Netume 13:5 - NTSHOB NSI

⁵ A ndùlala, ndùse Tshùaben nsi tshag o ntùm ngô ba Kanaan, ba Hétia, ba Amor, ba Hévia bo ba Yébusia, ts'a na' nsaṅlaṅ bwe tà tsho ndù a nsi fà wù là, o nsi ke ze yen nu li be num maṅwù mbile. Mbùn nyàm bo ṅwa' be nké nswe' ntùm yen ngô là.

Netume 13:5 Iomraidhean Croise

Neto'te 26:3

Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

1 Kronika 1:15

ba Hiv, ba Arkia, ba Sim,

Netume 12:24

Bin nsi ke ze yen nà. A b'a ta' ntshù' wù mba bon tsho num ngu'ngu'.

Netume 13:10

O nsi ke ze yen nu là mba zit ngu'njù lo, kua' num ngelaṅ i.

Netume 13:11

Ndùse Tshùaben nsi tshag o ntùm ngô Kanaan, mb'a na' nsaṅlaṅ wù num bwe mba tà tsho, fà kua' yen ngô là wù là,

Netume 3:17

ndùlala me tshob ndù: Me nsi ghù bin tum ndà kuan bin be bwe Egipto là, nèn ntùm ngô ba Kanaan, ba Hétia, ba Amor, ba Férésia, ba Hévia boa ba Yébusia, ngô ze mbùn nyàm be nswe' bwe bo ṅwa' là.

Netume 3:8

Ndùlala me swe' num netshu' yub bu ngô Egipto, mba ndù bo ko' ntùm yen ngô li nèn ntùm mbwô ngô nezi, ntùm ngô ze mbùn nyàm be nswe' bwe bo ṅwa' là, ntùm dù' ze ba Kanaan, ba Hétia, ba Amor, ba Férésia, ba Hévia boa ba Yébusia be ntswe là.

Netume 32:13

Kwimte Abraham, Isak bo Israél, ghafa' tsho ts'o na' ndo' tu wul o nsaṅlaṅ yi, ntshob ndù: M'a' ghù nzwit zin yàm mba nsà mi a kamànyam nà. O lo bèn ntshob mba ndù: Me nsi fà njoṅ ngô fa me na' ntshob là tunndà o, a tù' yub ju matmat.

Netume 33:1

Tshùaben tshob Mosé ndù: Lo nsen ni, bin ngô z'o sô mà Egipto là, nko' nèn num tsha' tse me na' ndo' à netshob nu nsaṅlaṅ bwe mbù yi Abraham, Isak mba Yakob ndù m'a' fà bo là. Me lo tshob nsaṅlaṅ bwe num men nka'ni là ntshob ndù: M'a' fà nzwit yub.

Netume 34:11

Zete num ju ze me nsi tshob wù sènni là. M'a' ta' ba Amor, ba Kanaan, ba Hétia, ba Férésia, ba Hévia boa ba Yébusia mbwe o.

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Netume 6:8

Me nsi ghù bin tsho ntùm ngô ze me na' nsaṅlaṅ bwe ndù me nsi fà Abraham, Isak mba Yakob là. Me Tshùaben nsi fà i bin a tù' zin ju.

Yérémia 11:5

A be ndùlala mba m'a' zwiagte nka'ni mi me na' nka' tà tsine, ndù me nsi fà ngô ze mbùn be nswe' bwe bo ṅwa' là bo, mba bin tshwèt njen sènni là. Me bùnte ndù: Amén, ṅ me Tshùaben!

Yérémia 32:22

O lo fà yen ngô li bo, ngô z'o na' nsaṅlaṅ bwe tà tshob ndù o nsi fà bo là, ngô ze mbùn be nswe' bwe bo ṅwa' là.

Ezékia 20:6

Me lo sobve num bo sen lé'njù là ntshob ndù me nsi ghù bo tum mum ngô Egipto nèn mum ngô ze me tsho' bo là. Yen ngô là bwô ntshùate, ṅwa' bo mbùn num nké ntùm bwe.

Lévitiko 20:24

Me lo tshob bin ndù: Bin nsi lo' ngô yube. Me nsi fà i bin. A b'a ngô ze mbùn bo ṅwa' be nké, nke nswe' bwe là. Me b'a Tshùaben Nsi zin, ndù me lo fagte zin num ngôngô.

Nesiaṅe 11:12

Me bèn mbe jùm tshen ben ni ké? Me bèn mbwe yub ntùm njù ké? Numke o nke ntshob ndù, me ze yub mba bo num nze mén nà à? Nze yub Ndùlala tà nkum ntùm ngô z'o na' mbù ba tà tshob l'à?

Nesiaṅe 13:27

Bo soṅ Mosé tshô manze ntshob ndù: Bag nèn ntùm ngô z'o tum yag bwe là. Bin bwe kua' nenùne. A b'a ngô ndù mbùn na' mba ṅwa'a yàm bwe neshu. Tshù lèn ntamtù mi a tum bwe là li.

Nesiaṅe 14:16

Tshùaben ke' ku'ni neghù ndù tshen ben ni tsho ntùm ngô z'a na' mbù bo là, ndùlala kà zwite yub kônkwa.

Nesiaṅe 14:30

Me tshob nsaṅlaṅ bwe, bin ke nsi tsho ntùm ngô ze me na' mbù nete zin bwe là, kà ke nda' Kaléb, nshum Yéfuné bo Yoshua, nshum Nun.

Nesiaṅe 32:11

A ghù be ke lo, mba tshen ben ni tse bo ko' Egipto, tse ngu'njù 20 mba tse bo tshùate là, ke nsi yen tsha'a ze me na' mbù Abraham, Isak mba Yakob là, nummbe bo lèt wut num netam njam àm!

Nebwôgte 12:29

Ndùse Tshùaben Nsi miagte neta' ngô tse bo mbwe o, k'o lo' tshob tsha' nte bwe, ngô yub tù' yu là,

Nebwôgte 19:1

Ndùse Tshùaben Nsi o nsi biagte ngôngô ts'a fà tsha' tshob wù, k'o ta' yub ntswe ntùm ntusô mub boa mba' mub là,

Nebwôgte 26:1

Ndùs'o nsi tsho ntùm ngô ze Tshùaben Nsi o fà wù mba ntsi'i, k'a tù' yu o te bwe là,

Nebwôgte 7:1

Ndùse Tshùaben Nsi o nsi ghù o tsho ntùm ngô z'a nsi tù' yu, mbe be ndù a ta' ngô yàm num miag mu: Ba Hétia, ba Guirgas, ba Amor, ba Kanaan, ba Férésia, ba Hévia boa ba Yébusia, tshen ngô sammbàa là ts'a yàm mbèn nta ntshùa o là me Israél;

Yoshua 24:11

Bin lo dut Yordan, nzin nkum Yériko. Ba Yériko lo ma' zin ntsho, ba Amor, ba Kanaan, ba Hétia, ba Guirgasia, ba Hévia boa ba Yébusia ma' zin ntsho. Me lo fà yub mum mbu mine.