Netume 16:3 - NTSHOB NSI

³ Bon Israél tshob bo ndù: Bu Tshùaben na' mbe ke zwite yag ntùm ngô Egipto, ndùse bag na' ntswete mbaṅ nkab mbàb, nke njù njwèt là numke? Bin lo lo' yag nse' yi num yen kônkwa li ndù njoṅ yen bwoṅ benntùn ni kwùte.

Netume 16:3 Iomraidhean Croise

ṄWA'NI YOB 3:1

Ndùlala Yob gha' ntshu i, nso ndon num lé'njù se bo bwe i là.

ṄWA'NI YOB 3:10

Nummbe yen tèttswe' là lo ke fùn bam s'a lèl àm nà, ke bèn nsô nge' num miag màm.

ṄWA'NI YOB 3:20

Numke Nsi njôg mfà nelàn ghayennge', yôg be ben tse ntù yub dun zwe l'à?

Yobkwi 107:5

nziku' ya yube, ntù yub kù, bo ju' ntùm wut tshob ndù ntù yub yub.

Yobkwi 78:19

Bo tshob nu mban Nsi yi, ntshob ndù: Be Nsi te téblé num kônkwa ké?

Yobkwi 78:25

Njoṅ yub fa jù bàn ben ndùbndùb. A tum jujù bo njoṅ z'a ku' num bo là.

Netume 14:11

Bo tshob Mosé ndù: A na' nsag à mfi Egipto ké k'o ndo' yag nse' yi kônkwa ndù bag kwùte nsen ni à? Ke z'o ghù bag ndù à? O na' nsô yag Egipto numke?

Netume 17:3

Nzi ntse ya ngô bwe, bo tshobte tun ntô num Mosé ntshob ndù: O na' ngù bag ko' mà Egipto a numke? Neghù ndù bag bon tshàm kwù nzi ntse nsen ni mba nyàm tshàm ké?

Netume 2:23

Ngelaṅ yàm lo be tôge, mfen Egipto kwù. Bon Israél tse bo ke nke' ntsham zwe ntùm ndà kuan nà, tshag nze yub tù nkua' mà ndà kuan, nze yub nèn tà kum mbaṅ Nsi.

Netume 5:21

ntshob bo ndù: A bwô ndù Tshùaben lôte njoṅ nu fa mbèn ntù' ngatsho'te. A tshùa num tu bin, Faraon boa ghafa' tse ke bèn nekô neyen yage; bin fà ṅwi bu bo ndù bo zwite yag yi.

Yérémia 2:6

Bo ke' bètte tu wut yub ndù: Tshùaben b'a yà? A yi na' ndo' yag nko' yi Egipto, ndo' yag nzin yi kônkwa, num tsha' njum, ze ntô yàm bwe là. Num tsha' ts'a ghage, tse netshaṅ vùkob be bwe là, num tsha' dù' ze sàm mèn ke' be tshùa bwe, sàm mènntùn ke be tswe bwe là.

Yérémia 42:14

Bag ke nsi tswe ntùm yen ngô li, nga bag nsi nèn Egipto, dù' bag ke nsi yen ntsho, dù' bag ke nsi ju' nze nta ntsho, dù' bag ke nsi bwoṅ jujù, tswe à kua' yen dù' là là,

Yérémia 44:17

Là bag nsi ghù a ju z'a tum ntshu bag là: Nefà tshu nelamte màbwengub kamànyam, ma' ba ndu' yi, mba bag na' ngù bag à tà tshage, fenfen tshag boa kamkam tshag ntùm ntusô Yuda mba num manze ts'a Yérusalém nà. Bag lo ghù bàn kua' yàme; bag lo b'a ntùm fu', ke lèn tshag ju ze bo tsiaṅ nge' là.

Nsindàvù 4:9

Ben tse bo kwù ṅwi là b'a ghafen, ntshùa tse nziku' nsi bèn zwi yub là. Bo mit'a be nda'nda' num tsha' ke fà ntàme.

Nesiaṅe 11:15

A bwô nezwi àm yoṅ ntshù' ntshùa neghù num àm ndùlala. A be ze me b'a ngafen mbwe o là, o ghù me ndùlala, ntshùa neghù me nke njen nge'.

Nesiaṅe 11:20

Là num ta' maṅwù mfèt k'a nke ntum ntselag bin, mfèt k'a nke mbag zine; mbènte ntù tsine nummbe bin ghua' Tshùaben z'a be netèt bin nà, mba num ndù: Bin kua' ntshob ndù: Bag na' ntum Egipto à numke?

Nesiaṅe 14:2

Njoṅ bon ba Israél fa tshob Mosé bo Aron ndù: Bag na' nkwù à ntùm ngô Egipto mb'a lo bwô yage, ke nekwù mba num kônkwa lo.

Nesiaṅe 14:3

Numke Tshùaben nke ndo' yag nèn yi ntùm ngô ze bo nsi watte yag bwe à? Bo nsi lo' zwi tshage mba bon tshage mba kuan nà. A ke' bwô be à nebèn njam Egipto ké?

Nesiaṅe 16:13

A ke' ku' wù mb'o na' sô yag ntùm ngô ze mbùn na' mba ṅwa'a tshwèt nke nswe' bwe mba ntse là, ndo' yag nse' yi bag kwù num kônkwa là ké? O ke' fite netô yag ké?

Nesiaṅe 21:5

Bo to' netshabte Nsi mba Mosé ntshob ndù: Ke bèn ngù bin sô yag nko' yi mà Egipto à? Ndù bag se' kwù num kônkwa nsen ni ké? Nummbe sàm bàn mba sàm ntse ke nsen ni, mba yen mana zwentù li yà ke mbag yage!

Mfa' Ghantum 26:29

Là Paulo bùnte ndù: Ke mén nda'nda' ke yàm no, me num nde'te Nsi, ke b'a nda' wù tù' o, là njoṅ benntùn fa tse bo tshwèt nju' àm sènni là, bin tù' zin mba me là, kà ntag nda' netsho ntùm nkù.

1 Korintô 4:8

Kà, bin à ywèle, kà, bin à be ghafu'! A ke bag, mba bin b'a fenfen! We nsi ghù bin be fenfen bag à bin tamte ntô à?

2 Korintô 11:1

Kà be bin fènte metsit bà z'a fe me lo! Là bin num mfènt'àm.

Nebwôgte 28:67

Ntù o nsi vètte num tshu ts'o yen nà, o ke ntshob ndù: Tù' nda' nkebnjù a be mfetnjù, tù' nda' mfetnjù a be nkebnjù.

Nebwôgte 8:3

A lo lab o mfà nsi, ngù nziku' ya o, a lo' mana nkém o yi, mana z'o ke' lèn tshaṅ i, ndù mba tà tsho lo ke lèn nà. A na' nelo' nda'te wù yi mbe mènntùn ke' ke njôg à nda' num bàn, là nda' num ntshob mi a tum ntshu Tshùaben nà.

Yoshua 7:7

Yoshua tsiaṅ Tshùaben Nsi ntshob ndù: O na' ngù yen nzwit mèn ni dut Yordan num nefà yag mum mbu ba Amor, bo biagte yag à numke? Ke z'a na' ngù bag ke ghô yen yoṅ ta'ntse din à?