Netume 4:11 - NTSHOB NSI

¹¹ Tshùaben tshob yi ndù: We z'a fà ntshu mènntùn, ke nelo' i nkaṅ ketshob, mbu'ntoṅ, njennze ke mfùmiag lo yi à? A ke b'a me Tshùaben ké?

Netume 4:11 Iomraidhean Croise

Neto'te 11:7

Be swe'e, ma' fagte netèt ntshob mub be nsen ni, ndù kà bo bèn netshob nju' netèt bo.

Neto'te 18:14

Mo' ju ze b'a tshùa Tshùaben nà num bwe ké? Be kua' num sen lé'njù li, num yen ngelaṅ njù li, me nsi bèn se' mbaṅ o, me nsi be se' ndù Sara ghù mén mandum.

Yobkwi 146:8

Tshùaben be ngù mfùmiag yente, Tshùaben be ntsiagte ben tse bo ṅam nà, Tshùaben be nkô ben netsine,

Yobkwi 51:15

Ndùlala me nsi tswite manze tsho ben tse bo be mfàn nu là; ben kebwô nsi bèn njam tèl o.

Yobkwi 94:9

Mèn z'a te toṅ mèn nà ke nsi ju' ké? Mèn z'a te lag mèn nà ke nsi yen ké?

Tànkùt 20:12

Toṅ z'a be nju'u, bo lag s'a be njen nà, Tshùaben bèn ndèn njoṅ i fa.

Esaya 42:7

ndù o gha' miag ba mfùmiag, ngù ba kuan tum ndàtsha, ngù ben bo num ntswe ntùm njam nà tum ntô.

Esaya 6:7

A lo' nge'mbwôg là nkwag ntshu àm yi, ntshob ndù: Yen nge'mbwôg li kwag nkub ntshu mu, ndonni bo bwete nukebwô tsho, mbiagte mfànnu mu.

Yérémia 1:6

Me bùnte ndù: Tshùaben Nsi, yen mbe me ke' lèn netshobe, nummbe me b'a mônke'.

Yérémia 1:9

Tshùaben tshag bu i, ndo' nkwag ntshu àm yi, ntshob me ndù: Tshù, me yab ntshob màm ntshu o.

Ezékia 33:22

Tshù, bu Tshùaben lo yab num àm mfetnjù kà njù ndàn mèn z'a kù là nkù nse' nkebnjù. Tshùaben lo gha' ntshu àm ndùse mèn nà ke ṅwag là. Ntshu àm gha', ndùlala me ke bèn mbe ketshob.

Amos 3:6

Be bo tô nta ntsho ntùm ngô kà benntùn tag ke bwôg ntùm ngô ké? Be nge' tsho ntùm ta' ngô ke be ndù Tshùaben bèn ngù yen nu là ké?

Matio 11:5

Ba mfùmiag tshwèt njene, ba kekat nke nzine, wut ghankin nke ndàne; ba mbu'ntoṅ nke nju'u, fe ben nke ndo num vù; bo tshwèt nke ntshob nkùn mebwô bwoṅbwoṅ.

Lukas 1:20

Tshù, o nsi vù ketshob; o ke bèn nku' netshobe, tà nkum lé'njù ze tshen nu là nsi se' là, nummbe o ke' bam ntshob màm mi a nsi bumte num ngelaṅ i là.

Lukas 1:64

Be ngelaṅ mbile, ntshu i gha', lém se ké'te, a bèn nto' netshobe, nke ngamte Nsi.

Yohané 10:21

Tsemo' bèn nke ntshob ndù: Men ntshob là ke b'a mi mèn z'a ghù ywètkebwô là. A be ywètkebwô ku'ni negha' miag ba mfùmiag ké?