Netume 3:2 - NTSHOB NSI

² Angél Tshùaben ṅwag yi ntùm mo' lambwôg z'a ke ntum tèt mo' tswe'tù là. Mosé lôte, tswe'tù là nke nge'e, là ke nkù.

Netume 3:2 Iomraidhean Croise

Neto'te 21:17

Nsi ju' nze mén; Angél Nsi tsin mfe kamànyam ntsiaṅ Agar, ntshob yi ndù: A ke Agar? Kà bwôg nummbe Nsi ju' nze mén mum dù' z'a be bwe là.

Neto'te 22:11

Là Angél Tshùaben tsin mfe kamànyam ntsiaṅ i, ntshob ndù: Abraham! Abraham! Abraham bùnte ndù: Tshù me li,

Neto'te 48:16

A bwô ndù Angél z'a na' nsô àm mum nge' là yab kàn tshen bonnshum ni. A bwô ndù lén sàm, se tà tshàm Abraham bo Isak tshùa njam bo nju'ni. A bwô ndù bo bwe, njàm ntùm ngô!

Yobkwi 66:12

A lo ghù benntùn vù num tu be. Be lo tshùa ntùm mbwôg mba ntùm ntse. Là, a lo sô be bwe num neghù be tswe ze be tu.

Netume 19:18

Nzembwôg lo lam mfe num mbat Sinaï, nummbe Tshùaben lo swe' ntùm mbwôg nse'e. Nzembwôg mi ko' mba nzembwôg ndùb là. Mbat kumte, mvètte njoṅ dù' tse fa.

Netume 23:20

Me nsi tum Angél mbwe o ndù a béb o num manze, mbèn ngù o tsho dù' ze me na' nabte là.

Netume 24:17

Nkuni Tshùaben nke ntum mbwe bon Israél mba ta' mbwôg z'a tshwèt nkù là num ntshùa mbale.

Netume 3:16

Nène, o nsi tse'te njoṅ tse ghakwé mbwe ba Israél fa tshob bo ndù: Tshùaben Nsi tà tsin lo ṅwag me, yi Nsi Abraham, Isak mba Yakob, ntshob me ndù: Me lo se' lôte zine, njen ju ze bo tshwèt ngù bin Egipto là;

Esaya 43:2

A be z'o dut ntse là, mba bag wù nsi bèn be. A be z'o dut nta'ntse là, mb'a ke nsi dut num tu o. A be z'o zin mba ntùm mbwôg là mb'a ke nsi kù o, mba lambwôg ke nsi zwe' o.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

Daniel 3:27

Kambwe'e, kam taṅla', kamkame, mba tse ghafà ntag mfen tse'te, njen ndù mbwôg lo ke ghù sàm ju tshen ben nà. Bo yen ndù sàm ntàn nyiaṅtu yub ke' kù, tshe'nku sob ke bagte, mba nda' nsém mbwôg ke lam num bo.

Sakaria 13:7

Ṅwi, lo nsi num yàm ngabéb mbwe, bo mèn z'a be nshunku àm nà. Tshùaben tàndà ntsho bèn ntshobe. Lab ngabéb mbwe, ndù njùmbwe sate! Yen ngelaṅ nà me nsi bù' bu àm nsi num tse nke'nke'e.

Malashi 3:1

Tshù, me nsi tum ngantum àm; a nsi nabte manze mbwe àm. Be ndùse Tshùaben ze bin be ndiag i là nsi tsho ntùm ndà i. Tshù ngantum kàn ze bin be nkô là z'a se' là, Tshùaben tàndà ntsho bèn ntshobe.

Marko 12:26

Mbe' se' mba ben tse bo na' nkwù ndù bo nsi bèn lo num vù là, bin ke' yoṅ nsiaṅ tshô tswe'fiaṅe ntùm ṅwa'ni Mosé, nju' mat mba Nsi na' ntshob yi ndù: Me b'a Nsi Abraham mba Nsi Isak mba Nsi Yakob ké?

Lukas 20:37

Là fe ben num mbam num vù mba Mosé na' nda'te ntùm dù' z'a be ntùm dù' z'a num ntshob tsho tswe'fiaṅe, ngelaṅ z'a num ntsiaṅ Tshùaben Nsi Abraham, Nsi Isak mba Nsi Yakob là.

Yohané 1:14

Ntshob lo tù' mènntùn, nke ntswe netèt be; be yen nkuni mi, nkuni mi a kwé Tà, yi z'a be nkwi Mén ntshù', ndù a dun kondèn mba nenùn nà.

Roma 8:3

Ntshù' lo ke ku'ni neghù yen nà, nummbe mfa' mbàb wut lo ghù a bot, là Nsi z'a tum ko' Mén i num nukebwô ntùm mbàb wut z'a fute ze nukebwô là, lo keb ntsha nukebwô ntùm mbàb wut,

Nebwôgte 33:16

A nsi fà tshu ntùn ts'a num tsha'a, mba ts'a ntùm bwe là yi. A bwô ndù mèn z'a la'te wul i ntùm tswe'fiaṅ nà tam ntse, ntam ntse ndùlala num Yosèf ntam ntse tèt tu Yosèf z'a b'a mèn ndùb netèt fèt tse là!

Nebwôgte 4:20

Là, mba bin nà, Tshùaben lo lo' zin ntum yi ntùm ndà mbwôg tùn Egipto, ndùlala ndù bin tù' kua' ze nzwit mèn, mba bin be sènni là.

2 Tésalônikà 1:7

mfà fite bin tse bin tshwèt njen nge' là, mba bag, ngelaṅ Tshùaben Yésu nsi tswite wul i, swe' mfe kamànyam boa Angél neta i,

Ghasa'kame 13:13

Angél Tshùaben bùnte Manoak ndù: Mènnzwi tshùb wul i num tshu tse me na' ntshob yi là.