Netume 24:4 - NTSHOB NSI

⁴ Mosé kite njoṅ ntshob Tshùaben fa. Njù be làne, Mosé bom tômbwôg tun mbale, nte ndoṅ bwe ntshob bàa gham, num tunndà Israél ntshob bàa gham.

Netume 24:4 Iomraidhean Croise

Neto'te 12:7

Tshùaben se' ntèt Abram ntshob ndù: Me nsi fà yen ngô li nzwil o. A bom tômbwôg le'te Tshùaben bwe, Tshùaben z'a se' ntèl i là.

Neto'te 28:18

Yakob lo nsi mà nkebnjù, ndo' loṅ s'a lo ngù tomte tu yi là, nte tù mba loṅla' là, naṅ mfèt num tu bwe.

Neto'te 28:22

Tshù, mba sen loṅ ni ze me te mba loṅla' là, nsi be ndà o, me bèn ngabte njoṅ tshu ts'o nsi fà me là nze gham, mfà bag i ze ntshù' wù.

Neto'te 31:45

Yakob lo' loṅ, nte i nsi mba loṅla' là.

1 Fenfen 11:30

Ashija tshùb kummbaṅ nswe s'a be num i là, mfagt'é mfé ntshob bàa gham,

1 Fenfen 18:31

A lo' ndoṅ ntshob bàa gham, num njoṅ tunndà nzwit bon Yakob ze Tshùaben na' ntshob ndù Israél nsi be lén sob là.

Esdra 6:17

Bo fà tshu num netsho' yen ba' Nsi là njoṅ ndù: Mfot mfô nkù, nkomnjù nkù bàa, njùmbwe nkù kuà, mbèn mfà mfot mbwe ntshob bàa gham num nelagte nukebwô njoṅ ze tunndà Israél tse ntshob bàa gham be là.

Néhémi 10:1

Tshù ndèn ben tse bo ṅu' tun ṅwa'ni kàn nà li: Néhémi, ngomna, nshum Hakalia.

Netume 17:14

Tshùaben tshob Mosé ndù: Kite yen nu là ntùm ta' ṅwa'ni neke nkwimte, ntshob Yoshua ndù me nsi biagte Amalék, bwete lén se tun bam kamànyam.

Netume 17:15

Mosé bom tômbwôg num lén Tshùaben ntswi lén se ndù: Tshùaben b'a mèn ze me num nte miag num i ngelaṅ ntsho là.

Netume 21:1

Tshù ntshù' mi o nsi fà bo li:

Netume 24:7

A lo' ṅwa'ni kàn s'a wat là, nsiaṅ ngô. Ngô tshob ndù: Mba ke lo ze Tshùaben tshob là bag nsi ze, ke ju'u.

Netume 28:21

Njoṅ i fa nsi b'a ntshob bàa gham, mba ndèn nshumnshum Israél be là. Bo nsi tshebte ba màkwa num men ndoṅ nà, lén ta' tunndà netèt tse ntshob bàa gham be num ta' loṅ.

Netume 34:27

Tshùaben tshob Mosé ndù: Kite men ntshob li; nummbe me nsi tsin num men ntshob là kà wat kàn bag wù mba Israél.

Esaya 19:19

Tshùaben nsi ghù ta' tômbwôg netèt Egipto num yen ngelaṅ nà. Bo bèn mbom ta' ju ndùnsi num lén Tshùaben.

Lévitiko 24:5

O nsi lo' mbab bàn na mbu' tag yi ntshob bàa. Mba sit bu' tag lo be ndù bo ghabte kesoṅ mbab bàn nze gham ndo' nze tse bàa kà nabte yi.

Nesiaṅe 17:2

Tshob ngale'te Eléazar, nshum Aron, ndù a ṅwat nka mbwôge netèt ngwat-mbwôge, nummbe a b'a ju ndù bo fà Nsi, ndù kà mbwôg kù yube.

Lukas 22:30

Bin nsi jù bèn nu num téblé sàm, ntùm nufen sàm; bin nsi tswe num ndiaṅfen, ke tsho'te ntsha tunndà ba Israél ntshob bàa gham.

Galatia 2:9

bo lèn kondèn ze Nsi fà me là; ndùlala Yakobo, Kéfa mba Yohané, tse bo ke ndo' yub mba ntom nà fà tsha'te me mba Barnaba, ndù bag à bo tamte, bag num ghakelèn Nsi, bo num ben tse bo si ket là.

Nebwôgte 31:9

Mosé kite yen ntshù' li, mfà ghale'te, tse nshum Lévi, tse bo ke nket Koṅ Kàn Tshùaben nà, mba ghakwé mbwe fa netèt ba Israél.

Yoshua 4:20

Yoshua tete men ndoṅ ntshob bàa gham nà mi bo ket Yordan nà bwe.

Yoshua 4:5

A tshob bo ndù: Bin tshùa mbwe Koṅ Tshùaben Nsi zin, netèt ntse Yordan, mba we lo netèt bin yab ta' loṅ nkembe' i, num tu tunndà bon Israél ntshob bàa gham;

Apokalipse 21:14

Kumba' ngô lo ghù tseba' ntshob bàa gham, ndèn ntshob bàa gham, ndèn ghantum ntshob bàa gham, ghantum mén njùmbwe be num bo.