Netume 4:8 - NTSHOB NSI

⁸ Tshùaben tshob ndù: A be ze bo ke' bam mbwe nsà, ke ju' ntshu là, mba bo nsi bam mbatte nsà bàa.

Netume 4:8 Iomraidhean Croise

2 Fenfen 5:7

Ndùse mfen Israél miagte nesiaṅ ṅwa'ni là, a fagte nzwe tse ntshob ndù: Me b'a Nsi z'a ke nzwi mèn mbèn mbam i là ké k'a nke ntshob ndù me yate nkin num mèn à? A bwô bin lèn ndù a ke ndiag a nze kam àm ntanta.

ṄWA'NI YOB 5:18

A num nte keko' mbèn nkule. A num nkag mfaṅ bu i ntswinte.

Netume 4:28

Mosé soṅ Aron njoṅ ntshob fa mi Tshùaben na' ntum i a nèn ntshob là, boa njoṅ nsà fa ts'a na' ntshob mb'a ghù là.

Netume 4:7

Tshùaben tshob ndù: Bèn nso bu o ndàntù o. A bèn nso bu i ndàntù i mbèn nsô. Ndùlala bu i bèn mbe mba mo' dù' wul i là.

Netume 4:9

A be ze bo ke' bam tshen nsà bàa là, ke ju' ntshu o là, mb'o nsi tu' ntse ntùm ta'ntse fètte num tsha'a; ntse mi o nsi tu' ntùm ta'ntse là nsi tù' lem num tsha'a.

Esaya 28:10

Nummbe ze tu b'a nefà ntshù' num ntshù', mfà ntshù' num ntshù', njab kàn num kàn, njab kàn num kàn, ndo' meju i nsen ni, ndo' meju i nsen nà.

Yohané 12:37

Mba mb'a na' ngù ba nsà yàm mbwe bo là, bo ke bam i.

Nebwôgte 32:39

Bin lèn ndonni ndù me bèn mbe Nsi, ndù mo' nsi ke tse mbaṅ àm. Me num mfà yôg, mbèn nzwi mèn, nke nkag mfaṅ mbèn ntshwinte, sàm mèn ke ku'ni nekwé ju bu àm.

Ghasa'kame 6:17

Gédéon tshob yi ndù: A be ze me be mènfen mbwe o là, o la'te ta' keki me, me tshùa bwe ndèn ndù a b'a wù bèn nke ntshob me.