Netume 24:3 - NTSHOB NSI

³ Mosé nèn nsoṅ ngô njoṅ ntshob Tshùaben fa boa njoṅ ntshù' mi fa. Ngô tamte mbùnte ntshu ntshù' ndù: Bag nsi ghù mba ke lo ze Tshùaben tshob là.

Netume 24:3 Iomraidhean Croise

2 Kronika 15:14

Bo tshag nze yub tù ntùm ngoṅ tsiaṅte, ntô nta boa mandô, nu ngu ndù bo nsi ke be nenùn mbwe Tshùaben.

2 Kronika 15:15

Njoṅ ba Yuda fa tsiaṅte num yen ngu là, nummbe bo lo nu ngu njoṅ ntù yub fa, ndiag Tshùaben mba bo ku'ni là, tà mfon i; Tshùaben fà fite bo num njoṅ bag tse fa.

Yobkwi 50:5

Bin tse'te ben tshàm tse nenùne, tse bag à bo wat kàn njam jule'te Nsi là.

Netume 19:8

Ngô tamte mbùnte ndù: Bag nsi ze njoṅ ju fa ze Tshùaben tshob là. Mosé fà mbùn ntshob mi ngô fà là Tshùaben.

Netume 24:2

Nda' Mosé bèn ngebte mbaṅ Tshùaben, ke b'a tsemo' benntùn fa. Kà ngô ko' bo yi num mbale.

Netume 24:7

A lo' ṅwa'ni kàn s'a wat là, nsiaṅ ngô. Ngô tshob ndù: Mba ke lo ze Tshùaben tshob là bag nsi ze, ke ju'u.

Yérémia 11:4

se me na' mfà tà tsine, mum lé'njù se me na' nsô yub Egipto, ntùm ndà mbwôg tàlàm nà. Me lo tshob ndù: Bin ju' nz'àm, ngù mba ke lo ze me nsi tshob bin nà, ndùlala ndù bin be yàm nzwit mèn, tu wul àm be Nsi zin.

Yérémia 34:13

Tshù mba Tshùaben, Nsi Israél tshob li: Me lo wat kàn bag à tà tsin lé'njù me na' nsô yub Egipto ndà kuan nà, ntshob bo ndù:

ṄWA'NI AGÉ 2:5

Me ke' à mèn nenùn num kàn se bag bin wat, ndùse bin tum mà Egipto là. Ywèt tshàm be ntswe netèt bin, kà bin bwôg!

Malashi 2:10

Njoṅ ben fa ke b'a bon ta' tà ntshù' ké? A ke b'a ta' Nsi ntshù' bèn mbom be ké? Numke be nke nsobte wut be, be be, nke mfàn kàn tà be à?

Nebwôgte 11:1

O nsi ke kô Tshùaben Nsi o, ke ze ntag mi, ntshù' mi, ntag mi boa nkàn mi njoṅ ndù fa.

Nebwôgte 4:1

Israél, ndonni a bwô bin ju' ntshù' boa nkàn mi me tshwèt ntswite zin yi là. Bin ke nze njoṅ i fa, a tshùa ndùlala bin yôge, ntsho ntùm ngô ze Tshùaben Nsi tà tsin fà bin nà.

Nebwôgte 4:45

Tshù ntage, ntshù' boa nkàn mi Mosé kite bon Israél ndùse bo tum Egipto li:

Nebwôgte 4:5

Tshù, me lo tswite zin ntshù' boa nkàn, mba Tshùaben Nsi àm na' ntshob me là, ndùlala ndù bin ke nze ntùm ngô ze bin nsi tsho bwe a tù' zin nà.

Nebwôgte 5:1

Mosé tsiaṅ ba Israél fa, ntshob bo ndù: Israél, bin ju' ntshù' boa nkàn mi me soṅ zin yi sènni là. Bin zi'te njoṅ i fa kua' mebwô, nke nze njoṅ i fa kua' mebwô.

Nebwôgte 5:31

Là, bag tu wul o nsi tù' nsen ni, me soṅ o njoṅ nkàn màm fa, ntshù' màm boa ntag mi o nsi tswite yub yi là. A bwô ndù bo ze njoṅ i fa ntùm ngô ze me nsi fà bo, a tù' yub là.

Nebwôgte 6:1

Tshù nkàn, ntshù' boa ntag mi Tshùaben Nsi zin tshob ndù bo tswite zin yi, ndù bin ke nze ntùm ngô bin nsi tsho bwe a tù' zin ni.

Yoshua 24:21

Ngô bùnte ndù: Nga, a b'a Tshùaben ze bag kô nefa' yi là.

Yoshua 24:22

Yoshua tshob bo ndù: Bin b'a ghakwénta tu wut tsin ndù bin tsho' a Tshùaben neke mfa' yi. Bo bùnte ndù: Bag be tshag a ghakwénta yen nu là.

Yoshua 24:24

Ngô bùnte Yoshua ndù: Bag nsi fa' Tshùaben nsi yag, ke ju' ntshu i.