Netume 27:9 - NTSHOB NSI

⁹ O nsi nabte kàb ntshundà Dù'ntswe. A nsi b'a mà ntèn, shù à nze ntèn. Bo nsi lo' à mbwô nzwe z'a fùag là lo' nabte njam kàb ntshundà yi. A bwô ndù a sag num bu ṅam ntàn num ta' bag i ntshù'.

Netume 27:9 Iomraidhean Croise

1 Fenfen 6:36

Bo kut kumba' bam ntshundà ntùm bwe nka ndoṅ netshua'te ntat bo ta' nka ntù sédra.

1 Fenfen 8:64

Mfen tsho' ntshub netèt bam ntshundà z'a na' mbe mbwe ba' Tshùaben nà sen lé'njù là; nummb'a lo ton tshule'te Nsi tse nelon fite yi. Tômbwôg tùn s'a be mbwe Tshùaben nà lo kag neshu mb'a be nzenze tshule'te tse bo ton boa nzit tshule'te Nsi tse nelon fite yi tsho bwe là.

2 Kronika 33:5

A bom ntômbwôg ntshu ntsho mfe kamànyam ntùm bam ntshundà ndà Tshùaben mbàa;

2 Kronika 4:9

A ghù bam ntshundà ghafà tshule'te, ngù bam ntshundà ndùb boa nzendà tse, ndo' ntse tùn fôgtab bo na là njo' ngabndà yi.

Yobkwi 100:4

Bin lo' nyàmte ntsho yi ntùm nzendà tse, ndo' njobkwi ntsho yi ntùm bam ntshundà tse. Bin ghamt'é, bin ghamte lén se!

Yobkwi 116:19

bam ntshundà ndà Tshùaben, netèl o, me Yérusalém! Aléluya! Ghamte be Nsi.

Yobkwi 84:10

O Nsi, wù z'o b'a tshètntsho yag là. Lôte se yu ngayo' mfèt!

Yobkwi 92:13

Ben netsin ke nku' à mba ten nà. Bo ke nsag à mba tù mbwe' Liban nà.

Netume 27:10

Ntom tse ṅam mbàa nsi ghù tun tse ts'a b'a tùn meba là. Ntùn ntom boa nkôg nzwe tshob nsi b'a silba.

Netume 35:17

ba nzwe bam ntshundà boa ntom tshobe, ba tun tshobe, bo nzwe nzendà bam ntshundà;

Netume 36:17

Bo taṅte nkù ṅam ntàn num tôg nzwe z'a miagte ta' tse nzwe là, ntaṅte nkù ṅam ntàn num tôg nzwe mbatte tse nzwe.

Netume 39:40

nzwe nzendà bam ntshundà, mvèt tse, nsaṅ mi boa njoṅ tshundà tse fa, num neke mfa' yi ntùm dù'ntswe, ntùm ndà mbumte, ba nzwe neke mfa' yi ntùm dù' nelàne,

Netume 40:33

A kut bam ntshundà ndiaṅ dù'ntswe yi bo tômbwôg mbume, ntaṅ nzwe nzendà nze bam ntshundà. Tshù mba Mosé na' miagte fa' là.

Netume 40:8

O nsi ghù bam ntshundà diaṅ bume, taṅte nzwe nzendà nze bam ntshundà.

Ezékia 40:14

A siaṅt'a kum mbu ṅam ntat num ntom tse ta' ntshundà be bwe ndiaṅ mbum nà.

Ezékia 40:17

A lo' àm nèn yi bam ntshundà z'a be njù, dù' ze nto'ndà be bwe, boa dù' tse bo yabte ndoṅ bwe bag bag là. Nto'ndà lo be yen dù' bo yabte ndoṅ bwe là ṅam ntat.

Ezékia 40:20

A fi' nzendà bam ntshundà njù nelèn mb'a sage, bo mba bam se be là.

Ezékia 40:23

Ta' nzendà lo be bam ntshundà njù, mbwe nzendà z'a tshù bag tu là bo mbwe nzendà z'a tshù bag ntumnyam nà. A fi' dù' mbu ṅam ntàn nelo num mo' nzendà nèn nkum num mo'.

Ezékia 40:28

A lo' àm nèn yi bam ntshundà ze ntùm bwe, num nzendà z'a tshù mà ntèn nà. A fi' nzendà z'a mà ntèn nà, a tum be mfi' ntshù'.

Ezékia 40:32

A lo' àm ntsho yi ntùm bam ntshundà z'a be bag mbinyam nà, mfi'i, a tum be mfi' ntshù'.

Ezékia 40:44

Bo lo ke ndo num nzendà ntùm bwe, njen nto'ndà ghayobkwi ntùm ntshundà ntùm bwe. Mo' to'ndà na' mb'a num bag nzendà z'a tu là, nke ntshù mà ntèn, mo' be num bag nzendà z'a bag ntumnyam nà, nke ntshù nze tu.

Ezékia 42:3

Nto'ndà ndùb mi a be num ndaṅ ba' ntat là na' mb'a mbwe ntshundà njù, mbwe ntshundà ntùm bwe z'a ghù mbu gham nà.

Nesiaṅe 3:26

Boa nzwe ndù a sage ze nelam ndà mbumte yi boa ndeb nelo' mfa' fa' yi num yen ndà mbumte là.

Nesiaṅe 4:26

Nzwe bam ntshundà mba ze nelo' ndiaṅ ndà yi mbume, mba tômbwôg neghamte Nsi, ndeb netaṅ ju yi boa njoṅ tshundà fa ts'a bwô ndù a be là. Bo nsi fa' njoṅ fa' fa z'a bwô ndù bo fa' num tshen dù' là.

Nesiaṅe 4:32

Ntom z'a be num sag-ba' bam ntshundà là, ntun mube, ntom netshùb tu ba', ndeb, mba njoṅ tshu fa num ndà ts'a bwô ndù a be là, mba ke lo z'a bwô ndù a be num dù' mfa' mub là. Bin nsi la'te ndèn njoṅ tshu fa tse bo nsi ke ndôte bèn ke nket là.