Netume 20:3 - NTSHOB NSI

³ Kà ghù tsemo' nsi mbwe àm.

Netume 20:3 Iomraidhean Croise

1 Fenfen 11:4

Ngelaṅ ze Salomon ywèn nà, zwi tse kaṅ ntù i nso num tsemo' nsi ghua; ntù i ke bèn mbe num Tshùaben Nsi i fafa, mba ntù tàab David na' mbe num Nsi là.

Yobkwi 29:2

Bin ghamte Tshùaben mfà ghamte num lén se. Bin vù nsi mbwe Tshùaben ngelaṅ z'a ṅwag ntùm nelàn i là.

Yobkwi 73:25

We ze be me ghù mfe kamànyam k'a ke nda' wù à? Me ke' kô sàm ju num nsitsha'a, k'a ke nda' wù.

Yobkwi 81:10

A ke' bwô ndù nsi ba ghùn be netèt bin! Kà vù nsi mbwe tse nsi ba ghùn!

Yobkwi 81:9

Yàm nzwit mèn, ju' àm, me nsi tshob nu bin. O Israél, a lo mbe ndù be bin ju' àm!

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Netume 20:23

A ndùlala be bin ke lo' àm mba nsi ze bo lo' à silba nabt'é yi là, ke ze gol lo. Kà bin nabte lèn tshen nsi là.

Netume 22:19

Mèn nô bo' mo' nsi ghua, ke b'a Tshùaben, mb'a bwô ndù bo tam ng'é.

Netume 23:24

O ke nsi ghamte tshen nsi, ke fa' bo, ke fi'te tshen ngôngô là num sàm ju. L'a bwô ndù o sate tshob nsi, mbe'te mub ndoṅla' fa.

Netume 32:8

Bo nànte nkag manze ze me na' ntswite bo là. Bo nabte mfô tùne, ngwù nsi mbwe i, mfà tshule'te yi nke ntshob ndù: Israél, tshù nsi o z'a sô o mà Egipto li.

Netume 34:14

O ke nsi te nkekwi' mu mbwe mo' nsi nummbe lén Tshùaben b'a ndànghe'e, a b'a ta' Nsi z'a num ndàn ghe' là.

Esaya 26:4

Bin yab ntù num Tshùaben matmat. Nummbe Tshùaben, kua' yi b'a gholoṅ s'a tswe ngu'ngu' là.

Esaya 42:8

Me b'a Tshùaben, tshù lén sàm nà. Me ke nsi fà yàm ghamte mo' mèn, ke fà yàm nku'ni ba neto.

Esaya 43:10

Yen tshob ndù: Bin b'a tshàm ghakwénta, bin mba ngafa' àm ze me na' ntsho' i là, ndùlala ndù bin lène, mbam mbèn nju' ndù a b'a me. Mo' nsi lo ke bwôg be me, mbe ndù mo' ke nsi bèn tum njam àm.

Esaya 44:8

Kà bin bwôg, kà tu zin tshu'. Me lo ke yà ntshob bin, me lo ke yà soṅ zin tà mbwe ké? Bin b'a tshàm ghakwénta. Mo' nsi ke' bèn mbe mba me là. Mo' gholoṅ bèn mbe bwe k'a ke nda' me ké?

Esaya 46:9

Bin kwimte tshu ts'a tôg mbwembwe là; nummbe me b'a Nsi, ndù mo' ke' bèn mbe. Me b'a Nsi, ndù mfuni màm ke bwe.

Yérémia 25:6

Kà bin tam njam tsemo' nsi, nke ngwù mbwe bo, mba neke mfa' bo. Kà bin nekamte yantù àm njam neto ts'a b'a mfa' mbu min nà. Me nsi lo nsi a bag num bin.

