12 Nsi bùnte ndù: Bag wù nsi ke be; tshù keki z'a tshwèt nda'te mbe me bèn ntum o li: Ndùs'o nsi ghù nzwit mèn àm tum Egipto là, bin à bo nsi ghamt'àm num yen mbat li.
Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;
A bwô ndù yen nu li be keki wù: Bo nsi jù tshu ts'a bit num nà be ze tu là yen ngu'njù li, be ngumo' jù tshu ts'a vù mum nà mbit là. Là, a nsi be mbatte ngu'njù tat bin ywit kà mbèn ntsho'o. Bin nsi bwe nkùa ze bin nsi nu ndu' mi là.
Mosé tshob Nsi ndù: A be ndùlala mba me nsi nèn tèt bon Israél tshob bo ndù: Nsi tà tsin tum àm mbaṅ bin. A be ze bo bètt'àm lén so là mba me nsi bùnte bo à ndùke?
A bwô ndù yen ni be ta' keki wù: Bo lo jù a miag tshu ts'a vù là mo' ngu'njù. Mbe mo' ngu'njù njù a ju z'a bit be ze tu là. A be mbatte ngu'njù tat, njwile, ntsho' tshu; bin nsi ywit ntù ndu', jù tàm se.
Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.
A be z'o dut ntse là, mba bag wù nsi bèn be. A be z'o dut nta'ntse là, mb'a ke nsi dut num tu o. A be z'o zin mba ntùm mbwôg là mb'a ke nsi kù o, mba lambwôg ke nsi zwe' o.
A ndùlala ze tu wut Tshùaben nsi fà ta' nsa bin nà. Tshù nsa mbit li: Ménngon nsi be jùm, bwe mén mandum, tswi lén se ndù Emmanuél, yen nà bagt'a ndù: Bag à bin Nsi bèn mbe.
Bo num nke nte lag num Yakob, ke yen mo' nge' z'a ghù là, ke yen mo' nukebwô ze Israél ghù là. Bo Tshùaben Nsi i bèn mbe. Bo tshwèt nke mfà ghamte ndùb tun mfen yub.
Bo nèn, ntshob nkùn mebwô ntùm njoṅ dù' fa. Tshùaben nke mfa' bo à bo, mfà neta ntùm ntshob Nsi mi bo ke ntshob là, ntshùa njam nsà ts'a ke ntum bwe là.]
Tshùaben tshob ntshob mi Yoshua nshum Nun, ntshob ndù: Lo' neta, ngù tànntù, nummb'a wù bèn lo' bon Israél tsho yi ntùm ngô ze me na' ntshob nsaṅlaṅ num bwe nefà bo là, kua' tu wul àm nsi ke be bag wù.
Bag wù nsi ke be njoṅ ndù fa z'o ke' ntùn nà. Sàm mèn ke nsi bù' tu i nsi mbwe o. Me nsi ke be bag wù mba me na' mbe bag Mosé là; me ke nsi kag o; me ke nsi ghua' o.
Angél Tshùaben tshag ntshùa kôg s'a be bu i là, nkwag mbàb yi boa bàn ke te ywibte se. Ndùlala mbwôg lo num gho nkù mbàb boa bàn ke te ywibte se. Angél Tshùaben bi num miag mi.
O nsi ju' ju ze bo nsi tshob là, a tshùa ndùlala neta tsho mum mbu mu. Ndùlal'a bwô ndù o swe' nèn mbàn. A swe' nèn bo Pura ngafa' i, tà nkum tà neghebte ntshu mbàn.