Netume 27:8 - NTSHOB NSI

⁸ O nsi lo' mbag ntshwèn kom i yi, ghù à tshu. A bwô ndù o ghù a num mat ze me na' nda'te wù mfe num mbat là.

Netume 27:8 Iomraidhean Croise

1 Kronika 28:11

David fà netshaṅ lèn ba' ze bo nsi kut là nshum i Salomon: Lèn nzendà, boa mba', nto'ndà junkàb, nto'ndà mi a mfe tù là, nto'ndà mi ntùm ndà bo to'ndà kabte Koṅ.

1 Kronika 28:19

David tshob ndù: Njoṅ i fa, njoṅ bon ntote ntun mi fa, num yen netshaṅ ba' li b'a ndù kua' Tshùaben bèn nkite bu i. Yen nà bèn mfà nesiaṅte me.

Netume 25:40

Ndùlala yen mbèn nèn ngù num mat ze me na' nda'te wù num mbat là.

Netume 25:9

M'a' la't'o mba bo nsi kut dù'ntswe là là boa njoṅ tshu fa ts'a nsi be bwe là. A bwô ndù bin ghù njoṅ i f'a mb'a be là.

Matio 15:9

Bo ke ngamt'àm à banban, nummbe bo ke ntswit'a tshu ts'a b'a nda' ntag benntùn nyiaṅtu là benntùn.

Mfa' Ghantum 7:44

Tà be lo ghù ntàb nzwe kwénta num kônkwa, ndaṅndaṅ mba Nsi na' nte yen nu là, ntshob Mosé ndù a ghù mat mb'a na' njen nà.

Héber 8:5

Tshen ben nà num mfà mfuni mba netshaṅ tshu ts'a be mfe kamànyam nà, be ndaṅndaṅ mba Nsi la'te Mosé, ngelaṅ z'a ke nkô nekut ntàb là. A lo tshob yi ndù: Tshù, ghù njoṅ i fa num mfuni ju ze me na' nda'te wù num mbat là.