Netume 27:16 - NTSHOB NSI

¹⁶ Mbe se' mba kab ntshundà là, a bwô a ghù nzwe mbu gham, z'a ba mba tsinkém, z'a be meba, z'a ba nziag là, mbwô nzwe z'a fùag là, a fa' ngakwitte boa ntom tse kuà mba tun tse kuà.

Netume 27:16 Iomraidhean Croise

Yobkwi 45:14

Ngon mfen be nke nzin ntùm ndà à mum nkuni, ndù nzwe i ghù gol num bwe.

Netume 26:31

O nsi ghù kam nzwe z'a ba mba tsinkém, mba nke nziag là, z'a ba nzwe'nzwe' là, mbwô nzwe z'a fùag là. Bo nsi lo' kua' ve vèn ba kérubim yi num bwe.

Netume 26:36

O nsi ghù bo ghù kam nzwe z'a ba mba tsinkém nà ntshu ntàb, z'a ba nziag là, z'a be nzwe'nzwe' là, mbwô nzwe z'a fùag là, ndù bo lo' kua' ve vèn i yi là.

Netume 27:15

tsemo' mbu nzwe sammbàa kam bèn mbe num mo' taṅ i boa ntom tse tat ngù tun tse tat.

Netume 27:17

Bo nsi lo' nkôg nzwe latte njoṅ ntom kab ntshundà yi fa, nkôg nzwe b'a silba, ngub mi nsi b'a silba, tun tse be tùn meba.

Netume 28:39

O nsi lo' à nzwe mebwô tam kum yi, lo' be yi tam tshe' yi, ghù ta' kob se bo vèn nà.

Netume 36:37

Bo nabte nzwe nzendà, ndeb i be nenàfi, mba mbe mba tsinkém nà, mba nziage, nzwe mebwô z'a fùag là. A na' mb'a nzwe ndù bo vèn mebwô.

Netume 39:29

Bo lo' mbwô fùag nzwe ntam nkob yi, vène, ndeb i b'a nenàfi, mba, mba nzwe'nzwe', kua' mba Tshùaben na' ntshob Mosé là.

Nesiaṅe 3:26

Boa nzwe ndù a sage ze nelam ndà mbumte yi boa ndeb nelo' mfa' fa' yi num yen ndà mbumte là.

Ghasa'kame 5:30

Bo ke' yen ntsha' ntsho ké? Bo ke' ghabte ké? Ta' ménngon ke bonngon bàa lo ke' be num ta' mandum ké? Bo ke' yen ntsha' z'a b'a nzwe ṅwa'ṅwa' là num Sisera ké? Nzwe ṅwa'ṅwa', tse bo vèn nà, ta' nzwe ṅwa'ṅwa', nzwe nevèn bàa, num nema' tô ntshùantsho.