Netume 7:5 - NTSHOB NSI

⁵ Ba Egipto nsi lèn ndù me b'a Tshùaben, ngelaṅ ze me nsi nyit bu àm num Egipto, ghù bon Israél tum netèt bo là.

Netume 7:5 Iomraidhean Croise

Yobkwi 138:7

A be ze me zin mba ntùm nge' là, mb'o a' ghù me yôg, o be mbù' bu o ntshag num ghakeban tshàm, bu o ze zwim yôg àm.

Yobkwi 9:16

Ghakeban Nsi vù ntùm tô se bo tswe' là, nku mub tsho ntùm nkù ze bo bùn nà.

Netume 10:2

mba ndù tu wul o ghù nsoṅ nshum o boa tse bon nshum o mba me na' ntute ba Egipto boa lèn nsà tse me na' ngù netèt bo là. A nsi tshùa ndùlala bin lèn ndù a b'a me bèn mbe Tshùaben.

Netume 10:7

Ghafa' Faraon tshob yi ndù: Yen mèn nsi ke be ywi' be tà kum à ndùke? Faṅ tshen ben ni nèn mfa' Tshùaben Nsi yub. O ke' yoṅ njen tsho mba Egipto tshwèt mbi ké?

Netume 14:18

A nsi tshùa ndùlala ba Egipto lèn ndù me bèn mbe Tshùaben, ndùse me nsi so nkuni num àm num Faraon, nkalig mi boa tse ghako' nyàm nà.

Netume 14:4

Me Tshùaben nsi so sagntù ntù Faraon, a lo njab njam bin. Nda' ndù me nsi lo' ka'te tshùa Faraon yi bo ntshu ntsho i. A nsi tshùa ndùlala ba Egipto lèn ndù me b'a Tshùaben, bon Israél ju' ntshu àm.

Netume 18:8

Mosé soṅ ntse i ju ze Tshùaben ghù Faraon bo ngô Egipto num nu Israél là; a soṅ i njoṅ nge' fa bo yen manze là bo mba Tshùaben na' ntshu' yub là.

Netume 3:20

Là, me nsi nyit bu àm, lo' nsà tse me nsi ghù là lab Egipto yi, nsà tse me nsi ghù netèl i là ghù a ta' zine.

Netume 6:1

Tshùaben tshob Mosé ndù: Ndonni, tu wul o nsi yen ju ze me nsi ghù Faraon nà. Bu neta nsi nànt'é a faṅ yub bo nène, bu neta nsi nànt'é a ta' yub ntùm ze ngô.

Netume 6:6

A ndùlala tshob bon Israél ndù me b'a Tshùaben, mbe ndù me nsi tshu' yub num mfa' mi ba Egipto tshwèt ma'ni yub yi là, tshu' yub ndà kuan, lo' bu àm ze me nsi nyit là yôg yub yi, ghù ndùlal'a njam netsho'te tse ndùbndùb.

Netume 7:17

Ndùlala Tshùaben tshob ndù: A nsi tshùa njam yen nu li o lèn ndù me b'a Tshùaben. Me nsi lo' kôg s'a bu àm nà lab ntse mi a ta'ntse là yi, ntse kaṅ ntù' lem.

Netume 8:10

Bo kùmte yub tse tse, ngô nke ntù' lam be nelame.

Netume 8:19

Me nsi yab keki netshu'u, sô yàm nzwit mèn mum yu ngô. Sen keki là nsi b'a ndamnjù.

Netume 8:22

Mosé tshob ndù: A ke' bwô neghù ndùlala, nummbe ju ze bag be mfà Tshùaben Nsi yag mba tshule'te là b'a tshùaya'nu num miag ba Egipto. Be bag fà jule'te z'a b'a tshùaya'nu num miag mub là, kà bo be ke tamte yag ndoṅ ké?

Ezékia 25:17

Yagte mba' tse me nsi ghù num bo là b'a tse ndùb; me nsi so ntsha tu bo mum tshùagntù àm. Ndùse kua' yàm yagte mba' nsi lo nsi num bo là, bo nsi lèn ndù me b'a Tshùaben.

Ezékia 28:22

Tshù ju ze Tshùaben Nsi tshob li: Sidon, tshù me li me lo nsi num o là. Bo nsi ghamt'àm netèl o, bo lèn ndù me b'a Tshùaben. Me nsi tshùa njam yàm netsho'te la'te ndù me b'a Nsi z'a làn nà.

Ezékia 32:15

Ndùse me nsi lo' Egipto kaṅ kônkwa yi, tswitte njoṅ bon tshu fa ts'a ghù, labte benntùn tse bo be ntùm bwe là, bo nsi lèn ndù a b'a me bèn mbe Tshùaben.

Ezékia 36:23

Me nsi tswite nelàn lén sàm se ndùb se bin na' ndo' mba ju banban netèt ngôngô, mbagt'é netèt bo là. Ndùlala ndù ngôngô lèn ndù me b'a Tshùaben, ndùse me nsi tswite nelàn àm num bin mbwe bo là. A b'a Tshùaben Nsi bèn ntshobe.

Ezékia 39:22

Tunndà Israél nsi lèn ndù me b'a Nsi yub neto'te mum sen lé'njù là s'a nsi se' là.

Ezékia 39:7

Me ke nsi bèn bam bo lo' lén sàm mba ju banban nà; nummbe me nsi ghù bo lèn lén sàm se nelàn netèt yàm nzwit mèn Israél. Ngôngô nsi lèn ndù me b'a Tshùaben, ndù me b'a mèn nelàn mum Israél.