Netume 32:1 - NTSHOB NSI

¹ Ngô yen mba Mosé ke' swe' mfe num mbat là, nkùmte mbaṅ Aron ntshob yi ndù: Lo nsi be nabte ta' nsi z'a ke nzin mbwe be là. Nummbe Mosé, mèn nà z'a sô be mà Egipto là, bag ke' lèn mb'a be num i là.

Netume 32:1 Iomraidhean Croise

Neto'te 19:14

Lot nèn ntshob ben tse bo bètte ngonngon tse là ndù: Bin kù, ntum yen dù' li; nummbe Tshùaben a' bagte ngô. Yen nu là tswe num miag tse tse mba komzwi là.

Neto'te 21:26

Abimélék tshob ndù: Me lo ke lèn sàm ju num yen nu là. Tu wul o lo ke soṅ àm sàm ju bwe, me ke bèn nju' sàm nu bwe k'a ke nda' sènni.

Neto'te 39:8

A gha, ntshob nzwi tàfa' i ndù: Yen ndù bag tàfa' àm ke' be soṅte sàm ju num tshu ts'a tshwèt ntôg mum ndà là; a bèn ndem tshu ts'a ghù là ntùm mbu màm!

Neto'te 44:15

Yosèf bètte yub ndù: A ke lèn nu li ze bin ghù à? Bin ke' lèn ndù mènntùn mba me là ku'ni nelèn nu ndamnjù ké?

Neto'te 44:4

Ndùse bo yoṅ ntum ntùm ngô, ke yoṅ nèn ngùanesà là, Yosèf tshob ngalôte ndà ndù: Lo nsi, yoṅ tshen bandum nà, ngom yub ntshob bo ndù: Numke bin ndo' nukebwô njagte numebwô yi à?

Yobkwi 106:19

Bo nabte mén mfô Horéb. Bo vù nsi mbwe neto tùne.

Netume 13:21

Tu wut Tshùaben lo ke nzin mbwe bo; mbwoṅ ndot be mbwôgtshù, nke nda'te manze bo, mbwoṅ mbwôg be tèttswe' nke nké' mbwe bo. Ndùlala ba Israél ghù nezin mbwôgtshù mba tèttswe'.

Netume 14:11

Bo tshob Mosé ndù: A na' nsag à mfi Egipto ké k'o ndo' yag nse' yi kônkwa ndù bag kwùte nsen ni à? Ke z'o ghù bag ndù à? O na' nsô yag Egipto numke?

Netume 16:3

Bon Israél tshob bo ndù: Bu Tshùaben na' mbe ke zwite yag ntùm ngô Egipto, ndùse bag na' ntswete mbaṅ nkab mbàb, nke njù njwèt là numke? Bin lo lo' yag nse' yi num yen kônkwa li ndù njoṅ yen bwoṅ benntùn ni kwùte.

Netume 20:23

A ndùlala be bin ke lo' àm mba nsi ze bo lo' à silba nabt'é yi là, ke ze gol lo. Kà bin nabte lèn tshen nsi là.

Netume 24:12

Tshùaben tshob Mosé ndù: Ko' nse' mbaṅ àm num mbat ntswe bwe. Me nsi fà ntafèt ndoṅ mi me kite ntshù' boa ntag mi o nsi tswite yub yi là wù.

Netume 24:18

Mosé tsho ntùm ndot num mbale. Mosé tswe tu mbat lé'njù ṅam nkuà, mbwôgtshù bo tèttswe'.

Netume 32:11

Mosé zin kam mbwe Nsi i, ntshob ndù: Tshùaben, yantù o ghù nekam num yu nzwit mèn z'o sô mà Egipto l'a numke? Tshù, o na' ndo' ngù' o ze ndùb bo bu ze neta ngù yi ndùlala.

Netume 32:22

Aron tshob ndù: A ke' bwô ndù tshùaben àm ya ntù; tu wul o lèn mba yen ngô li be ngwù ntùm nukebwô là.

Netume 32:23

Bo lo tshob me ndù: Nabte ta' nsi bag z'a ke nzin mbwe bag là. Nummbe Mosé, mèn nà z'a sô yag mà Egipto là, bag ke' lèn mb'a be num i là.

