Netume 32:4 - NTSHOB NSI

⁴ A kwé mum mbu mube, ma' ntùm kab lam, na ndo' nabte mfô tùn yi. Bo nke ntshob ndù: Israél, tshù nsi o z'a sô o mà Egipto li.

Netume 32:4 Iomraidhean Croise

1 Fenfen 12:28

Ndùse mfen na' ngù yen nkwate li ntù i là, a lo' gol nabte mfô yi bàa, ntshob ngô ndù: Bin gho' nèn Yérusalém neshu; Israél, tshù Nsi o z'a na' nsô o ntùm ngô Egipto li.

1 Fenfen 12:32

A te ta' jùa ntùm mbatte ṅwù fome, num lé'njù ntshob tàn gham, ntùm ṅwù, ndaṅndaṅ mba jùa se bo ke njù Yuda là; a ton tshule'te num tômbwôge. Tshù ju z'a ghù Bétél ndù bo ke nton tshule'te ba mfô ts'a na' nabte li: A yab ghale'te Nsi ts'a na' nabte yub là num mbwe' ts'a na' nkut là.

2 Fenfen 10:20

Yen ni be tôg Yéhu tshob ndù: Bin ghù ta' jùa num lén Baal. Bo jù jùa num lén Baal.

2 Fenfen 10:29

nda' ndù ke tsho' ntù i num nukebwô Yéroboam nshum Nebat, z'a na' ngù Israél ghù nukebwô là. A ke tsho' ntù i num mfô gol ts'a be Bétél mba Dan nà.

2 Kronika 11:15

Yéroboam ghù ghafà tshule'te num ba mbwe', num mfot mbwe, mba num ba mfô ts'a nabte là.

2 Kronika 13:8

Ndonni bin kwate mbe bin a' yob ngu' num nufen Tshùaben, z'a be ntùm mbu tse nshum David là; bin yàm neshu, ngù ba mfô gol tse Yéroboam nabte bin ghù nsi yi là.

Néhémi 9:18

mba ndùse bo na' ndo' tùn nabte ta' mfô yi ntshob ndù: Tshù Nsi o z'a na' nsô o Egipto li, kà nso wut tshob num bwe, nke ntut'o kua' yàm yàm nà.

Netume 20:2

A b'a me Tshùaben Nsi o, ze me na' nsô o ngô Egipto, ndà kuan nà.

Netume 20:23

A ndùlala be bin ke lo' àm mba nsi ze bo lo' à silba nabt'é yi là, ke ze gol lo. Kà bin nabte lèn tshen nsi là.

Netume 20:4

Kà nabte neto, ke sàm ju z'a fute ju z'a be mfe tù, mfe kamànyam no, ke z'a num nsitsha' mà nsi lo, ke z'a ntùm ntse bam tsha' lo.

Netume 28:11

O nsi tshebte men ndèn bon Israél là num men ndoṅ mbàa là, ndaṅndaṅ mba ngakom màkwa ghù netshebte ta' màkwa là. O nsi so yub ntùm gol, lo' loṅ yub yi ntùm bwe.

Netume 28:9

Lo' ndoṅ onix mbàa, ntshebte ndèn tse nshum Israél num bwe.

Netume 32:1

Ngô yen mba Mosé ke' swe' mfe num mbat là, nkùmte mbaṅ Aron ntshob yi ndù: Lo nsi be nabte ta' nsi z'a ke nzin mbwe be là. Nummbe Mosé, mèn nà z'a sô be mà Egipto là, bag ke' lèn mb'a be num i là.

Netume 32:24

Ndùlala me tshob bo ndù: Ben tse bo ghù gol là bo sô mfà me! Bo lo ne mfà me, me ton mbwôge, kà yen mfô li mbe.

Netume 32:3

Ngô sô mba'ntoṅ gol mi a be ntoṅ bo là nèn mfà Aron.

Netume 32:35

Tshùaben lab ngô, nummb'a lo nabte mfô, mfô ze Aron nabte là.

Netume 32:5

Aron be yen i, mbom ta' tômbwôg mbwe i, nkua' ntshob ndù: Jùa nenyàmte Tshùaben nsi be ndamnjù.

Netume 32:7

Tshùaben tshob Mosé ndù: Swe' là ndonni, nummbe yu nzwit mèn tù' mbagte wul i. Me dù à nzwit mèn z'o sô yub mà Egipto là.

Netume 32:8

Bo nànte nkag manze ze me na' ntswite bo là. Bo nabte mfô tùne, ngwù nsi mbwe i, mfà tshule'te yi nke ntshob ndù: Israél, tshù nsi o z'a sô o mà Egipto li.

Esaya 30:22

Bin nsi yen silba ze bo lo' njo' neto tsin yi là, yen gol tse bo ma' num bo là. O nsi sate mfé tse mba tshu ts'a sagte là tshob ndù: Bin lo nsen ni.

Esaya 46:6

Tshù benntùn nà bo tshwèt nsô gol bàm bo, nke mfi' silba num kilô là; bo be ndo' ta' ngana ntùne, ndù a se' nabte ta' nsi bo, ze bo nsi vù mbwe i, ghamt'é là;

Ezékia 23:8

A lo gha nekag kat ts'a to'te mà Egipto là nsi. Nummbe bo lo lo' i fe ndùs'a ke' ngon nà, nyu'te mbùn mi mi a ke' mbùn ngon, ndù mèn ke' yoṅ nkwag là. Bo lo so kat yub num i.

ṄWA'NI OSÉ 10:5

Ba Samaria nsi vètte num mfô Bét-Avèn; ngô nsi te vù neto, ghale't'é nsi nyiaṅ ngon vù, ke làn num ghamt'é z'a nsi mi num miag mi là.

ṄWA'NI OSÉ 13:2

Ndonni bo tshwèt ngù nukebwô nèn yi mbwe, nke ndo' tùn se bo ton nà nabte mfuni ju yi, nabte neto mba bo kwate là; njoṅ i fa b'a fa' ghave. Bo be ntshob num bo ndù: A bwô ndù ben tse bo num mfà tshule'te là nyô nge' ba mfô.

Mfa' Ghantum 17:29

Mba be b'a nzwit Nsi là, a ke' bwô be bam ndù Nsi be ndaṅndaṅ à mba gol, silba ke loṅ se mènntùn be ndo' zenu i bo ve nabte yi là.

Mfa' Ghantum 7:41

Num tshen lé'njù là, bo nabte mén mfô, mfà ju neghamte yen neto là, nke ntsiaṅte mum mfa' mbu mube.

1 Korintô 10:7

Kà bin be ghaghamte nsi neto mba tsemo' netèt bo, ndaṅndaṅ mba bo kite ndù: Benntùn tswe nsi nke njù, nke nu, ndo tù, nke nyiaṅe.

Nebwôgte 9:16

Me lôte njen ndù bin ghù nukebwô num Tshùaben Nsi zin, nabte ta' mfô tùne, nsô wut zin ndende num manze ze Tshùaben na' ntshob bin nà.

Ghasa'kame 8:24

Gédéon tshob bo ndù: Me ghù ta' ju ze me tshwèt mbètte zin yi là. Mba we lo fà nkwa mi bin lo' ntsha' yi là me. Ghakeban tshob lo ghù nkwa gol, nummbe bo na' mb'a ben Ismaél.

Ghasa'kame 8:27

Gédéon lo' nabte ta' éfod yi nte ntùm se tusô Ofra, dù' z'a ntù' tunu kat njoṅ ba Israél fa là; a be ywi' Gédéon mba ze tunndà.