Netume 3:6 - NTSHOB NSI

⁶ A bèn ntshob ndù: Me b'a Nsi tàan Abraham, Nsi Isak, mba Nsi Yakob. Mosé lem se i, ke bam nelôte Nsi.

Netume 3:6 Iomraidhean Croise

Neto'te 12:1

Tshùaben tshob Abram ndù: Tum ntùm ngô o, ntùm tunndà o mba ntùm ndà tàan, nèn ntùm ngô ze me nsi la'te wù là.

Neto'te 12:7

Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 17:3

Abram vù nsi kabkab, Nsi tshobte bo yi, ntshob ndù:

Neto'te 24:12

A tshob ndù: Tshùaben, Nsi tàfa' àm Abraham, ghù me fon ju ze me tshwèt ndiag là sènni, ghù bwôntù num tàfa' àm Abraham.

Neto'te 26:24

Tshùaben ṅwag, ntèl i yen tèttswe' là ntshob yi ndù: Me b'a Nsi tàan Abraham. Kà bwôg sàm ju, bag wù bèn mbe, me nsi yab kàn wù, ghù nzwil o yàm num lén ngafa' àm Abraham.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 28:17

A bwôg, ntshob ndù: Mi' yen dù' li kuni neshu! Ndà Nsi num nsen ni, nzendà kamànyam num nsen ni!

Neto'te 31:42

Nsi tàa, Nsi Abraham, Ngafétwut ze Isak be mbwôg i là, lo mbe ke be njam àm mb'o ta' àm ndonni mbu ndaṅe. Nsi yen yàm ngùtni bo nge' ze mbu màm yen nà. A lo mbe tèttswe' nkôg nkeb ntsha.

Neto'te 32:9

Yakob le'te Nsi ntshob ndù: Nsi tàa Abraham, Nsi tàa Isak, wù Tshùaben lo tshob me ndù: Bèn njam ntùm ngô dù' ze bo bwe o là, me nsi ghù mebwô wù!

1 Fenfen 18:36

A kum ngelaṅ nefà jule'te, Elia ngatshob ntshob Nsi nèn mbwe, ntshob ndù: Tshùaben Nsi Abraham, Isak, Israél! A bwô o ghù bo lèn ndù o b'a Nsi Israél, mba ndù me b'a ngafa' o, mbe ndù njoṅ tshu fa tse me tshwèt ngù là b'a mb'o tshob là.

1 Fenfen 19:13

Ndùse Elia ju' ntshùa mfùag nebotte là, a lo' kummbaṅ se nkabte se i yi, ntum ntsin ntshu ngabloṅ. Ndùlal'a ju' mo' nze mèn tshob yi ndù: O ghù à ke nsen ni Elia?

Néhémi 9:9

O lo yen ngùtni tà tshag mà Egipto, nju' nkua' mub mbaṅ dibantse meba.

Esta 3:4

Mba bo ke nkwimte yi njoṅ lé'njù fa, a ke kô neju' là, bo soṅ Haman yen nu là, nke ndiag neyen a be ze Mardokai saṅlaṅ ntùm nkwatenu mi là; a lo ke ntshob bo ndù a b'a ze Yuda.

Yobkwi 132:2

Ngelaṅ z'a kàn mfe mbwe Tshùaben, ngelaṅ z'a ghù nka'ni Ndum Yakob là:

Netume 15:2

Tshùaben bèn mbe yàm neta, me ke njob kwi fà à yi. A yi bèn ntshu' àm. A b'a Nsi àm, me nsi nyàmt'é. Me nsi ghamte ze Nsi tàa.

Netume 29:45

M'a' ghô netèt bon Israél, ke be Nsi yub.

Netume 3:16

Nène, o nsi tse'te njoṅ tse ghakwé mbwe ba Israél fa tshob bo ndù: Tshùaben Nsi tà tsin lo ṅwag me, yi Nsi Abraham, Isak mba Yakob, ntshob me ndù: Me lo se' lôte zine, njen ju ze bo tshwèt ngù bin Egipto là;

Netume 33:20

Tshùaben bèn ntshob ndù: B'o ke yen se àm, nummbe be mènntùn ke yen àm njôge.