Yérémia 35:15

Me lo tum ghafa' tshàm, ba ghatshob ntshob Nsi, me lo tum yub fe nkebnjù netshob bin ndù mba we lo netèt bin kag manze kebwô; bin lôte nu num ngùninu mine; kà bin tam njam tsemo' nsi neke mfa' bo. Bin ghù ndùlala mba bin nsi tswe ntùm ngô ze me na' mfà bin, mba tà tsin nà. Là bin lo ke kù' ntoṅ num yen nu là, ke ju' nz'àm.

Yérémia 7:9

Ndùlala ké! Neyi, nezwi mèn, neghù màndà, nenu ngu ntatte, nefà ju nelamte Baal, netam njam tsemo' nsi, tse bin ke' lèn yub là!

Daniel 3:18

A be z'a ke' ghù ndùlala là, mfen lèn ndù be bag ke fa' tsho nsi, ke bèn nzi mfa' tshag neto gol z'o te tù là. Be bag ke ghamte yube.

ṄWA'NI OSÉ 13:4

Tu wul àm, me b'a Tshùaben, Nsi o, fe mà Egipto. A ke nda' me o ke' lèn mo' Nsi, ngayôg ke mo' dù' ghua k'a ke nda' me.

Matio 4:10

Yésu tshob yi ndù: Satan, lo njam àm, nène! Nummbe bo lo kite ndù: O nsi ke vù nsi, ghamte Tshùaben Nsi o, ke fa' fa' be nda' yi tù' i.

1 Korintô 8:4

Ndùlala, mbe se' mba nefèt mbàb tse bo lo' ngamte nsi neto yi là, bag à bin lèn ndù nsi neto ke' be ntùm njù, mba ndù mo' Nsi ke' be ntùm njù k'a ke nda' Nsi tù' i.

1 Korintô 8:6

bag à bin ghù à nda' ta' Tshùaben, Yésu Kristô, ze njoṅ tshu fa b'a njam i, tu wut be bèn mbe njam i là.

Efésô 5:5

Bin lèn mebwô ndù njoṅ kattù fa, njoṅ yôg ṅu' fa, ke njoṅ ghaze'te fa lo, bo b'a ghaghamte nsi neto; ke ghù yub bag i ntùm nufen Kristô mba Nsi.

Nebwôgte 5:7

Kà ghù tsemo' nsi mbwe àm.

Nebwôgte 6:14

Bin ke nsi nèn mbaṅ tsemo' nsi, netèt nsi ntumntum tse bo lam zin mbum nà;

Nebwôgte 6:5

O nsi ke kô Tshùaben Nsi o njoṅ ntù o fa, njoṅ zwiag so fa mba njoṅ yu neta fa.

Filipi 3:19

yub miagt'é b'a nebi, yub Nsi b'a bam sobe, ghamte yub be ntùm ju tuswe yube, bo ke nkwat'a tshu nsitsha'a.

Kolosé 2:18

Kà sàm mèn yi nda' zin, mb'a kô nefà wut nsi mba neghamte ba Angél, ntsho ntùm tshu ts'a yen nà, nke nko'te wut banban num zenu mbàb wul i là.

Apokalipse 19:10

Me vù nsi num nku mi, num neghamt'é, a tshob me ndù: Bàm nà, me b'a nshun fa' o, mba ze fèt tsho tse bo ghù kwénta Yésu là; ghamte Nsi. Nummbe kwénta b'a Ywèt ntshob ghatshob ntshob Nsi.

Apokalipse 22:9

A tshob me ndù: Bàm nà, kà ghù. Me b'a nshun fa' o mba ze fèt tsho ghatshob ntshob Nsi mba ben tse bo num ndé' ntshob yen ṅwa'ni li là. Ghamte Nsi!

Ghasa'kame 6:10

Me lo tshob bin ndù me b'a Tshùaben Nsi zin, ntshob ndù kà bin bwôg tse nsi ba Amor tse bin tshwèt ntswe netèt bo là. Là, bin lo ke ju'ntshu àm.