Netume 27:2 - NTSHOB NSI

² O nsi ghù ndô mi num ntôg mi nkuà, a b'a ntshù' bo tômbwôge. O nsi lo' tùn meba na lo' yo' i yi.

Netume 27:2 Iomraidhean Croise

1 Fenfen 1:50

Adoniya bwôg Salomon; mba yi ze lo nsi, nèn ntshùb ndô tômbwôg le'te Nsi.

1 Fenfen 2:28

Yen tshô là tam toṅ Yoab z'a na' ntam njam Adoniya, mba mb'a na' mbe ke be ze njam Absalom nà. Yoab kù, nèn ndem ntùm ntàb Tshùaben, ntshùb ndô tômbwôg le'te Nsi.

1 Fenfen 8:64

Mfen tsho' ntshub netèt bam ntshundà z'a na' mbe mbwe ba' Tshùaben nà sen lé'njù là; nummb'a lo ton tshule'te Nsi tse nelon fite yi. Tômbwôg tùn s'a be mbwe Tshùaben nà lo kag neshu mb'a be nzenze tshule'te tse bo ton boa nzit tshule'te Nsi tse nelon fite yi tsho bwe là.

2 Fenfen 16:14

Mbe se' mba tômbwôge tùn s'a ke mbe mbwe Tshùaben nà, a tsho' i num ze dù' mbwe ndà Tshùaben, netèt tômbwôg nswe bo ndà Tshùaben; a kel i nèn nte nze mfe tu tômbwôg nswe.

2 Kronika 4:1

A nabte tômbwôg tùn fôgtab, a ghù mbu gham num njoṅ kum tse fa, ngù mbu ntàn nenèn tù.

Yobkwi 118:27

Tshùaben b'a Nsi, a be nké' num be. Bin taṅ nyàm ze bin zwi là nkù, ndo' i nèn yi mbaṅ tômbwôg le'te Nsi. Bin tshùb tshaten bu bin, ntaṅ nka nèn bwoṅ tà nkum mbaṅ tômbwôg le'te Nsi.

Netume 27:3

O nsi nabte bon ntsi num neke ṅwat bwembwôg yi, ba nsofa', ba ntu', ba ngub boa nkab neton tshu nelamte yi. O nsi lo' à tùn meba nabte njoṅ tshen tshu là fa yi.

Netume 29:12

O nsi lo' lem metshab fot mfô, so ntu bu o bwe yab num ba ndô tômbwôge. Ndùse yen nà tôg là, o fètte tshé' lem tun tômbwôge.

Netume 38:30

Bo lo' ntswe ntom yi num nzendà netsho yi ndà mbumte, mba tômbwôg tùn meba bo ke'te tùn fôgtab boa bon tshu tômbwôge.

Ezékia 43:15

Lagmbwôg lo ghù mbu mbàa nenèn tù, tsemo' ndô kuà be mfe num lagmbwôge.

Lévitiko 16:18

Ndùs'a nsi tum nà, a nsi nèn mbaṅ tômbwôg s'a mbwe Tshùaben nà, tamte fa num sen tômbwôg là. A nsi lo' lem fot mfô bo tse fot mbwe yab num ndô tômbwôge, lo' diaṅ i yi bume.

Lévitiko 4:18

A nsi yab lem num ba ndô tômbwôg s'a be mbwe Tshùaben ntùm ndà mbumte là.

Lévitiko 4:25

Ngafà tshule'te nsi lo' ntu bu i lo' lem nyàm bo zwi num netamte fa yi là yab num ba ndô tômbwôg ba nyàm netone, naṅ tshé' lem num nku tômbwôg ba nyàm netone.

Lévitiko 4:7

Ngafà tshule'te nsi yab lem num ba ndô labinda nelamte tômbwôg s'a be mbwe Tshùaben ntùm ndà mbumte là; a nsi naṅ lem fot mfô fa num nku tômbwôg neton nyàm s'a be ntshundà ndà mbumte là.

Lévitiko 8:15

Mosé wal i, ndo' lem tse, nso ntu bu i bwe, njab num ba ndô tômbwôg ndiaṅ mbume, ndànt'é, ndànt'é ndùlala num netamte fa bwe.

Sakaria 9:15

Tshùaben tàndà ntsho nsi kabte yube; bo nsi tam mbwe, tshùa ntsho num ndoṅ shùmte ghakeban; bo nsi nu, tshu'te mba bo bum ndu' là, bo nsi dun mba ntu' là, mba ntôg tômbwôg le'te Nsi là.

Nesiaṅe 3:31

Tshu tse bo ke ndôte là na' mb'a Koṅ, téblé, lambo, dù' neton tshu, tshundà, nzwe boa tshu nefa' fa' yi.

Héber 6:18

ndùlala ndù a tshùa njam tshu bàa ts'a ke' be bate, ts'a ke' ku'ni netatte num bwe là, mfà kua' ko' nefitentù be tse be na' nkù nde, nke ndiag netshùb nenywinte z'a be mbwe be là.