Netume 4:5

Yen ni b'a neghù bo lèn ndù Tshùaben Nsi tà tshobe, Nsi Abraham, Nsi Isak, Nsi Yakob lo ṅwag wù.

Yérémia 24:7

Me nsi fà ntù z'a ku'ni neghù ndù bo lèn àm, ndèn ndù me b'a Tshùaben nà. Bo nsi be yàm nzwit mèn, tu wul àm be Nsi yub, nummbe bo nsi bèn njam se' tèl àm njoṅ ntù yub fa.

Yérémia 31:33

Là, tshù lèn kàn se me nsi wat bag tunndà Israél ndùse tshen lé'njù là nsi tôg li: Me nsi yab ntshù' àm ntùm wut yub, kit'é ntùm ntù bo; me nsi be Nsi yub, bo be yàm nzwit mèn. Tshùaben bèn ntshobe.

Yérémia 32:38

Bo nsi be yàm nzwit mèn, me be yub Nsi.

Ezékia 11:20

ndùlala ndù bo tshùb nkàn màm, nju' ntshù' màm mbèn nke nze; bo nsi be yàm nzwit mèn, tu wul àm be Nsi yub.

Sakaria 8:8

Me nsi lo' yub bèn yi njam, bo tswe netèt Yérusalém; bo nsi be yàm nzwit mèn, me be Nsi yub ntùm nenùn bo nu ndaṅndaṅ.

Matio 17:6

Ngelaṅ ghazi'te nu i ju' nze là, bo vù nsi kabkab, bwôg tshùb yub kua' neshu.

Matio 22:32

Me b'a Nsi Abraham, mba Nsi Isak, mba Nsi Yakob; a ke' b'a Nsi fe ben, là, a b'a Nsi ben bo be ntùn nà.

Marko 12:26

Mbe' se' mba ben tse bo na' nkwù ndù bo nsi bèn lo num vù là, bin ke' yoṅ nsiaṅ tshô tswe'fiaṅe ntùm ṅwa'ni Mosé, nju' mat mba Nsi na' ntshob yi ndù: Me b'a Nsi Abraham mba Nsi Isak mba Nsi Yakob ké?

Lukas 20:37

Là fe ben num mbam num vù mba Mosé na' nda'te ntùm dù' z'a be ntùm dù' z'a num ntshob tsho tswe'fiaṅe, ngelaṅ z'a num ntsiaṅ Tshùaben Nsi Abraham, Nsi Isak mba Nsi Yakob là.

Lukas 5:8

Simon Pétro be yen ndùlala, ngwù num nku Yésu, ntshob ndù: Tshùaben, lo mbaṅ àm, nummbe me b'a mèn kebwô.

Mfa' Ghantum 7:32

Me b'a Nsi ba tà tsho, Nsi Abraham, Isak mba Yakob. Mosé vètte ke bèn mfèn ntù nelôte.

Mfa' Ghantum 7:34

Ṅ, me yen nge' ben tshàm tse bo be Egipto là, me ju' mba bo tshwèt nkua' là, me swe' netshu' yube. Ndonni se' me tum o mà Egipto.

Nebwôgte 6:3

Ndùlala o nsi ju' njoṅ i fa me Israél, ke ze njoṅ i fa kua' ntùm nku'ni. A nsi tshùa ndùlala o be mebwô, bin bèn njàm mba Tshùaben Nsi tà tsho na' ntshob wù, mbù ngô ze mbùn bo ṅwa' be nké nswe' ntùm bwe là.

Héber 11:16

Là nzi ngô mebwô bèn nke nja yube, ngô kamànyam. A ndùlala Nsi ke' ko tuswe netsiaṅ tu wul i Nsi yub; nummbe a nabte mo' ngô bo.

Héber 12:21

ju ze bo ke njen nà lo kag bwôg kà Mosé tshob ndù: Me tshwèt mbwôge, kà nke mvètte.

Apokalipse 1:17

Me lo yen i ngwù num nku mi mba mèn nekwù là. A yab bu i ze zwim num àm, ntshob ndù: Kà bwôg! Tu wul àm, me b'a mbwe mèn mba miagt'é;

Ghasa'kame 13:22

ntshob nzwi i ndù: Be a' kwù, nummbe be yen Nsi.