Netume 2:3 - NTSHOB NSI

³ Mb'a na' mbe ke bèn nku'ni nelem i là, a lo' ketswe', ndo' zin ṅab yi bo nyiaṅ ṅwa'a, nket mén nte ntùm bwe, nèn nte ntùm nka'nesoṅ nkaṅ ta'ntse Nil.

Netume 2:3 Iomraidhean Croise

Neto'te 11:3

Bo tshob bo bo ndù: Be bom tsha'a, nton i ntùm mbwôge! Bo lo' tsha' nebom mba ndoṅ nà, ndo' zin mba netob neyabte ba' yi là.

Neto'te 14:10

Ntô zin lo be njoṅ dù' fa mà tômbo' Sidim; mfen Sodom bo mfen Gomora kù, ngwù ntùm bwe, tshé' tse kù nèn num mbale.

Neto'te 6:14

Lo' ntshwèn tù s'a ta là nkom sitima yi. O nsi kebt'é nto'nto' lo' zin diaṅ i yi njam ntùm bwe mba njam njù.

Netume 1:22

Faraon tshob ze ngô ndù: Bin ma' mba zit mén mandum no bo nsi bwe netèt ba Héber là ntùm ta'ntse Nil, là, mfaṅ bon bènnzwi ntùn.

Esaya 18:2

O be ntshag ghantum num dibantse, ntùm nsitima bo lo' nkewakob nabte yi, a nke nda num ntse là! O be ntshob bo ndù: Ghantum tse wut tshob fùag, bin nèn mbaṅ neta ngô, ngô ngù', mbaṅ nduku ngô là z'a b'a mb'a be fe mb'a be ze là. A b'a neta ngô, ndù a num ntô tsemo'o. Nta'ntse kebte yen ngô là.

Esaya 19:6

Ntse mi a ntùm bontsit ntse là nsi b'a mi kebwô, nku ntse mi a be Egipto là kôge, njume. Ba nkewakob boa nka'nesoṅ nsi labe.

Esaya 35:7

Tsha' ts'a kù là nsi tù' diaṅnkat ntse, tsha' ts'a ghag là tù' ntôntse. Ngab ze ba mbù tshwèt ke ntswe bwe là nsi tù' nà nka'nesoṅ boa nkewakob.

Matio 2:13

Ngelaṅ ze bo nèn nà, mo' Angél Tshùaben ṅwag Yosèf ntùm njem, ntshob ndù: Lo tù, ndo' mén mba màab nkù nèn Egipto, ntswe bwe tà nkum ngelaṅ me nsi tshob wù là; nummbe Hèrodé tshwèt ndiag mén nà nezwi i.

Matio 2:16

Là Hèrodé be yen ndù ghalèn nsa fùt'é, nja ntù neshu; ntum benntùn ndù bo nèn nzwite njoṅ bonfi fa tse bo be Bétléhém mba ntùm dù' ts'a ghebte mbaṅ Bétléhém nà, nto' num tse bo ghù ngu' bàa mba tse bo ke' ghù ngu' bàa là, ndaṅndaṅ mba ghalèn nsa soṅ i ngelaṅ nà.

Mfa' Ghantum 7:19

Yen mfen nà lo' nkùnkù ntsho nzwit be yi, ngùtni ba tà be ngù bo nke ngua' bonfi, ntshètte yub ndù kà bo yôg.