Netume 3:5 - NTSHOB NSI

⁵ Nsi tshob yi ndù: Kà se' nsen ni. Sô nketo' nku mu, nummbe dù' tsha' z'o tsin bwe là b'a dù' tsha' nelàne.

Netume 3:5 Iomraidhean Croise

Netume 19:12

Kut ta' kàb mbwe ngô ntshob ndù: Bin zete neko' num mbale, ke nekwag mbaṅ tse lo. Mèn z'a nsi kwag mbat là mba bo a' zwi i.

Netume 19:21

Tshùaben tshob Mosé ndù: Swe' ntshob ngô ndù kà bo nànte nse' mbaṅ àm, me Tshùaben, neyene, mbwôg ndù kà tse yàm kwùte.

Netume 4:28

Mosé soṅ Aron njoṅ ntshob fa mi Tshùaben na' ntum i a nèn ntshob là, boa njoṅ nsà fa ts'a na' ntshob mb'a ghù là.

Nzenu 5:1

Kà bam ndù ntshu o ke nànte, ke bèn mbam ndù ntù o ke satte netshob nu mbwe Nsi. Lèn ndù Nsi b'a mfe kamànyam, o be yu num nsitsha'a. Ndùlala, a ke' bwô ndù o ke ntshobte yàme.

Yérémia 30:21

Bo nsi sô ze mfen à be netèl i. Me nsi ghù à ghebte, nse' mbaṅ àm. Be kua' we ghù fènntù ze tu neghebte num àm à? Tshùaben bèn ntshobe.

Lévitiko 10:3

Mosé tshob Aron ndù: Yen ni b'a ju ze Tshùaben na' ntshob là, nummb'a lo tshob ndù: Ben tse bo tshwèt ngebte num àm nà nsi tù' ben nelàne, a tshùa ndùlala me be neghamte mbwe ngô fa. Aron tswe ntshu mi'i.

Mfa' Ghantum 7:33

Ndùlala Tshùaben tshob yi ndù: Sô nketo' nku mu, nummbe dù' z'o be bwe là b'a tsha' nelàne.

Nebwôgte 23:14

O nsi ghù meju ntshùag netèt tshu tsho, ke lo' tswe'te dù' yi kà nèn bén nu bwe sôg tsha'a, ndùs'o kô neghua' bu o là.

Héber 12:20

bo lo ke ku'ni nefènte men ntshob là: A be ze mba nyàm kwag mbat là, mba bo nsi tamt'é ndoṅ;

Yoshua 5:15

Tàndà ntsho Tshùaben tshob ndù: Sô nketo' nku mu, nummbe dù' z'o tsin bwe là b'a dù' nelàne. Yoshua ghù be kua' ndùlala.

2 Pétro 1:18

Bag lo ju' nze mèn z'a na' nswe' kamànyam, ngelaṅ bag à bo na' mbe num mbat nelàn nà.