Netume 23:1 - NTSHOB NSI

¹ O ke nsi be ngasoṅ mfi tatte; kà tomte ngatshùagntù ntùm kwénta tatte.

Netume 23:1 Iomraidhean Croise

Neto'te 39:17

Ndùlala, a tshob Potifar ndù: Nkuan, mén Héber z'o lo' nse' yi bag là, lo nse' mbaṅ àm, nenyiaṅte njam nku màm.

2 Samuél 16:3

Mfen bètte ndù: Mefiboshet mén nshum tàfa' o Saulo b'a yà? Tsiba bùnte mfen ndù: tshù, a ghô Yérusalém nke ntshob ndù: Tunndà Israél nsi ba' nufen tàa me sènni.

2 Samuél 19:27

A bùnte ndù: Tshùaben mfen àm, ngafa' àm lo fùt'àm, nummbe ngafa' o me, ze me b'a nke'kèt là lo tshob ngafa' àm ndù a nabte yàm kekwèn me ko' num bwe nèn bag mfen k'a nga tse.

Yobkwi 101:5

Mèn z'a be ngù ndàm num mèn z'a ghebte mbaṅ i njam tsham nà, me nsi biagt'é. Me ke nsi fènte mèn z'a ghù ntshù ka'te mba ntù ko'tewut là.

Yobkwi 120:3

Tshùaben nsi lo' à ke junte nkàn mfe tatte yi lém fùt'à?

Yobkwi 15:3

A ke' be lo' lém se ntshob tatte yi. A ke' be ghù nukebwô mfuni mi, ke be ma' tuswe num mèn z'a ghebte mbaṅ i là.

Yobkwi 27:12

Kà fà à mba ghakeban tshàm tshwèt nkwate là. Nummbe ghakwénta tse tatte lo nsi num àm, ben tse bo ke nse' à be nefètte lem nà,

Yobkwi 35:11

Ghakwénta tse tatte lo nsi, nke mbètt'àm nu num ju ze me ke' lèn nà.

Netume 20:16

Kà ghù kwénta tatte num mfèl o.

Netume 23:7

Ghom wul o num ntshob tatte. Kà keb ntsha ndù bo zwi mbu' ke mèn netsin no, nummbe me ke nsi lagte ngafànnu.

Tànkùt 10:18

Mèn z'a be nkabte nkembàn ntù i là b'a ngamfùm, mèn z'a be ndo' ndàm ṅam la' yi là be kagni.

Tànkùt 12:17

Ngatshob nenùn be ntshob nunetsine, ngakwénta tatte nke ntshob fùte.

Tànkùt 14:5

Ngakwénta ze nenùn ke' be tatte, là ngakwénta tatte num ntshob tatte.

Tànkùt 17:4

Ngatshùagntù be nkù' ntoṅ num nkub ntshu kebwô, ngatatte nke nkù' ntoṅ num lém kebwô.

Tànkùt 19:28

Ngakwénta kebwô be ntshabte nunetsine; ntshu ghatshùagntù ke mi nukebwô à nemi.

Tànkùt 19:5

Ngakwénta tatte ke nsi tum bwe banban, ngatshob tatte ke nsi yôg bwe.

Tànkùt 19:9

Ngakwénta tatte ke nsi tum bwe banban, ngatshob tatte nsi tsiag bwe kwù.

Tànkùt 21:28

Ngakwénta tatte nsi kwù, là mènntùn z'a be nju' là nsi tshob nu njoṅ ndù fa.

Tànkùt 24:28

Kà ghù fùag kwénta num mfèl o; o ke ndiag à nefùte num nkub ntshu mu ké?

Tànkùt 25:18

Mènntùn z'a num ngù nkwénta tatte num mfèl i là b'a mba ta' zwit là, mba ta' ṅwi là, mba ta' két s'a béte là.

Tànkùt 25:23

Fetmbaṅ z'a swe' tu là num mfà mbaṅ, lém nga ndàm num ngù se benntùn tam njame.

Tànkùt 6:19

Nkwénta mfùm z'a be ntshob tatte là, bo mèn z'a be ntènte ntanta netèt fètfèt là.

Yérémia 20:10

Nummbe me be nju' nkwate kebwô benntùn yàme, fétwut z'a diaṅ dù' mbum nà, bo nke tshob ndù: Bin bot'é, bag bin nsi bot'é! Njoṅ benntùn fa tse bag à bo na' mbe ntshu ntshù' là tshwèt ndôte mbe ze me vù nsi là; nke ntshob ndù: A be z'a faṅ bo fùt'é là, mba bag nsi kab mbu num i, yagte mba' num i.

Lévitiko 19:11

Bin ke nsi yi, ke ke ntshob tatte ke mfùm no netèt bin, bin bin.

Lévitiko 19:16

O ke nsi ke sa ndàm netèt yu nzwit mèn. O ke nsi nya' tu mèn z'a ghebte mbaṅ o là. Me b'a Tshùaben.

Matio 19:18

Là Yésu tshob ndù: Kà zwi mèn, kà ghù màndà, kà yi tshô, kà kwé nta tatte.

Lukas 19:8

Sakiô tsin tù, ntshob mbwe Tshùaben ndù: Tà, tshù, me nsi fà mo' bag tshu tshàm bwoṅbwoṅ; a be ze me na' nkubte mèn nkwé ju yi là, mba m'a' ba' yi nze tse kuà.

Lukas 3:14

mba ba soyé bètt'é yub ndù: Ke z'a bwô ndù bag ghù yag à? A tshob bo ndù: Kà bin ghùtni mènntùn nkwé ju i ntùm kubte, bin tsiaṅte num nkàbfa' zin.

Yohané 7:51

Ntshù' be be naṅ ntsha tu mèn ke be ndù be bwôgmbwe ntsho't'é, nju'u, mbèn ndèn ju z'a ghù là ké?

Roma 3:8

Ndùlala numke be ke ghù nukebwô ndù numebwô tum bwe à? A b'a ju ze ghatshabte be be ntshob ndù be tshob là. Tshen ben nà ku'ni ghavù ntsha.

Efésô 4:25

Ndùlala, bin faṅ tatte, mba we lo ke ntshob nenùn mèn z'a ghebte mbaṅ i là, nummbe bag à bin b'a nkam wut, be be.

Nebwôgte 5:20

Kà ghù kwénta tatte num mfèl o.

2 Timôtio 3:3

ghakeghù nkôni, ghakelé' kàn, ghakag fagte ghakeghom wut tshobe, tshùagkèt benntùn, ghakekô numebwô,

1 Pétro 3:16

là ntùm fite mba nebwôge, ngù nzentù mebwô, ndù tuswe ko ben tse bo num ntshabte zine, nke ntete nu num nzin min mi mebwô num Kristô là.

Apokalipse 12:10

Me ju' mo' nze neta tum mfe kamànyam, ntshob ndù: Ndonni, yôg, neta, mba nufen b'a tse Nsi yag, ngù' be ze Kristô i, nummbe bo ma' ngabote fèt tshag nsi, mèn z'a ke mbote yub mbwe Nsi yag mbwôgtshù mba tèttswe' là.