Netume 14:3 - NTSHOB NSI

³ Faraon nsi tshob ndù: Ba Israél bi ntùm ngô, kônkwa tshèt yube.

Netume 14:3 Iomraidhean Croise

Yobkwi 139:2

O lèn ngelaṅ me tswe nsi là, mba ngelaṅ me tsin tù là. O be ndèn nkwatenu màm tà ngùanesà,

Yobkwi 139:4

Nummbe ntshob be mbe be num lém sàm ndù wù Tshùaben à bwôgmbwe ndèn njoṅ i fa,

Yobkwi 3:2

O! Tshùaben, ghakeban tshàm yàm neshu, ben yàme lo nsi num àm.

Yobkwi 71:11

Ntshob ndù: Nsi ghua' i. Bin yoṅ i, bin tshùb i, mèn ke bwe z'a tshu' i là.

Netume 14:2

Tshob bon Israél ndù bo bate nze, nse' nte mbàn yub mbwe Piahirot, netèt Megiddo bo dibantse, mbwe Baal-Séfon. Bin nsi te mbàn zin mbwe yen dù' là, mbaṅ dibantse.

Netume 14:4

Me Tshùaben nsi so sagntù ntù Faraon, a lo njab njam bin. Nda' ndù me nsi lo' ka'te tshùa Faraon yi bo ntshu ntsho i. A nsi tshùa ndùlala ba Egipto lèn ndù me b'a Tshùaben, bon Israél ju' ntshu àm.

Ezékia 38:17

Tshù ju ze Tshùaben Nsi tshob li: A kua' wù ze me na' ntshùa num ntshu ghafa' tshàm, tse ghatshob ntshob Nsi Israél ntshob tà mbwe ndù me nsi ghù o lo nsi num bo là. A lo be num tshen lé'njù là, tshen ngu'njù là bo yà tshob yen nu là.

Mfa' Ghantum 4:28

num neghù ndù njoṅ tshu fa tse bu o mba yu nekô na' njà nabte tà fe mbwe là bumte.

Nebwôgte 31:21

ndùse nge' boa ngùtni yàm nsi tsho i là, mba sen kwi li nsi be kwénta num yen nzwit mèn ni, nummb'a ke nsi lagte sen kwi li s'a nsi ke be ntshu nzwil i là. M'a lèn mba ntù i be là, ndèn mba ju z'a be ntù i là fe ndonni, kà njôg ndo' i ntsho yi ntùm ngô me na' ntshob nsaṅlaṅ num bwe nefà yi là.

Ghasa'kame 16:2

Bo soṅte yen nu là netèt njoṅ ba Gaza fa nke ntshob ndù: Samson b'a nsen ni. Bo diaṅ dù' i mbume, nzi béb dù' njoṅ tèttswe' fa, nke mbéb nze tusô. Bo tsinte nze ngô njoṅ tèttswe' fa nke ntshob ndù: Njù nsi làn be zwi i.

1 Samuél 23:23

Bin tsha'a, ndèn dù' ts'a be ndem bwe là, mbèn nse' njen àm bin à tshô ntùn, yen ngelaṅ nà bag bin nsi nène. A be z'a b'a ntùm ngô là mba m'a' diag i netèt bwoṅ ba Yuda fa tse bo yàm neshu là.

1 Samuél 23:7

Bo tshob Saulo mbe David zin tà nkum Keila, a tshob ndù: A bwô ndù Nsi swèn i ntùm mbu màm, nummb'a se' nso wul i ntùm ta' tusô s'a ghù nzendà boa tshu nefà num bwe là.