Netume 3:1 - NTSHOB NSI

¹ Mosé lo ke mbéb nyàm ntse i Yétro, z'a be ngale'te Madian nà. A be num mo' lé'njù nèn nyàm tà njam tshwèt, nzin tà nkum num mbat Nsi, Horéb.

Netume 3:1 Iomraidhean Croise

1 Fenfen 19:19

Elia lo nsen nà nèn ntèt Elisa nshum Shafat, a nke ndù' nà. Nyàmna' lo be mbwe i bàa bàa nze ntshob bàa gham, boa tse bàa na' mbèn mbe. Elia kù' nèn mbaṅ i, ma' kummbaṅ se num Elisa.

1 Fenfen 19:8

A lo nsi njù mbèn nu. A lo' neta ze jujù fà yi là nzin yi lé'njù ṅam nkuà, tèttswe' bo mbwôgtshù, tà nèn nkum num mbat Nsi z'a be Horéb là.

Yobkwi 106:19

Bo nabte mén mfô Horéb. Bo vù nsi mbwe neto tùne.

Netume 17:6

Tu wul àm nsi tsin mbwe o, num sen gho din, Horéb. O nsi lab gho ntse tum bwe ngô nu. Mosé ghù ndùlala num miag ghakwé mbwe bon Israél.

Netume 18:12

Yétro ntse Mosé be ze nsi ndùse bo ke nton nyàm nà bo ndùse bo ke mfà tshule'te là. Aron boa njoṅ ghakwé mbwe ba Israél fa lo se' mbwe Nsi mba ntse Mosé njù jujù bwe.

Netume 19:11

bo nabte wut tshob num mbatte lé'njù tat, nummb'a nsi be mbatte lé'njù tat Tshùaben swe' num mbat Sinaï nse' mbwe ngô.

Netume 19:2

Bo lo Refidim, nzin nkum kônkwa Sinaï nte mbàn yub bwe. Israél te mbàn nsen ni, mbwe mbale;

Netume 19:3

là Mosé ko' nèn mbaṅ Nsi. Tshùaben tsin mfe tu mbat ntsiaṅ i ntshob ndù: O nsi tshob yen nu li tunndà Yakob, ntswite yen ju nezi'te li bon Israél.

Netume 2:16

Tshù, mo' ngale'te lo be Madian ndù a ghù ngonngon sammbàa. Bo se' tu' ntse mi bo so ntùm let jujù nyàm k'a dun, njùmbwe tà yub ke nu là.

Netume 2:18

Ndùse bo bèn njam mbaṅ tà yub Réuel là, a bètte yub ndù: Bin fe nde sènni be!

Netume 2:21

Mosé bam netswe bo yen mandum nà. A fà ngon i Séfora Mosé.

Netume 24:13

Mosé lo nsi bo Yoshua ngaywimt'é, nko' nèn num mbat Nsi.

Netume 3:12

Nsi bùnte ndù: Bag wù nsi ke be; tshù keki z'a tshwèt nda'te mbe me bèn ntum o li: Ndùs'o nsi ghù nzwit mèn àm tum Egipto là, bin à bo nsi ghamt'àm num yen mbat li.

Netume 3:5

Nsi tshob yi ndù: Kà se' nsen ni. Sô nketo' nku mu, nummbe dù' tsha' z'o tsin bwe là b'a dù' tsha' nelàne.

Netume 33:6

Bon Israél sô nzwe jùa num bo, neto' fe num mbat Horéb.

Netume 4:18

Mosé lo mbèn njam mbaṅ ntse i Yétro ntshob yi ndù: Me le't'o ndù o faṅ me bèn Egipto ntèt fèt tshàm bwe, njen mbe ze bo ke' ntùn nà. Yétro tshob Mosé ndù: Nèn ntùm fite.

Netume 4:27

Tshùaben tshob Aron ndù: Nèn bin Mosé bumte kônkwa. A nèn, nkot'é num mbat Nsi, nyô nge' mi.

Amos 1:1

Ntshob Amos mo' mèn netèt ghabéb mbwe mà Tékoa. Njem z'a na' njen num Israél num ze ngelaṅ Ozias, mfen Yuda mba num ze ngelaṅ Yéroboam nshum Yoas, mfen Israél là. Yen nà lo tôge, a tswe ngu'njù bàa kà tsha' nyi'te.

Nesiaṅe 10:29

Mosé tshob Hodab, nshum Reuél, ze Madian, ntse i ndù; Bag nèn à ntùm ngô ze Tshùaben na' ntshob ndù: Me nsi fà bin nà. Se' bag bin nène. Mba wù yu nsi ghù yu bag ntswe mebwô ntùm yen ngô là ze Tshùaben bù bag là.

Nesiaṅe 10:33

Bo lo num mbat Tshùaben nezin num lé'njù tat. Koṅ Tshùaben bèn ndo nke mbe mbwe bo num tshen lé'njù tat là, num nelèn dù' ze bo nsi kut mbàn yub bwe là.

Lukas 2:8

Tsemo' ghakwé mbwe lo be yen dù' là, nke ntswe tshwèt, mbéb mbwe tshob tèttswe'.

Mfa' Ghantum 7:30

Ngu'njù ṅam nkuà lo be tshùa, mo' Angél ṅwag yi kônkwa num mbat Sinaï, ntùm mo' tswe'fiaṅ mbwôge.

Nebwôgte 1:2

Nelo Horéb, ntshùa manze z'a num mbat Seir là tà nèn nkum Kadèsh-Barnéa ghù lé'njù zin ntshob ntshù' gham.

Nebwôgte 1:6

Tshùaben Nsi be, lo tshob nu be Horéb ntshob ndù: Bin tswe num yen mbat li neshu.

Nebwôgte 4:10

Kwimte lé'njù s'o tsin mbwe Tshùaben Nsi o Horéb là. Tshùaben lo tshob me sen lé'njù là ndù: Kùmte ngô mbaṅ àm. Me kô neghù bo ju' ntshob màm. A nsi tshùa ndùlala bo ke mbwôg àm njoṅ ngelaṅ fa bo nsi ke' num nsitsha' là, mba ndù bo tswite ntshob màm bon tshobe.

Ghasa'kame 4:11

Héber ze Kén nèn nte ze ntàb Kédesh, mbaṅ tshalon s'a Tsaannaïm nà. A lo sô wul i num tsemo' ba Kén, nzwit Hobab, z'a be ntse Mosé là.

1 Samuél 16:11

Samuél bètte Isaï ndù: A b'a njoṅ nshum tsho li ké? A bùnte ndù: Mfèt yub ze nke' ke'e, a ke mbéb à mbwe. Ndùlala Samuél tshob Isaï ndù: Tum bo nèn ndiag i, nummb'a be be ke jù ju ke be ndù a yoṅ nse' nsen ni.