Netume 32:7

Tshùaben tshob Mosé ndù: Swe' là ndonni, nummbe yu nzwit mèn tù' mbagte wul i. Me dù à nzwit mèn z'o sô yub mà Egipto là.

Netume 33:3

Ko' nèn ntùm ngô là ze mbùn nyàm be nswe' bwe bo ṅwa' là. Là, me ke nsi ko' nèn bag bin, nummbe bin b'a nzwit ghatatu, mèn ze kekol i sag là, mbwôg ndù kà me biagte zin num manze.

Ezékia 20:8

Mba ndùlala bo ta tu me, ke ju' ntshu àm. Sàm mèn netèt bo ke ghua' tshùaya'nu tse miag mi be nte num bwe là, ke ghua' neto ts'a Egipto là. Ndùlala me kwate nelo' tshùagntù àm bo yantù àm ndo yi nsi num bo mum ngô Egipto.

ṄWA'NI OSÉ 12:13

Yakob kù nèn ngô Aram, Israél fa' num ta' mènnzwi, a béb bwoṅ nyàm num ta' mènnzwi.

Mika 6:4

Tshù, me lo ghù o ko' mà Egipto, me tshu' o mà ndà kuan. Me lo tum Mosé, Aron mba Miriam mbwe o.

Nesiaṅe 14:22

Sàm ta' mèn netèt tshen ben ni tse kuni àm mba ndèn ze me ghù ntùm ngô Egipto mba num kônkwa, ze bo yà laṅt'àm yoṅ gham ke ju' ntshu àm nà,

Matio 24:43

Bin lèn yen nu li ndù: A be ze tàndà lèn nyam ze tshô nsi se' yi tèttswe' là, mb'a' zi tshùalo ke faṅ ndù bo to ndà i.

Matio 24:48

Là, a be yen ngafa' ze kebwô li tshob ntù i ndù: Tàa nsi sène,

Mfa' Ghantum 17:29

Mba be b'a nzwit Nsi là, a ke' bwô be bam ndù Nsi be ndaṅndaṅ à mba gol, silba ke loṅ se mènntùn be ndo' zenu i bo ve nabte yi là.

Mfa' Ghantum 19:26

Bin yen ndù ke b'a nda' Efésô, là ntùm ngô Asia fa, Paulo tshwèt ntswite, mbèn nke mbagte tu benntùn ntshob ndù: Ba nsi tse benntùn nabte mbu mub là ke' b'a ba nsi.

Mfa' Ghantum 7:40

ntshob Aron ndù: Nabte ba nsi tse bo nsi ke zin mbwe bag là, nummbe yen Mosé là z'a sô yag ntùm ngô Egipto là, bag ke' lèn ju z'a ghù i là.

Nebwôgte 31:8

Tu wut Tshùaben nsi ke zin mbwe o, bin yi ke mbe. A ke nsi ghua' o, ke kag bu o. Kà bwôg ke bèn mvètte.

Nebwôgte 9:1

Israél, ju'u! Sènni o a' dut Yordan, netù' ngatô ngô ndùbndùb, ngô tse bo ta ntshùa o là, ntusô ndùb mi bo kut ntsham ntsiage, a sag nèn tà tù là;

Nebwôgte 9:9

Ndùse me ko' num mbat nekwé ntafèt ndoṅ, ntafèt nkàn mi Tshùaben wat bin à bo là, me tswe num mbat lé'njù ṅam nkuà ke jù bàn, ke nu ntse.

Yoshua 7:13

Nèn ndànte ngô; tshob ngô lànte wul i ndamnjù. Nummbe tshù ju ze Tshùaben Nsi tshob Israél li: Israél, nefàn ntshù' num netèl o. B'o ke tshùa ghakeban tsho, a be z'o ke' yoṅ nsô mfànnu netèt bin nà.

2 Pétro 3:4

tshob ndù: Lé'njù s'a nsi se'e, mb'a be ntùm nka'ni là yà? Nummbe fe ngelaṅ ba tà kwù là, njoṅ tshu fa b'a be mal i fe mba nenabte njù be là.