoṅ ndù fa. A bwô ndù tuswe ko yub kà bo zwiaṅte mbi!

Yobkwi 86:8

Sàm nsi ke bwe z'a be ndaṅndaṅ mba wù là me Tshùaben. Sàm ju ke bwe z'a fute mfa' mu là.

Yobkwi 9:16

Ghakeban Nsi vù ntùm tô se bo tswe' là, nku mub tsho ntùm nkù ze bo bùn nà.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Netume 8:9

Tshùaben ghù ju ze Mosé tshob yi là. Ba metu' kwùte, mi ntùm mba', mi ntshundà mba ntùm nà.

Netume 9:14

Nummbe me nsi tum njoṅ nge' fa num o, num ghafa' tsho mba mum ngô o yen yoṅ i li; a nsi tshùa ndùlala o lèn ndù sàm mèn ke num nsitsha' z'a be mba me là.

Netume 9:29

Mosé tshob yi ndù: Me nsi nèn bu' mbu num tu ngô, ma' mbu Tshùaben; fambaṅ nsi tsine, nywinmbaṅ be ke bèn mbe, a tshùa ndùlala o lèn ndù nsitsha' b'a ze Tshùaben.

Tànkùt 27:1

Kà ka'te num nu ndamnjù nummb'o ke' lèn mba sènni lo' be yi là.

Esaya 40:18

Bin ke ndiag fi' Nsi à num zit ju à? Bin nsi tshob mb'a b'a njoṅ zit ju nekom à?

Esaya 40:25

Bin nsi lo' mfi' àm à num we kà me fu i à? A Mèn Nelàn bèn mbètte.

Esaya 46:9

Bin kwimte tshu ts'a tôg mbwembwe là; nummbe me b'a Nsi, ndù mo' ke' bèn mbe. Me b'a Nsi, ndù mfuni màm ke bwe.

Nebwôgte 3:24

Tshùaben Nsi, o lo to' nela'te mb'o zi là bo bu o ze neta ngafa' o; nummbe sàm nsi ke bwe kamànyam ke num nsitsha' lo z'a ku'ni nefi't'o num mfa' mo mi ndùbndùb là.

Nebwôgte 32:31

Nummbe sob gholoṅ ke' b'a mba se be là. Ghakeban be lèn kua' ndùlala.

Nebwôgte 33:26

Sàm mèn ke bwe z'a fute Nsi Israél là. A tshwèt ntsho' nde mfe kamànyam nse' ywimt'o. A tshwèt nkuni ntùm ndot z'a kel i nke nse' yi là.

Nebwôgte 4:35

Wù Israél, bo lo lo' o ngù nkwénta tshen tshu là yi, ndùlala ndù o lèn mbe Tshùaben b'a Nsi, ndù mo' ke' bèn mbe bwe.

Nebwôgte 4:39

Ndùlala lèn sènni mbèn ntshùb ntù o ndù Tshùaben b'a Nsi mfe kamànyam mba num nsitsha'a, ndù mo' ke' bèn mbe bwe.

Yakobo 4:14

bin tse bin ke' lèn ju ze ndamnjù nsi be yi là. Yôg sin b'a ke? Bin b'a ywèt tshaṅ ts'a be ntume, ke ghubte, mbèn mi là.