Netume 3:8 - NTSHOB NSI

⁸ Ndùlala me swe' num netshu' yub bu ngô Egipto, mba ndù bo ko' ntùm yen ngô li nèn ntùm mbwô ngô nezi, ntùm ngô ze mbùn nyàm be nswe' bwe bo ṅwa' là, ntùm dù' ze ba Kanaan, ba Hétia, ba Amor, ba Férésia, ba Hévia boa ba Yébusia be ntswe là.

Netume 3:8 Iomraidhean Croise

Neto'te 11:5

Tshùaben swe' nse' yen ngô bo nesà ba' ze bon benntùn tshwèt nkut là.

Neto'te 11:7

Be swe'e, ma' fagte netèt ntshob mub be nsen ni, ndù kà bo bèn netshob nju' netèt bo.

Neto'te 15:13

Tshùaben tshob Abram ndù: Lèn ndù nzwil o nsi be ghùn ntùm ngô z'a ke' b'a yub là. Bo nsi lo' yub ghù kuan yi, ghùtni yub num ngu'njù nkù kuà.

Neto'te 15:14

Me nsi naṅ ntsha tu ngô tse bo nsi be kuan bwe là, bo tum ntùm tshen ngô là boa mfu' yàme.

Neto'te 18:21

M'a' swe' nèn njene, a be ze tshu'te z'a be nse' mbwe àm b'a ndaṅndaṅ mba ngùninu mub be là. A be z'a ke' b'a ndùlala là, mba me nsi lène.

Neto'te 43:11

Tà yub Israél tshob bo ndù: Mb'a be ndùlala là, tshù ju ze bin ghù li: Bin ma' bon tshu ngô tse ntùn mbàm mine, ntsho mfà nda' yi yen mandum nà: Zin, ṅwa'a, mfèt nelamte, mire, nze' mba mba.

Neto'te 46:4

Tu wul àm bag wù nsi swe' nèn mà Egipto, tu wul àm, me nsi lo' o ko' yi mà bwe. A b'a kua' Yosèf nsi bèn fi miag mu.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

1 Kronika 1:15

ba Hiv, ba Arkia, ba Sim,

Néhémi 9:8

O lo yen mb'a yab ntù i num o kua' mebwô, ngwat kàn bin yi, nka' yi ndù o nsi fà ngô Kanaan, ngô Hit, ngô Amor, ngô Férésia, ngô Yébusia bo ngô Guirgas ze tunndà. O lo tshùb ju z'o na' nka' là, nummb'o b'a mèn netsine.

Yobkwi 12:5

Ben tse bo num ntshob ndù: Bag ke ndo' à lém sag nta yi, bag ghù nkub ntshu mage. We z'a nsi be ngatswite yag à?

Yobkwi 12:6

Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Yobkwi 34:8

Angél Tshùaben be ntswe ben bo be mbwôg Tshùaben nà, nkwé yub bu nge'.

Yobkwi 91:15

A nsi tsiaṅ àm, me bùnte yi. Me nsi be bag yi mum nge'. Me nsi tshu' i, me nsi ghù nku'ni yi.

Netume 12:41

Tshen ngu'njù 430 là lo be tôg njoṅ ntshu ntsho Tshùaben fa tum Egipto.

Netume 12:51

Tshùaben sô bon Israél Egipto be kua' sen lé'njù là, njab yub nka mba ntshu ntsho là.

Netume 13:5

A ndùlala, ndùse Tshùaben nsi tshag o ntùm ngô ba Kanaan, ba Hétia, ba Amor, ba Hévia bo ba Yébusia, ts'a na' nsaṅlaṅ bwe tà tsho ndù a nsi fà wù là, o nsi ke ze yen nu li be num maṅwù mbile. Mbùn nyàm bo ṅwa' be nké nswe' ntùm yen ngô là.

Netume 3:17

ndùlala me tshob ndù: Me nsi ghù bin tum ndà kuan bin be bwe Egipto là, nèn ntùm ngô ba Kanaan, ba Hétia, ba Amor, ba Férésia, ba Hévia boa ba Yébusia, ngô ze mbùn nyàm be nswe' bwe bo ṅwa' là.

Netume 34:11

Zete num ju ze me nsi tshob wù sènni là. M'a' ta' ba Amor, ba Kanaan, ba Hétia, ba Férésia, ba Hévia boa ba Yébusia mbwe o.

Netume 5:23

Fe lé'njù se me nèn mbaṅ Faraon netshob nu yi num lén su là, a tshwèt ngùtni yen nzwit mèn nà neshu, o ke ne ntshu' yu nzwit mèn.

Esaya 36:17

tà nkum ndùse me se' lo' zine, nèn bin ntùm ngô z'a fute zine, ntùm ngô ze ngefet bo ndu', ngô bàn bo nkùa là.

Esaya 64:1

Ndaṅndaṅ mba mbwôg be nkù ntshwèn njum, ndaṅndaṅ mba lambwôg be ngù ntse nke ndo ywèt là! O lo ngù neghù ghamaṅt'o lèn ndù o num bwe, ngôngô vètte mbwe o,

Yérémia 11:5

A be ndùlala mba m'a' zwiagte nka'ni mi me na' nka' tà tsine, ndù me nsi fà ngô ze mbùn be nswe' bwe bo ṅwa' là bo, mba bin tshwèt njen sènni là. Me bùnte ndù: Amén, ṅ me Tshùaben!

