Netume 6:3 - NTSHOB NSI

³ Me lo ṅwag Abraham, ṅwag Isak, ṅwag Yakob mba Nsi Nganeta Ntshùate là; nda' ndù bo lo ke lèn àm lén sàm s'a be Tshùaben nà.

Netume 6:3 Iomraidhean Croise

Neto'te 13:18

Abram tsho' ntàb i bwe nèn ntswe mbaṅ ntù mbwe' mi a be Mamré nze bag Hébron nà. A bom tômbwôg le'te Tshùaben yi bwe.

Neto'te 17:1

Ngelaṅ ze Abram kum ngu'njù ntshob bwe'e ṅam bwe'e là, Tshùaben ṅwag mbaṅ i ntshob yi ndù: Me b'a Nsi Nganeta ntshùate, ke nzin mbwe àm, mbe kelo'.

Neto'te 22:14

Abraham tswi lén dù' là ndù: Tshùaben bèn fà. Ndùlala bo be ntshob ndonni ndù: Tshùaben nsi fà ju z'a tsi là mfe num mbal i.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 48:3

Ndùlala Yakob tshob Yosèf ndù: Nsi Nganeta lo ṅwag me Luz ngô Kanaan, njab kàn me.

Yobkwi 68:4

Là, ben netsin be ntsiaṅte, nke ntshùa ntsho mbwe Nsi, ṅwate nke ndo' yub nèn yi.

Yobkwi 83:18

A bwô ndù tuswe ke nko yube, a bwô ndù fétwut ke ngom yub njoṅ ndù fa. A bwô ndù tuswe ko yub kà bo zwiaṅte mbi!

Netume 15:3

Tshùaben b'a sa'nde' num ntsho. Lén se b'a Tshùaben.

Netume 23:21

Zete num i, nju' ntshu i; kà ta tu yi, nummbe mb'a ke nsi fènte tse. Lèn ndù lén sàm num num i.

Netume 3:14

Nsi tshob Mosé ndù: Me b'a mèn ze me be là. A bèn ntshob Mosé ndù: Tshù ju z'o nsi bùnte bon Israél li: Mèn z'a be là bèn ntum àm mbaṅ bin.

Esaya 42:8

Me b'a Tshùaben, tshù lén sàm nà. Me ke nsi fà yàm ghamte mo' mèn, ke fà yàm nku'ni ba neto.

Esaya 44:6

Tshùaben, mfen Israél, ngatshu' i, Tshùaben tàndà ntsho tshob ndù: Me b'a mbwe i mbèn mbe njam i, Mo' nsi ke' bèn mbe bwe k'a ke nda' me.

Yérémia 16:21

A ndùlala, Tshùaben bùnte ndù: M'a' la't'é bo! Ṅ, yen yoṅ i li m'a' ghù bo lèn bu àm bo ngù' àm. Bo nsi lèn kua' ndù lén sàm b'a Tshùaben.

Yérémia 33:2

Tshùaben z'a ghù tshen tshu là, Tshùaben z'a tàmte tshen tshu mbèn ngù a bumte, yi ze lén se b'a Tshùaben nà tshob ndù:

Ezékia 20:5

O a' tshob bo ndù me Tshùaben Nsi tshob ndù: Me lo sobve num nzwit Yakob lé'njù se me na' ntsho Israél là, ngù bo lèn àm mà ntùm ngô Egipto. Me lo sobve num bo, ntshob ndù: Me b'a Tshùaben Nsi zin.

Ezékia 37:13

Yàm nzwit mèn, bin nsi lèn ndù me b'a Tshùaben ndùse me nsi tsho' ntshu mfi min ghù bin tum bwe là;

Ezékia 37:6

Me nsi yabte ba nga num bin, ghù mbàb ko' num bwe, ngub kabte bwe. Yen nà nsi be tôg me ghù zwiag bèn num bin ndù bin bèn njôge. A nsi tshùa ndùlala bin lèn ndù me bèn mbe Tshùaben.

Yohané 8:58

Yésu tshob bo ndù: Kua' nenùne, kua' nenùne, me tshob bin ndù: Abraham lo be be, ndù m'a be.

Apokalipse 1:4

Me Yohané, me kite yen ṅwa'ni li à ba ntse'te benkristô sammbàa ts'a Asia là. Kondèn mba fite be bin njam mèn z'a be, z'a na' mbe, z'a tshwèt nse' là, njam Ywèt sammbàa tse bo be mbwe ko'fen se là,

ṄWA'NI RUT 1:20

A tshob bo ndù: Kà bin bèn netsiaṅ àm Naomi. Bin ke ntsiaṅ àm Mara; yen nà bagt'a ndù zwentù. Nummbe Nganeta Ntshùate ghù me dun zwentù.