Netume 19:4 - NTSHOB NSI

⁴ Tu wut tsin lo yen ju ze me ghù Egipto là, njen mba me na' nket zin num mbàb ghammàtat, ngù kà bin se' nkum mbaṅ àm nà.

Netume 19:4 Iomraidhean Croise

Esaya 40:31

Là, ben tse bo yab ntù num Tshùaben nà tshwèt njen neta yub nkwi'te. Bo tshwèt mfùt mba ghammàtat là; bo be nkù nde ke bot, nke nzine, neta ke bwoṅ bo.

Esaya 63:9

Bo lo ke bwoṅ ywimte ntùm njoṅ nge' tshob fa, nummbe Angél z'a ke mbe mbwe i là lo yôg yube. Ze tu wut lo tshu' yub ntùm nkôni i bo kondèn i. A lo ke ntomte yube, nke nket yub ke faṅ sàm ngelaṅ, ntùm lé'njù ts'a na' ntôg là.

ṄWA'NI OSÉ 11:1

Ndùse nshum àm Israél na' nke' nguanmèn nà, me nke nkô i. Me lo tsiaṅ i, ndo' i ntum yi mà Egipto.

ṄWA'NI AGÉ 2:5

Me ke' à mèn nenùn num kàn se bag bin wat, ndùse bin tum mà Egipto là. Ywèt tshàm be ntswe netèt bin, kà bin bwôg!

Malashi 2:10

Njoṅ ben fa ke b'a bon ta' tà ntshù' ké? A ke b'a ta' Nsi ntshù' bèn mbom be ké? Numke be nke nsobte wut be, be be, nke mfàn kàn tà be à?

Nebwôgte 1:30

Tshùaben Nsi zin z'a num nzin mbwe bin nà nsi ma' ntsho ze tu wut num tu bin, kua' mb'a na' ngù njoṅ i fa num miag min Egipto,

Nebwôgte 1:31

mba kônkwa là. A bwe là z'o na' njen Tshùaben Nsi o kel o mba mèn be nket nshum i là me Israél. A lo ghù ndùlala num manze fa ze bin zin bwe tà nse' nkum nsen ni là.

Nebwôgte 29:1

Mosé tsiaṅ ba Israél fa, ntshob bo ndù: Bin lo yen njoṅ i fa ze Tshùaben na' ngù num miag min nà. A na' ngù a ntùm ngô Egipto, num Faraon, kamkam tse fa mba njoṅ ngô i fa.

Nebwôgte 29:2

O lo yen tshen nsa ndùb là, tshen nu netshàm nà ts'a tshùa njam laṅte ndùbndùb ngù là.

Nebwôgte 4:9

Israél, nda' ndù zete num tu wul o, nzete kua' mebwô num ntù o njoṅ lé'njù fa ts'o ke' ntùn nà, mbwôg ndù k'o lag tshu tse miag mo yen nà, mba ndù kà tshen tshu là tum tu o; zi'te bon tsho boa bon bon tsho yi.

Yoshua 23:3

Bin lo yen mba ke lo ze Nsi zin na' ngù njoṅ tshen ngôngô li mbwe bin nà. Tshùaben Nsi zin na' mbèn nde' ntsho num zin tu mba bin lèn nà.

Apokalipse 12:14

Bo fà mbàb ghammàtat ndùb mbàa mènnzwi, ndù a fùt nèn kônkwa, dù' ze bo kém i mo' ngelaṅ, ba ngelaṅ, kam ngelaṅ; ngùanesà num miag nyu là.