Netume 21:1 - NTSHOB NSI

¹ Tshù ntshù' mi o nsi fà bo li:

Netume 21:1 Iomraidhean Croise

1 Fenfen 6:12

Mb'o kut yen ba' li là, a be z'o ke nzin mb'a be ntùm ntshù' màm, a be z'o tshùb nkàn màm, a be z'o ze ntag màm nà, mba me nsi zwiagte nka'ni mi me na' ngù tàan David là num o.

2 Kronika 19:10

Num njoṅ ntanta tse fèt tsin se' yi mbwe bin, ndù bo tum à ntùm mub ntusô là, bin lànte miag mube; ndùlala ndù kà fèt tsin be ghafànnu mbwe Tshùaben, nkamte yantù i num bin mba num yub tu. Tshen ntanta là ghù nekwag nu num nezwi mèn, ta' ntshù', ta' kàn, ba ntag boa nkàn. A mb'a bwô ndù bin ke ngù là. A nsi tshùa ndùlala bin ke tum ghafànnu.

Néhémi 10:29

tamte num fèt tshob tse bo be kum benntùn netèt bo là. Bo tamte nkàn mfe, nu ngu ndù bo a' ke nzin à ntùm ntshù' mi Nsi na' mfà ngafa' i Mosé là, nke ntshùb mbèn nze njoṅ nkàn Tshùaben, Tshùaben be fa, ntag mi boa ntshù' mi.

Yobkwi 147:19

A lo la'te ntshob mi Yakob, nda'te ntshù' mi mba nkàn mi Israél;

Netume 19:7

Mosé bèn njam, ntsiaṅ ywèn benntùn ntùm ngô ntshob men ntshob mi Tshùaben na' ntshob yi là bo.

Ezékia 20:11

Me lo fà nkàn màm bo, nda'te ntshù' màm mi a bwô bo ke nze, kà njôg là.

Ezékia 20:25

Me lo bèn mfà mba ntshù' mi a be mi kebwô là bo, mfà nkàn mi b'a ke yôg yub là bo.

Lévitiko 18:26

Ndùlala bin nsi ze ntshù' màm boa nkàn màm, ke bagte wut tsin ntùm sàm ta' lèn tshen tshùaya'nu là, ke bin bon la' ke ngùn z'a be netèt bin no.

Lévitiko 18:5

Bin ke nze ntag màm boa ntshù' màm. Mèn z'a ke nze men ntag màm boa ntshù' màm nà nsi tshùa njam bwe yôge. Me b'a Tshùaben.

Lévitiko 19:37

Bin nsi ze njoṅ ntshù' màm fa boa njoṅ nkàn màm fa, ketshùb njoṅ i fa kua' mebwô. Me b'a Tshùaben.

Lévitiko 20:22

Bin nsi tshùb ntshù' màm boa njoṅ ntag màm fa; bin nsi ke ze njoṅ i fa, ndùlala ndù ngô me nsi te zin bwe là lem zine, ke ywi' zine.

Nesiaṅe 35:24

mba ntse'te benntùn nsi tshùa num tshen nu tse bo yab là, nkeb ntsha netèt ngazwi mèn bo ngayagte mba'a.

Nesiaṅe 36:13

Tshù tshu netete mba ntshù' tse Tshùaben na' ntshùa njam Mosé nkàn bon Israél yi ngelaṅ ze bo na' mbe tômbo' Moab, nkaṅntse Yordan neghebte tu ngô Yériko là.

Matio 28:20

bin tswite yub neze njoṅ tshu fa tse me na' ntshob bin nà. Tshù, bag à bin bèn ke be njoṅ lé'njù fa, tà kum miagte njù.

Nebwôgte 15:12

A be ze mfèl o mén Héber, mandum ke mènnzwi lo swèn wul i wù là, mb'a bwô ndù a fa' wù ngu'njù ntôge, là a be mbatte ngu'njù sammbàa, o kag i a tum la' o.

Nebwôgte 4:14

Num yen ngelaṅ nà Tshùaben tshob me ndù me tswite zin ntshù' boa nkàn, ndùlala ndù bin tsho nke nze ntùm ngô ze bin nsi tsho bwe a tù' zin nà.

Nebwôgte 4:45

Tshù ntage, ntshù' boa nkàn mi Mosé kite bon Israél ndùse bo tum Egipto li:

Nebwôgte 4:5

Tshù, me lo tswite zin ntshù' boa nkàn, mba Tshùaben Nsi àm na' ntshob me là, ndùlala ndù bin ke nze ntùm ngô ze bin nsi tsho bwe a tù' zin nà.

Nebwôgte 4:8

A kua' zit nzwit mèn ndùb z'a ghù ntshù' boa nkàn netsin mba yen ntshù' li ze me tshwèt nda'te bin sènni l'à?

Nebwôgte 5:1

Mosé tsiaṅ ba Israél fa, ntshob bo ndù: Israél, bin ju' ntshù' boa nkàn mi me soṅ zin yi sènni là. Bin zi'te njoṅ i fa kua' mebwô, nke nze njoṅ i fa kua' mebwô.

Nebwôgte 5:31

Là, bag tu wul o nsi tù' nsen ni, me soṅ o njoṅ nkàn màm fa, ntshù' màm boa ntag mi o nsi tswite yub yi là. A bwô ndù bo ze njoṅ i fa ntùm ngô ze me nsi fà bo, a tù' yub là.

Nebwôgte 6:1

Tshù nkàn, ntshù' boa ntag mi Tshùaben Nsi zin tshob ndù bo tswite zin yi, ndù bin ke nze ntùm ngô bin nsi tsho bwe a tù' zin ni.

Nebwôgte 6:20

A be z'a be mo' lé'njù nshum o bètt'o ndù: Men ntage, men ntshù' boa men nkàn mi Tshùaben Nsi be kite bin nà bagt'a ndùke là, mb'o nsi bùnte yi ndù:

1 Tésalônikà 4:1

Fèt tshag, ndonni bag le'te zine, ntsiaṅ zin num lén Tshùaben Yésu: Me lo tswite zin mb'a bwô ndù bin zine, kà mbwô Nsi là, a ndaṅndaṅ mba bin tshwèt nzin nà, bin ghù ntshùate.