Yérémia 2:7

Me lo ghù bin tsho ntùm ngô ntù, ndù bin jù ntàm mi, nju' mb'a bwô là, là, bin yoṅ mbe tsho bwe nsagte tsha'a, ngù ntsi' màm ngô ze me na' mfà bin nà tù' dù' z'a tshwèt mbag à nebag là.

Yérémia 32:22

O lo fà yen ngô li bo, ngô z'o na' nsaṅlaṅ bwe tà tshob ndù o nsi fà bo là, ngô ze mbùn be nswe' bwe bo ṅwa' là.

Ezékia 20:6

Me lo sobve num bo sen lé'njù là ntshob ndù me nsi ghù bo tum mum ngô Egipto nèn mum ngô ze me tsho' bo là. Yen ngô là bwô ntshùate, ṅwa' bo mbùn num nké ntùm bwe.

Lévitiko 20:24

Me lo tshob bin ndù: Bin nsi lo' ngô yube. Me nsi fà i bin. A b'a ngô ze mbùn bo ṅwa' be nké, nke nswe' bwe là. Me b'a Tshùaben Nsi zin, ndù me lo fagte zin num ngôngô.

Amos 2:10

Mbe ndù me lo ghù bin ko' mà Egipto, ntshagte zin num kônkwa num ngu'njù ṅam nkuà, ndù bin lo' ngô ba Amor a tù' zine.

Nesiaṅe 13:18

Njen mba ngô be là, ke benntùn tse ghù neta lo, ke bo bot lo, ke ba ntùm ngô kag ke bo yàm no.

Nesiaṅe 13:19

Bin nsi yen mba ngô be là, k'a bwô; k'a bag lo, ke bo kut ngô nebéb ntshu i, ke ngô b'a mbàn no.

Nesiaṅe 13:27

Bo soṅ Mosé tshô manze ntshob ndù: Bag nèn ntùm ngô z'o tum yag bwe là. Bin bwe kua' nenùne. A b'a ngô ndù mbùn na' mba ṅwa'a yàm bwe neshu. Tshù lèn ntamtù mi a tum bwe là li.

Yohané 3:13

Sàm mèn ke' to' ko' nèn kamànyam, k'a ke nda' mèn z'a swe' mfe kamànyam nà, Mén mèn.

Yohané 6:38

Nummbe me swe' mfe kamànyam, nse'e, ke b'a neghù à yàm nekô, là nekô mèn z'a tum àm nà.

Nebwôgte 1:25

Bo lo' ntàm tù yen ngô là bu bo se' nda'te bag ntshob ndù: Ngô ze Tshùaben Nsi be fà be là b'a ze ntùn.

Nebwôgte 1:7

Bin kaṅ wut zin nène; bin lo nsen ni. Bin tshùb manze z'a nèn num mbat ba Amor là boa dù' ts'a diaṅ i mbum nà: Tômbo'o, mbale, ngô z'a mà tun nà, mà ntèn, num dibantse, ngô ba Kanaan mba Liban, nèn ndùlala tà nkum ta'ntse ndùb, ta'ntse Efrat.

Nebwôgte 27:3

O nsi kite njoṅ ntshob ntshù' fa num men ndoṅ nà ndùs'o nsi dut Yordan tsho ntùm ngô Tshùaben Nsi o fà wù là. Mbùn bo ṅwa' be nké nswe' ntùm yen ngô là kua' mba Tshùaben Nsi tà tsho na' ntshob wù là.

Nebwôgte 28:11

Tshùaben nsi fà bon wù yàme, fà nyàm wù yàme, fà jujù wù yàm ntùm ngô z'a mbam wù num bwe tà tsho ndù a' fà wù là.

Nebwôgte 6:3

Ndùlala o nsi ju' njoṅ i fa me Israél, ke ze njoṅ i fa kua' ntùm nku'ni. A nsi tshùa ndùlala o be mebwô, bin bèn njàm mba Tshùaben Nsi tà tsho na' ntshob wù, mbù ngô ze mbùn bo ṅwa' be nké nswe' ntùm bwe là.

Nebwôgte 7:1

Ndùse Tshùaben Nsi o nsi ghù o tsho ntùm ngô z'a nsi tù' yu, mbe be ndù a ta' ngô yàm num miag mu: Ba Hétia, ba Guirgas, ba Amor, ba Kanaan, ba Férésia, ba Hévia boa ba Yébusia, tshen ngô sammbàa là ts'a yàm mbèn nta ntshùa o là me Israél;

Yoshua 5:6

Ba Israél lo zin num kônkwa ngu'njù ṅam nkuà. Num yen ngelaṅ nà, njoṅ benntùn fa tse bo tum Egipto, ndù bo ku'ni ghama' ntsho là lo kwùte, nummbe bo lo be ghatatu, ke kô neju' nze Tshùaben. A ndùlala, Tshùaben lo tshob nsaṅlaṅ bwe ndù bo ke nsi yen yen ngô là z'a na' mbù tà tshob nefà bo là. Mbùn nyàm bo ṅwa'a be nswe' ntùm yen ngô là.

Yoshua 9:1

Fenfen tse bo be yoṅ Yordan nà, tse num mbale, tse tômbo'o, tse bo be nkaṅ dibantse ndùb, tà nèn nkum Liban nà, ba Hit, ba Amor, ba Kanaan, ba Férésia,

Yoshua 9:7

Ba Israél bùnte tshen ba Hévia là ndù: Be mo' ndù bin nke ntswe à mbaṅ bag; a be ndùlala mba bag bin ghù newat kàn à ndùke?