7 Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.
A tshob ndù: Bù' miag mu ndôte njene, njoṅ nkomnjù fa mi bo tshwèt nko' njùmbwe là b'a ntshobntshob, nto'nto'o, mbàbmbàbe; nummbe me yen ju ze Laban ghù wù là.
Nsi tàa, Nsi Abraham, Ngafétwut ze Isak be mbwôg i là, lo mbe ke be njam àm mb'o ta' àm ndonni mbu ndaṅe. Nsi yen yàm ngùtni bo nge' ze mbu màm yen nà. A lo mbe tèttswe' nkôg nkeb ntsha.
Bèn njam mbaṅ Ezékia mfen yàm nzwit mèn ntshob yi ndù me Tshùaben Nsi tàab David ju' le'te z'a le't'àm yi là, mbèn njen ntsenyà mi a fètte là. Ndùlala me nsi yat'é, a be kum lé'njù tat a ko' nèn ndà Tshùaben.
Ndonni, a be ze me fon kondèn num miag mu là, o la'te tsho manze me, ndùlala ndù me lèn o, mbèn mfon kua' kondèn num miag mu. Lèn mbe ngô li b'a yu nzwit mèn.
Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.
Nummbe ngale'te Nsi ze ndùb ze bag à bin ghù là ku'ni neyen nge' bag à bin ntùm ze be nebole; bo lo laṅt'é num njoṅ tshu fa, nummbe a lo b'a mba be là kà ntag nda' nukebwô.
A tshag mbe ndamnjù num yen nyam ni, me tum mo' mènntùn wù, a tum à ntùm ngô Benjamin. O nsi yo' i, ghù mfen yàm nzwit mèn Israél yi. A nsi tshu' yàm nzwit bu ba Filistia; nummbe me te lag num yàm nzwit mèn, nkua' mi ko' ntam toṅ àm.