Netume 7:16 - NTSHOB NSI

¹⁶ Tshob Faraon ndù: Tshùaben, Nsi ba Héber lo tum àm ndù me tshob wù ndù o faṅ ze nzwit mèn tum nèn mfa' yi num kônkwa. Tà nse' nkum ndonni o ke' kô nebame.

Netume 7:16 Iomraidhean Croise

Netume 10:3

Mosé bo Aron tsho ndà Faraon ntshob yi ndù: Tshù mba Tshùaben Nsi ba Héber tshob li: O nsi ke gha nefà wul o nsi mbwe àm tà nèn kum à ndùke? Faṅ yàm nzwit mèn a nèn mfa' me.

Netume 13:15

Ndùlala mba Faraon ke ntshètte yag ndù kà bag tum nà, Tshùaben zwite njoṅ tuswe bon fa Egipto, neto' num mènntùn nèn nkum num nyàm. A ndùlala ze me be njab mba zit mén mandum no Tshùaben, mén mandum z'a bwôg tum bam mènnzwi là, là mbe se' mba tuswe bon tshàm nshum nà, me nsi tshu' yube.

Netume 14:5

Ngelaṅ bo se' ntshob mfen Egipto ndù ba Israél kù là, ntù Faraon bo ze ben tse kam num ba Israél. Bo tshob bo bo ndù: Ke z'a tsho tu be be faṅ Israél nèn, ndù be bi fa' se bo ke mfa' be à?

Netume 3:12

Nsi bùnte ndù: Bag wù nsi ke be; tshù keki z'a tshwèt nda'te mbe me bèn ntum o li: Ndùs'o nsi ghù nzwit mèn àm tum Egipto là, bin à bo nsi ghamt'àm num yen mbat li.

Netume 3:13

Mosé tshob Nsi ndù: A be ndùlala mba me nsi nèn tèt bon Israél tshob bo ndù: Nsi tà tsin tum àm mbaṅ bin. A be ze bo bètt'àm lén so là mba me nsi bùnte bo à ndùke?

Netume 3:18

Bo nsi ju' ntshu o, bin à bo nèn ntèt mfen Egipto ntshob yi ndù: Tshùaben Nsi ba Héber ṅwag bag. Bam bag ndù bag zin lé'njù tat, nèn num kônkwa, mfà jule'te Tshùaben Nsi yag!

Netume 4:22

O nsi tshob Faraon ndù: Tshù mba Tshùaben tshob li: Tuswe àm b'a Israél.

Netume 4:23

Me tshob wù ndù o faṅ nshum àm nèn ngamt'àm. O gha nefaṅ a nèn à? Mb'a be ndùlala là, me nsi zwi tuswe o.

Netume 7:4

Faraon ke nsi ju' ju ze bin tshob là. Me nsi yab bu àm mum ngô Egipto, ghù tshàm ntshu ntsho, yàm nzwit mèn, bon Israél tum Egipto. Me nsi tshùa njam netsho'te tse ndùbndùb kà ghù ndùlala.

Netume 8:1

Tshùaben tshob Mosé ndù: Tshob Aron ndù a tshùb kôg se bu i, nyit bu i num bon nta'ntse, num bon netsha' ntse bo num ntam ntse, ngù ba metu' ko' bwe ntsho ntùm ngô Egipto.

Netume 8:20

Tshùaben ghù ndùlala. Nzenze yàm tsho ntùm ba' Faraon, ba' ghafa' tse mba ntùm ngô Egipto fa; nzenze lo' ngô fafa.

Netume 9:1

Tshùaben tshob Mosé ndù: Nèn ndà Faraon ntshob yi ndù: Tshù mba Tshùaben Nsi ba Héber tshob li: Faṅ yàm nzwit mèn nèn mfa' me.

Netume 9:13

Tshùaben tshob Mosé ndù: Lo nsi mà nkebnjù nèn mbwe Faraon ntshob yi ndù: Tshù mba Tshùaben Nsi ba Héber tshob li: Faṅ yàm nzwit mèn nèn nke mfa' fa' me.

Esaya 45:13

A b'a me bèn ntènte Kirus ntùm yàm nunetsine, me nsi zwiagte manze tse; a nsi bèn kut tusô sàm, tshu' ben tshàm ndà kuan. A ke nsi jun yub a nejune, ke nefà nda' lo. Tshùaben tàndà ntsho bèn ntshob ndùlala.

Yérémia 50:33

Tshù mba Tshùaben tàndà ntsho tshob li: Bo tamte bon Israél boa bon Yuda nke mfét yube. Njoṅ benntùn fa tse bo bwe ndo' yub nèn yi ndà kuan nà ke' yoṅ nkag yube, bo tshwèt nga nekag yube.