Netume 3:16 - NTSHOB NSI

¹⁶ Nène, o nsi tse'te njoṅ tse ghakwé mbwe ba Israél fa tshob bo ndù: Tshùaben Nsi tà tsin lo ṅwag me, yi Nsi Abraham, Isak mba Yakob, ntshob me ndù: Me lo se' lôte zine, njen ju ze bo tshwèt ngù bin Egipto là;

Netume 3:16 Iomraidhean Croise

Neto'te 1:7

Nsi te mo' kub ju neta mfe tèt tù a swe' nkwim nsi num tsha'a mfagte ntse mi a be bam kub ju neta là, mba ntse mi a be mfe num bwe là. A be ndùlala.

Neto'te 21:1

Tshùaben kwimte ju z'a na' mbù Sara là, ngù yen nka'ni là bumte.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 48:15

A yab kàn bo ntshob ndù: A bwô ndù Nsi ze tà tshàm Abraham bo Isak ke nzin mbwe i là yab kàn tshen bonnshum ni. A bwô ndù Nsi z'a be Ngabéb àm fe lé'njù se me be tà nse' nkum sènni là yab kàn bo.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

Yobkwi 102:21

Num neju' nzi' kuan ntsho. Num netshu' ben tse bo nsi kwù là.

Yobkwi 33:18

Tshù, lag Tshùaben te num ben tse bo be nju' ntshu i là, num ben tse bo be nywinte num kondèn i là.

Yobkwi 8:4

Me num ndôte maṅwù mba nsa mi o tete là,

Netume 1:8

Ndùlala mo' mfen nswe jù fen ntùm ngô, ke lèn Yosèf.

Netume 13:19

Mosé lo' mvôg Yosèf ntum yi Egipto, nummbe Yosèf lo ghù bon Israél kàn mfe ntshob ndù: Ngelaṅ ze Nsi nsi se' lôte yag là, mba bag nsi lo' mvôg mu tum yi nsen ni.

Netume 15:14

Ngôngô lo be ju' yen tshô là mvètte. Bwôg lo ghom ben tse bo be Palèstina là;

Netume 17:5

Tshùaben tshob Mosé ndù: Tshùa mbwe ngô, ndo' tsemo' ghakwé mbwe ntùm ngô bin à bo be. Lo' kôg s'o na' ndab ta'ntse yi là ntshùb bu o nène.

Netume 18:12

Yétro ntse Mosé be ze nsi ndùse bo ke nton nyàm nà bo ndùse bo ke mfà tshule'te là. Aron boa njoṅ ghakwé mbwe ba Israél fa lo se' mbwe Nsi mba ntse Mosé njù jujù bwe.

Netume 2:25

A lôte bon Israél, mbèn ndèn yube.

Netume 24:11

Nsi yab bu num tshen ghafen bon Israél li. Bo lôte Nsi, njù mbèn nu.

Netume 3:2

Angél Tshùaben ṅwag yi ntùm mo' lambwôg z'a ke ntum tèt mo' tswe'tù là. Mosé lôte, tswe'tù là nke nge'e, là ke nkù.

Netume 3:6

A bèn ntshob ndù: Me b'a Nsi tàan Abraham, Nsi Isak, mba Nsi Yakob. Mosé lem se i, ke bam nelôte Nsi.

Netume 4:1

Mosé bùnte ntshob ndù: Bo ke nsi bam ju ze me nsi tshob là, ke bèn nju' ntshu àm, nummbe bo nsi tshob ndù: Tshùaben ke' ṅwag wù.

Netume 4:29

Mosé bo Aron nèn ntse'te njoṅ ghakwé mbwe bon Israél fa.

Netume 4:31

Ngô bam yen nu là. Ndùse bo ju' ndù Tshùaben lo lo nsi netshètte ze njam bon Israél, mba ndù a yen nge' yub là, bo vù nsi kabkab, ngamt'é.

Netume 4:5

Yen ni b'a neghù bo lèn ndù Tshùaben Nsi tà tshobe, Nsi Abraham, Nsi Isak, Nsi Yakob lo ṅwag wù.

Matio 26:3

Ghale'te Nsi tse ndùbndùb mba ghakwé mbwe ntùm ngô bumte ntshundà ngale'te Nsi ze ndùb, ze bo ke ntsiaṅ i Kaifa là,

Lukas 1:68

Ghamte be Tshùaben Nsi ba Israél, mb'a se' ndôte mbèn ntshu' ben tse,

Lukas 19:44

Bo nsi bagt'o, wù bin à bon tsho ts'o ghù là, ke bèn mfaṅ mo' loṅ num mo'o, nummbe o ke' lèn ngelaṅ yen nà ze Nsi se' nelôt'o là.

Mfa' Ghantum 11:30

Bo ghù ndùlala, ntum Barnaba mba Saulo, bo lo' nèn yi, mfà ghakwé mbwe.

Mfa' Ghantum 15:14

Siméon tote mba Nsi na' nèn ndôte ghakelèn Nsi fe ngelaṅ mbwe, ntsho' mo' nzwit mènntùn netèt bo ndù a ke ngamte lén se là.

Mfa' Ghantum 20:17

Mà Milét, Paulo tum bo nèn ntsiaṅ ghakwé mbwe netèt ntse'te benkristô.

1 Pétro 2:12

Bin ghù yôg mebwô netèt ghakelèn Nsi tse bo num ntshabte zine, nke ndo' zin mba ben kebwô là, ndù mfa' min mi mebwô gha' miag mube, bo ghamte Nsi ntùm lé'njù nelôte.

1 Pétro 5:1

Ndonni me tsiaṅ ghakwé mbwe tse bo netèt bin nà, me ze me be ngakwé mbwe bag à bo, mbe ngakwénta nge' Kristô, ngù yàm bag i ntùm nkuni mi a nsi tswite wul i là,

ṄWA'NI RUT 1:6

Ndùlala a lo nsi boa zwi bon tse ntum ntùm ngô Moab, nummb'a lo tswe Moab nju' ndù Tshùaben lo nèn ndôte nzwit yub, mfà jujù bo.