Netume 3:9 - NTSHOB NSI

⁹ Ndonni nkua' bon Israél ko' tà nse' nkum mbaṅ àm. Me yen nge' ze ba Egipto tshwèt njab num bo là.

Netume 3:9 Iomraidhean Croise

Neto'te 16:11

Angél Tshùaben tshob Agar ndù: Tshù wù là z'o be jùm nà, o nsi bwe mén mandum, yab lén se ndù Ismaél, nummbe Tshùaben ju' nz'o ntùm ngùtni o.

Neto'te 31:12

A tshob ndù: Bù' miag mu ndôte njene, njoṅ nkomnjù fa mi bo tshwèt nko' njùmbwe là b'a ntshobntshob, nto'nto'o, mbàbmbàbe; nummbe me yen ju ze Laban ghù wù là.

2 Fenfen 13:4

Yoakaz ma' mbu Tshùaben. Tshùaben ju' nz'é, nummb'a lo yen ngùtni ze mfen Siria yab Israél ntùm bwe là.

2 Fenfen 20:5

Bèn njam mbaṅ Ezékia mfen yàm nzwit mèn ntshob yi ndù me Tshùaben Nsi tàab David ju' le'te z'a le't'àm yi là, mbèn njen ntsenyà mi a fètte là. Ndùlala me nsi yat'é, a be kum lé'njù tat a ko' nèn ndà Tshùaben.

Néhémi 9:9

O lo yen ngùtni tà tshag mà Egipto, nju' nkua' mub mbaṅ dibantse meba.

Yobkwi 12:5

Ben tse bo num ntshob ndù: Bag ke ndo' à lém sag nta yi, bag ghù nkub ntshu mage. We z'a nsi be ngatswite yag à?

Yobkwi 9:14

Tshùaben, ko ndèn màm, tam lag so num nge' àm, sô àm ntshu vù,

Netume 1:11

Ndùlala bo yab ghatô netèt bo ndù bo lo' nànte mfa' ma'ni yub yi, yôg ta num bo. A tshùa ndùlala bo kut ba ndàlem Faraon: Pithom bo Ramsès.

Netume 1:22

Faraon tshob ze ngô ndù: Bin ma' mba zit mén mandum no bo nsi bwe netèt ba Héber là ntùm ta'ntse Nil, là, mfaṅ bon bènnzwi ntùn.

Netume 1:8

Ndùlala mo' mfen nswe jù fen ntùm ngô, ke lèn Yosèf.

Netume 2:23

Ngelaṅ yàm lo be tôge, mfen Egipto kwù. Bon Israél tse bo ke nke' ntsham zwe ntùm ndà kuan nà, tshag nze yub tù nkua' mà ndà kuan, nze yub nèn tà kum mbaṅ Nsi.

Netume 2:25

A lôte bon Israél, mbèn ndèn yube.

Netume 3:7

Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.

Nzenu 4:1

Mbèn mbe, me ma' miag màm tun bam kamànyam njen mbe nefétte benntùn yàm nga' mbu. Bin yen mba ghayennge' tshwèt mfètte ntsenyà njene; ngatshwétte ntsenyà mub ke' be, neta b'a ju ghafétte yube; bo ke' ghù ngazibte yube.

Nzenu 5:8

Là tsha' bèn nke njwimte njoṅ yub fa; mfen bèn mbèn nke ntô tshu tse bo num ndù' là.

Amos 4:1

Bin ju' men ntshob li, me mfô ts'a Basan, bin tse bin be num mbat Samaria, bin tse bin be mfétte bwoṅbwoṅ, nke ma'ni ghayennge' là; bin be ntshob du tsin ndù: Bin se' ndu' bag bin nu.

Nebwôgte 26:7

Ndùlala bag kua' ntsiaṅ Tshùaben, Nsi tà tshage, a ju' nkua' mage, njen ntobni yag, njen ngùtni yag mba nge' yag.

1 Samuél 9:16

A tshag mbe ndamnjù num yen nyam ni, me tum mo' mènntùn wù, a tum à ntùm ngô Benjamin. O nsi yo' i, ghù mfen yàm nzwit mèn Israél yi. A nsi tshu' yàm nzwit bu ba Filistia; nummbe me te lag num yàm nzwit mèn, nkua' mi ko' ntam toṅ àm.