Netume 23:2 - NTSHOB NSI

² Kà tam njam bwoṅ benntùn ndùse bo fàn nu là. Kà bam nete ku tu mèn netsin num mba ben yàm b'a mo' njam nà.

Netume 23:2 Iomraidhean Croise

Neto'te 19:4

Ndùse bo be ke yoṅ nô kunndà là, ba ntùm ngô, ba Sodom, neto' num bônke' nkum num ywèn benntùn se', ndiaṅ ba' mbume; njoṅ benntùn fa kù nde nse'e.

Neto'te 6:12

Nsi lôte tsha'a, njen ndù nukebwô dun bwe; nummbe njoṅ benntùn fa lo ghù à be nzin kebwô num nsitsha'a.

Neto'te 7:1

Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

1 Fenfen 19:10

A bùnte ndù: Nkôni z'a dun num àm num Tshùaben tàndà ntsho là b'a ze lànghe'e, nummbe bon Israél ghua' o, nsate ntômbwôg mu, nzwite ghatshob ntshob Nsi tsho ṅwi. Me tù' à nda' tù' me; ndonni bo tshwèt ndiag nelo' tu àm.

ṄWA'NI YOB 31:34

Me lo ke bwôg bwoṅ benntùn, ke bwôg tshabte tunndà yàme. Me lo ke tswe ntshu mi'i, ke bwôg netum la' àm ndùse benntùn tshwèt njen àm nà.

Yobkwi 72:2

Ndù a lo' nunetsin ntsho'te ben tsho yi, ntsho'te tsho ghayennge' ndaṅndaṅ.

Tànkùt 1:15

Nshum àm, kà bam ndù bin à bo tam manze nzine bémte bon manze bo tsin bwe là;

Tànkùt 18:5

A ke' bwô nebe tomte ngatshùagntù ntù' biagte ze nu mèn netsin ntùm kame.

Tànkùt 4:14

Kà tsho num manze ghatshùagntù, ke ke nzin num ze manze ben kebwô.

Yérémia 37:15

Kamkam ya ntù num Yérémia, ndab i, mfùn i ndàtsha ntùm ndà Yonatan ngakite, nummb'a lo ghù ndàtsha ntùm bwe.

Yérémia 37:21

Mfen Sédékia tshob ndù bo lé' Yérémia ntshundà ndàtsha, nke mfà tag z'a fe num ta' nze ghaka tag là yi mba sit lé'njù lo. Bo nke ngù ndùlala njoṅ ngelaṅ fa ze tag ke' tusô là. Ndùlala Yérémia tswe ntshundà ndàtsha.

Yérémia 38:9

Mfen àm, wù tshùaben àm, tshen ben ni ghù à kebwô, mba bo fa' num ngatshob ntshob Nsi Yérémia ndù, ma' i ntùm tôntse là. A nsi kwù nziku' dù' z'a be là, nummbe tag ke' bèn mbe tusô.

Ezékia 9:9

A bùnte me ndù: Mfànnu tunndà Israél bo tunndà Yuda yàm nga' mbu; nezwite benntùn dun ntùm ngô, mfànnu dun ntùm bwe, nummbe bo be ntshob ndù: Tshùaben tum ntùm ngô, Tshùaben ke tshwèt mbèn njen sàm ju.

Lévitiko 19:15

O ke nsi fàn nu ntùm tsho nesa' kame. Kà lôte mba mbwoṅ be yi là, ke kabte mèn ndùb, là o nsi sa' kam mèn a ghebte mbaṅ o l'a ntùm netsine.

ṄWA'NI AGÉ 1:4

Ndù a b'a ngelaṅ ni netswe ntùm ndà tsin tse bin nabte mebwô là, ndùse yen ndà li bo sate tù' fam nà ké?

Marko 15:15

Pilato be ndiag ndù ntù bwoṅ benntùn bwô, nsô Baraba, mfà bo; ngù bo lab Yésu nshua'a, a fà i ndù bo kwimt'é num fanta'tù.

Lukas 23:51

Ndù a lo ke bam tse nu ze bo na' nkutte, ke nu ze bo na' ngù num Yésu là lo. A na' mb'a ze Arimatia ngô ba Yuda; mba tu wul i lo ke mbéb nufen Nsi.

Mfa' Ghantum 24:27

Ngu'njù bàa lo be tshùa, Pôrkiô Fèstô jù ndà Félix, là Félix faṅ Paulo ndàtsha, nummbe a lo ke ndiag nebe mèn mebwô mbwe ba Yuda.

Mfa' Ghantum 25:9

Fèstô z'a ke ndiag nebe mèn mebwô mbwe ba Yuda là tshob Paulo ndù: O kô neko' nèn Yérusalém bo tsho't'o num tshen nu li bwe mbwe àm ké?

Roma 1:32

bo tse bo lèn ntshù' Nsi mi a tshob ndù ghaghù lèn tshen tshu là ku'ni nekwù là, bo tshwèt ngù tshen tshu là, ke b'a nda' ndùlala, là bo tshwèt nyàmte ben tse bo tshwèt ngù tshen tshu là là.

Nebwôgte 1:17

Kà bin lôte mba mèn be là ndùse bin tshwèt ntsho'te ntsha là. Bin ju' ze nze mônke' mba ze ndùb là; kà bin bwôg sàm mènntùn, nummbe netsho'te fe a Nsi. A be ze bin yen ndù mo' nu ta neshu là, mb'a bwô ndù bin lo' nse' yi mbwe àm me ju'u.

Nebwôgte 16:19

A ke' bwô nete ku tu nunetsine, ke ke mfi' benntùn; kà ke nkwé nda', nummbe nda' num nkag fù miag ghazenu, nke nte ku tu ben netsine.

Nebwôgte 24:17

Kà te ku num ju ze ngùn bo ménntse ghù ntsha bwe là, ke bèn nkwé nzwe mfôg mènnzwi num tshwèt.

Yoshua 24:15

Là, sènni a bwô bin tsho' mèn ze bin kô neke mfa' yi là, a be ze neke mfa' Tshùaben bag zin nà: K'a b'a nsi tse tà tsin ke mfa' bo yoṅ ta'ntse, k'a b'a nsi ba Amor tse bin tshwèt ntswe ntùm ngô yub lo. Bin yôg ndèn ndù me bag tunndà àm nsi ke fa' yag à Tshùaben.

1 Samuél 15:24

Ndùlala Saulo tshob ndù: Me ghù nukebwô; me fàn nu ze Tshùaben tshob là, ngwù num ntag mi. Me lo bwôg ngô tà nju' ntshu i.

1 Samuél 15:9

Là Saulo boa ben tse ke zwi Agag, ba mbwe mebwô, ba nyàmna' mebwô boa bon nyàm mebwô, njùmbwe ts'a tshote là, tshu ts'a bwô là; bo ke kô netam bu' bwe. Bo tam bu' nda' num tshu ts'a ke' bwô, njum nà.