Netume 15:3 - NTSHOB NSI

³ Tshùaben b'a sa'nde' num ntsho. Lén se b'a Tshùaben.

Netume 15:3 Iomraidhean Croise

Yobkwi 24:8

Yen mfen nkuni là b'a we? A b'a Tshùaben, Nganeta, Ngafùag wut, Ngafùag wut num ntsho.

Yobkwi 45:3

O bwô ntshùa njoṅ bon mèn nyiaṅtu fa me mfen àm. Kondèn dun num nkub ntshu mu. A ndùlala ze Nsi yag kàn wù yoṅ ntshù' là.

Yobkwi 83:18

A bwô ndù tuswe ke nko yube, a bwô ndù fétwut ke ngom yub njoṅ ndù fa. A bwô ndù tuswe ko yub kà bo zwiaṅte mbi!

Netume 14:14

Tshùaben bèn ma' ntsho num zin tu, tu wut tsin bin tswe fite.

Netume 14:25

A kag nyu' num nku ghatshagte nkalig mube, kà bo nke mbe zin njen ngùtni. Ndùlala ba Egipto tshob ndù: Be kù nèn nesà mbaṅ Israél, nummbe Tshùaben bèn nke ma' Egipto ntsho num yub tu.

Netume 3:13

Mosé tshob Nsi ndù: A be ndùlala mba me nsi nèn tèt bon Israél tshob bo ndù: Nsi tà tsin tum àm mbaṅ bin. A be ze bo bètt'àm lén so là mba me nsi bùnte bo à ndùke?

Netume 3:14

Nsi tshob Mosé ndù: Me b'a mèn ze me be là. A bèn ntshob Mosé ndù: Tshù ju z'o nsi bùnte bon Israél li: Mèn z'a be là bèn ntum àm mbaṅ bin.

Netume 3:15

Nsi bèn ntshob Mosé ndù: O nsi tshob bon Israél ndù: Tshùaben Nsi tà tsine, Nsi Abraham, Nsi Isak, Nsi Yakob bèn ntum àm mbaṅ bin. Tshù lén sàm nà num njoṅ zwiaṅ njù fa, a mba bo nsi tù' ke ntsiaṅ àm nà.

Esaya 42:13

Tshùaben ke nkù' nse' à mba ta' sa'nde' là. A tshwèt nkamte tshùagt'é à mba ngale' ntsho là. A tshag nz'é tù, nkua'a; a la'te ngù' i num ghakeban tse.

Esaya 42:8

Me b'a Tshùaben, tshù lén sàm nà. Me ke nsi fà yàm ghamte mo' mèn, ke fà yàm nku'ni ba neto.

Yérémia 33:2

Tshùaben z'a ghù tshen tshu là, Tshùaben z'a tàmte tshen tshu mbèn ngù a bumte, yi ze lén se b'a Tshùaben nà tshob ndù: