Netume 15:2 - NTSHOB NSI

² Tshùaben bèn mbe yàm neta, me ke njob kwi fà à yi. A yi bèn ntshu' àm. A b'a Nsi àm, me nsi nyàmt'é. Me nsi ghamte ze Nsi tàa.

Netume 15:2 Iomraidhean Croise

Neto'te 17:7

Me nsi wat kàn bag wù, wat kàn bag nzwil o, ndùlala num ngu'ngu', kàn sen nà tswe matmat, ndùlala ndù me be Nsi o mba ze nzwil o.

Neto'te 49:18

Tshùaben me ke nywint'a num yôg s'a fe wù là.

2 Samuél 22:3

Nsi b'a sàm gholoṅ dù' me num mfon ndàlem bwe là. A b'a yàm tshètntsho, mbe neta z'a num njôg àm nà. A b'a ngatshètt'àm, mbe ngatshu' àm. Ngayôg àm, o num ntshètt'àm num nu nefètte lem.

2 Samuél 22:47

Tshùaben te ku i num nenàfi! Ghamte be gholoṅ àm! A bwô ndù bo ghamte mbèn nyàmte gholoṅ sàm s'a num njôg àm nà.

2 Samuél 22:51

A num ntshu' mfen i yàm yàme, nke nko ndèn mèn z'a yo' i là; ngù ndùlala David bo tunndà i njoṅ ndù fa.

2 Samuél 7:24

O lo ghù yu nzwit mèn Israél taṅ nga, ngum nsi, ndùlala ndù a be yu nzwit mèn matmat; wù Tshùaben lo tù' ze Nsi.

2 Samuél 7:5

Nèn ntshob ngafa' àm David ndù: Tshù ju ze Tshùaben tshob li: A b'a wù nsi bèn kut ta' ba' me, ze me ghù dù'ntswe àm yi là ké?

1 Fenfen 8:13

Ndùlala me kut ta' ba' z'a nsi be yu dù'ntswe là, dù' z'o nsi tswe bwe matmat là.

1 Fenfen 8:27

A b'a kua' nenùn ndù be Nsi tswe num nsitsha' ké? Tshù là, kamànyam, njoṅ kamànyam fa kag num o, kà njôg mbe se' num yen ba' li ze me kut là!

1 Kronika 16:14

Tshùaben b'a Nsi be, tse netsho'te ntsha fa be ntôg num njoṅ nsitsha' fa.

Yobkwi 109:1

Ntshagte yobkwi; yobkwi David. Nsi ze me be nyàmt'é, kà tswe ntshu mi'i.

Yobkwi 118:14

Tshùaben b'a yàm neta, tunu sàm yobkwi. A yi bèn njôg àm.

Yobkwi 118:21

Me tshwèt nyàmt'o, nummb'o lo bùnte me, nummb'o lo yôg àm.

Yobkwi 118:28

A b'a wù bèn mbe Nsi àm, me be ngamt'o, Nsi àm, me be nyàmt'o!

Yobkwi 132:5

tà nkum ngelaṅ ze me fon ze dù'ntswe Tshùaben nà, dù'ntswe Ndum Yakob.

Yobkwi 140:7

Me tshob Tshùaben ndù: A b'a wù bèn mbe yàm Nsi, Tshùaben, ju' nze tshàm le'te!

Yobkwi 145:1

Yobkwi David. Nsi àm, mbe mfen àm, me nsi nyàmt'o. Me nsi ghamt'o njoṅ ndù, ghamt'o matmat.

Yobkwi 18:46

Bon ba tum vù. Bo tshwèt mbe tum ntùm kàbngô tshob nke mvètte.

Yobkwi 22:10

Ṅ, o lo ghù me tum bam màa, o lo lem àm ndà ntù màa.

Yobkwi 22:3

Nsi àm! Me be nkua' wù mbwôgtshù, o ke bùnte, nkua' wù tèttswe', ke ghù sàm fite.

Yobkwi 27:1

Yobkwi David. Tshùaben b'a yàm nelàne, mba sàm yôg: Be me bèn mbwôg à we? Tshùaben b'a ntom yôg sàm: Be we kag bwôg num àm à?

Yobkwi 28:8

Tshùaben b'a ze neta ze nzwit mèn, mbe ndàlem mba ngayôg ze ngayo' mfèt.

Yobkwi 30:1

Yobkwi. Yobkwi num netsho' Ndà Nsi. Yobkwi David.

Yobkwi 34:3

A bwô ndù ntù àm ghamte wul i num Tshùaben. A bwô ndù ghayennge' ju'u, mbèn ntsiaṅte.

Yobkwi 48:14

Bin lôte ze kàbngô, bin zinte ntùm ntshwèl i, ndù bin ghù nsoṅ ben tse bo nsi tum mànjam nà;

Yobkwi 59:17

Tu wul àm me nsi yob kwi num neta o. Me nsi nyàmte kondèn o neto' fe nkebnjù. Nummb'o b'a yàm neta ndàlem, mbe ndàlem mum lé'njù nge'.

Yobkwi 68:20

Ghamte be Tshùaben njoṅ lé'njù fa. A be ze bo fétte yag là mba Nsi a' yôg yage.

Yobkwi 99:5

Bin ghamte Tshùaben Nsi be, ngwù nsi mbwe ko'nku mi. A b'a Nelàne.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Netume 14:13

Mosé bùnte ngô ndù: Kà bin bwôg. Bin tswe ndù kam. Bin nsi yen mba Tshùaben nsi tshu' zin nà sènni. Tshen ba Egipto li tse bin tshwèt njen yub sènni là, bin ke nsi zi bèn yen yube.

Netume 3:6

A bèn ntshob ndù: Me b'a Nsi tàan Abraham, Nsi Isak, mba Nsi Yakob. Mosé lem se i, ke bam nelôte Nsi.

Netume 4:22

O nsi tshob Faraon ndù: Tshù mba Tshùaben tshob li: Tuswe àm b'a Israél.

Netume 40:34

Ndùlala ndot kabte ndà mbumte, nkuni Tshùaben dun ntùm dù'ntswe.

Netume 6:7

Me nsi lo' zin ghù yàm nzwit mèn yi, be zin Nsi, a tshùa ndùlala bin lèn ndù a b'a me Tshùaben. Nsi zin bèn ntshu' zin num mfa' mi ba Egipto tshwèt ma'ni zin bwe là.

Esaya 12:2

Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

Esaya 25:1

Wù Tshùaben, o b'a Nsi àm. Me nsi nyàmt'o, me nsi ghamte lén so. Nummb'o ghù tshu ts'a bwô neshu là. Nu ts'o na' ntàmte tà fe ndùke lo là bumte kua' ndaṅndaṅ.

Esaya 45:17

A be ze Israél tshùa ntsho là, mb'a fe à Tshùaben. Yen netshùa ntsho là b'a z'a tswe matmat là, tuswe ke nsi ko zine, tuswe ke nsi ghom zin tà nèn nkum miagte ngelaṅ.

Esaya 49:6

A bèn ntshob me ndù: Mb'o be ngafa' àm, num nebù'te nzwit Yakob mba nelo' tshé' Israél bèn yi njam nà ke' yoṅ nku'u. Me yab o ndù o be nka' nelàn ngôngô, ndo' yôg sàm nèn yi num ntôg njù.

Esaya 66:1

Tshùaben tshob ndù: Kamànyam b'a ko'fen sàm, tsha' be kamnko' dù' ze me be nte nku màm bwe là. A kua' zit ba' ze be bin kut m'à?

Yérémia 3:23

Ṅ, tshu'te z'a tshwèt mfe num nkônga boa mbat là b'a fùte; kua' nenùne, yôg Israél b'a ntùm mbu Tshùaben Nsi yag.

Yérémia 31:33

Là, tshù lèn kàn se me nsi wat bag tunndà Israél ndùse tshen lé'njù là nsi tôg li: Me nsi yab ntshù' àm ntùm wut yub, kit'é ntùm ntù bo; me nsi be Nsi yub, bo be yàm nzwit mèn. Tshùaben bèn ntshobe.

Yérémia 32:38

Bo nsi be yàm nzwit mèn, me be yub Nsi.

Habakuk 3:13

O be nèn mbwe num neywimte yu nzwit mèn, num netshu' ze nzwit mèn yu mèn z'o yo' i là. O be mbe' num tu ngatshùagntù, nsat'é matmat.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Lukas 1:77

ndù a ghù ben tse lèn yôg ntshùa njam nelagte nukebwô.

Lukas 2:30

Nummbe miag màm yen ngayôg benntùn z'a fe wù là,

Yohané 4:22

Bin lo ke ngamte ju ze bin ke' lèn nà; bag nke ngamt'a ju ze bag lèn nà; nummbe yôg fe à ba Yuda.

Yohané 5:23

ndùlala ndù njoṅ benntùn fa ghamte Mén mba bo be ngamte Tà là: Mèn z'a ke' be ghamte Mén nà, ke' be ghamte Tà z'a tum i là.

Mfa' Ghantum 4:12

Yôg ke mo' mènghua, nummbe tun bam kamànyam, mo' lén mènghua ke bwe se bo na' mfà benntùn ndù be tshùa bwe nse' njôg là.

2 Korintô 5:19

A b'a Nsi na' mbèn ntshùa num Kristô ntamte njù num tu wul i, ke siaṅte mfànnu benntùn, nte ntshob netamte netèt be.

Efésô 2:22

bo kut mba bin zin num i ndù bin tù' dù'ntswe Nsi ntùm Ywèle.

Nebwôgte 10:21

A b'a mu nkuni, mbe yu Nsi. A yi na' ngù tshen tshu ndùb tse miag mu yene, ndù a kuni là netèl o.

Filipi 2:11

mba ndù njoṅ ndém fa tshob ndaṅndaṅ ndù Yésu Kristô b'a Tshùaben, num nkuni Nsi Tà.

Filipi 4:13

Me ku'ni neghù njoṅ i fa njam mèn z'a num mfà neta me là.

Kolosé 2:9

Nummbe ze nebe Nsi z'a dun nà num ntswe num Kristô, num wul i,

Apokalipse 15:3

bo yob kwi Mosé, ngafa' Nsi, mba kwi mén njùmbwe, ntshob ndù: Tshùaben, Nsi ngatô njù, mfa' mu b'a mi ndùb mba mi nekuni; mfen ngôngô, manze tsho b'a tse netsine, mbe tse nenùne.

Apokalipse 19:1

Tshen nà lo be tshùa, me ju' mo' nze ndùb mba tshu'te bwoṅ benntùn yàm nà mfe kamànyam, a tshob ndù: Aléluya! Yôg, nkuni mba neta b'a tse Nsi yag,

Ghasa'kame 5:21

Fub Kison lo ket yub nèn yi, njwèn fube, fub Kison. Ntù àm ṅwate; nyiaṅte ba sa'nde' nku me ntù àm!